پانی و بجلی کی بندش پر شہری مشتعل، مختلف علاقوں میں احتجاج، ٹریفک نظام مفلوج
اشاعت کی تاریخ: 29th, April 2025 GMT
کراچی:
شہر قائد میں پانی اور بجلی کی طویل بندش پر عوام کا صبر جواب دے گیا، مختلف علاقوں میں شہری سڑکوں پر نکل آئے، احتجاج اور ہنگامہ آرائی کے باعث شہر کا ٹریفک نظام بری طرح متاثر ہوا۔
یونیورسٹی روڈ اور جیل چورنگی کے قریب بجلی کی مسلسل بندش کے خلاف علاقہ مکینوں نے احتجاج کیا جس کے دوران مظاہرین مشتعل ہو گئے اور سڑکوں سے گزرنے والی گاڑیوں پر پتھراؤ کیا۔ احتجاج کے باعث یونیورسٹی روڈ، جیل روڈ اور ملحقہ شاہراہوں پر بدترین ٹریفک جام دیکھنے میں آیا۔ احتجاج تقریباً آدھے گھنٹے تک جاری رہا جس کے بعد پولیس موقع پر پہنچی اور مظاہرین کو منتشر کر کے ٹریفک بحال کرایا۔
دوسری جانب گارڈن کے علاقے میں بھی بجلی کی بندش پر شہریوں نے الیکٹرک کے دفتر کے باہر احتجاج کیا۔ آغا خان سوئم روڈ، انکل سریا اسپتال سے ٹینکر چورنگی کی جانب آنے جانے والا راستہ ٹریفک کے لیے بند کر دیا گیا، جس کے باعث اطراف کی سڑکوں پر شدید ٹریفک جام ہو گیا۔گارڈن کا احتجاج تقریباً 45 منٹ تک جاری رہا، بعد ازاں پولیس اور مظاہرین کے درمیان کامیاب مذاکرات کے بعد احتجاج ختم کیا گیا اور سڑک کو ٹریفک کے لیے کھول دیا گیا۔
شہریوں کا مطالبہ تھا کہ بجلی اور پانی کی فراہمی فوری طور پر بحال کی جائے۔ عوامی شکایات کے باوجود متعلقہ ادارے تاحال مسئلہ حل کرنے میں ناکام نظر آتے ہیں۔
.ذریعہ: Express News
کلیدی لفظ: بجلی کی
پڑھیں:
بڑی سہولت ختم ! بجلی کے بھاری بلوں سے پریشان صارفین کے لئے اہم خبر
اسلام آباد(نیوز ڈیسک) بجٹ آتے ہی بجلی صارفین کو دی جانے والی بڑی سہولت ختم کرنے کا فیصلہ کرلیا گیا، جس کا اطلاق یکم جولائی سے ہوگا۔
تفصیلات کے مطابق بجلی صارفین کو دی جانے والی سہولت سے متعلق بڑا فیصلہ کرلیا گیا۔
ڈاک خانوں میں بجلی بل جمع کرانے کی سہولت ختم کرنے کا فیصلہ کیا گیا ہے، یکم جولائی سے بجلی بل ڈاکخانوں میں جمع نہیں ہوسکیں گے۔
اس حوالے سے اسلام آباد الیکٹرک سپلائی کمپنی نے پاکستان پوسٹ کو فیصلے سے آگاہ کر دیا ہے۔
ذرائع نے بتایا کہ آئیسکو کی جانب سے پاکستان پوسٹ کو خط لکھ دیا گیا ہے ، جس میں کہا ہے کہ اقدام کا مقصد وصولیوں کے نظام کا ڈیجیٹائز کرنا ہے بل وصولیوں کا نظام مینوئل سے ڈیجیٹل کلیکشن پرمنتقل کیاجارہاہے۔
حکام کا کہنا تھا کہ فیصلے کا مقصد نقد کیش سے ہونے والی وصولیوں میں نقصانات کو کم کرنا ہے۔
مزید پڑھیں : اوورسیز پاکستانیوں نے ترسیلات بھیجنے کا نیا ریکارڈ بنادیا
کراچی میں قربانی کے جانور چھیننے والے گینگ کے 3 ملزمان گرفتار