جمہوریت اور بحالی جمہوریت کیلئے پیپلز پارٹی کے وکلاء کی تاریخی جدوجہد اور قربانیاں ہیں، نیئرحسین بخاری
اشاعت کی تاریخ: 30th, April 2025 GMT
اسلام آباد (اُردو پوائنٹ اخبارتازہ ترین - این این آئی۔ 30 اپریل2025ء)پیپلز لائرز فورم کے مرکزی صدر و سیکرٹری جنرل پیپلزپارٹی پارلیمنٹرینز سید نیئرحسین بخاری نے کہاہے کہ جمہوریت اور بحالی جمہوریت کیلئے پیپلز پارٹی کے وکلاء کی تاریخی جدوجہد اور قربانیاں ہیں۔پیپلز لائرز فورم کے مرکزی صدر و سیکرٹری جنرل پیپلزپارٹی پارلیمنٹرینز سید نیئرحسین بخاری سے خیبر پختونخواہ پیپلز لائرز فورم کے صدر گوہر رحمن خٹک ایڈوکیٹ نے سینٹرل سیکرٹریٹ اسلام آباد میں ملاقات کی جس میں گفتگو کرتے ہوئے نیئر حسین بخاری نے کہاکہ قانون دان قائد اعظم نے آزاد ملک پاکستان بنایا ،قانون دان ذوالفقار علی بھٹو شہید نے سرزمین بے آئین کو آئین کی کتاب دی۔
انہوںنے کہاکہ پاکستان میں جمہوری پارلیمان وجود میں آیا۔(جاری ہے)
انہوںنے کہاکہ جمہوریت اور بحالی جمہوریت کیلئے پیپلز پارٹی کے وکلاء کی تاریخی جدوجہد اور قربانیاں ہیں۔ نیئر حسین بخاری نے کہاکہ خیبر پختونخواہ میں پیپلز لائرز فورم کی ضلعی سطح پر تنظیم سازی خوش آئند ہے۔انہوںنے کہاکہ بلاول بھٹو زرداری کی قیادت میں پیپلز لائرز فورم کی بھٹو ازم کے پرچار کیلئے سرگرمیاں اور فعال ہونا قابل تحسین ہے۔
پیپلز لائرز فورم کے پی کی صدر نے مرکزی صدر پی ایل ایف نیر بخاری کو پشاور ہائی کورٹ بار انتخابات میں پیپلز لائرز فورم کے حمایتی گروپ کے بشمول پشاور ڈی آئی خان سوات سے عہدیداران کی کامیابی پر مبارک باد دی ۔ اس موقع پر ندیم افضل چن نے کہاکہ پی ایل ایف کی صوبائی تنظیم کو پشاور ہائی کورٹ بار انتخابات میں پرنسپل سیٹ بشمول ڈی آئی خان سوات میں عہدیداران کی کامیابی پر مبارکباد دیتا ہوں۔ گوہر رحمن خٹک نے کہاکہ پیپلز لائرز فورم صوبہ بھر میں منظم اور متحد ہے۔.ذریعہ: UrduPoint
کلیدی لفظ: تلاش کیجئے
پڑھیں:
امریکا کیلئے براہ راست پروازوں کی بحالی قریب، ایف اے اے کا نیا آڈٹ جنوری میں متوقع
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان سے امریکا کے لیے براہ راست پروازوں کی بحالی کے سلسلے میں اہم پیشرفت سامنے آئی ہے، امریکی فیڈرل ایوی ایشن اتھارٹی (FAA) کی ٹیم آئندہ سال جنوری میں ایک اور تفصیلی آڈٹ کے لیے پاکستان کا دورہ کرے گی۔
ذرائع کے مطابق سول ایوی ایشن اتھارٹی (سی اے اے) نے تمام متعلقہ شعبہ جات کے سربراہان کو ہدایت جاری کردی ہے کہ وہ امریکی ماہرین کے آڈٹ کے لیے تمام تیاری مکمل رکھیں۔ ٹیم پاکستان کی ایوی ایشن سسٹم، فلائٹ سیفٹی، طیاروں کی مینٹیننس اور آپریشنل معیار کا جامع جائزہ لے گی۔
ذرائع کا کہنا ہے کہ آڈٹ کے دوران امریکی ماہرین ان طیاروں کا بھی معائنہ کریں گے جو مستقبل میں پاکستان سے امریکا کے لیے براہ راست پروازوں میں استعمال کیے جا سکتے ہیں۔ اس مقصد کے لیے پاکستان انٹرنیشنل ایئرلائن سمیت دیگر ملکی ایئر لائنز نے اپنی تکنیکی ٹیموں کو ہائی الرٹ کردیا ہے۔
یاد رہے کہ گزشتہ ستمبر میں امریکی ایوی ایشن اتھارٹی کی ٹیم نے پاکستان میں ابتدائی آڈٹ کیا تھا، جس میں سی اے اے کے متعدد شعبہ جات اور ایئر لائنز کے طیاروں کا جائزہ لیا گیا تھا۔ جنوری میں ہونے والا نیا آڈٹ اگر کامیاب رہا تو پاکستانی ایئر لائنز کے لیے امریکا کی براہ راست پروازیں بحال کرنے کی راہ ہموار ہو جائے گی — جو کئی برسوں سے معطل ہیں۔
ایوی ایشن ماہرین کے مطابق براہ راست پروازوں کی بحالی نہ صرف پاکستانی مسافروں کے لیے سہولت فراہم کرے گی بلکہ ملکی ہوا بازی کے شعبے کے اعتماد میں بھی اضافہ کرے گی۔
کراچی، نادرن بائی پاس پر پلاسٹک کے گودام میں آگ لگ گئی