‘کِیا’ کی طرف سے اسپورٹیج ایل کی قیمتوں میں بڑی کمی کا اعلان، نئی قیمتیں کیا ہوں گی؟
اشاعت کی تاریخ: 1st, May 2025 GMT
پاکستان میں گاڑیوں کے معروف برانڈ KIA نے اپنی ‘اسپورٹیج ایل’ کی قیمتوں میں نمایاں کمی کا اعلان کر دیا ہے، جو کہ یکم مئی 2025 سے نافذ العمل ہو گئی ہے۔
ماہرین کے مطابق یہ فیصلہ ہیونڈائی کی’ ٹوسان ہائبرڈ’ کی لانچ کے بعد سامنے آیا ہے کیونکہ یہ گاڑی کِیا کی اسپورٹیج کی براہِ راست حریف ہے۔
پاکستانی مارکیٹ میں طویل عرصے سے کِیا اسپورٹیج اور ہنڈائی ٹوسان کے درمیان سخت مقابلہ رہا ہے۔ دونوں گاڑیاں کارکردگی، خصوصیات اور برانڈ کی مقبولیت کے لحاظ سے ایک دوسرے کے مدِمقابل سمجھی جاتی ہیں۔ تاہم ہنڈائی کی جانب سے ٹوسان ہائبرڈ کو ایک مسابقتی قیمت پر متعارف کروانے کے بعد ماہرین کو یقین تھا کہ کِیا کو اپنی اسپورٹیج کی قیمت کم کرنی پڑے گی۔
کِیا اسپورٹیج ایل کی نئی قیمتیںکِیا کی آفیشل پریس ریلیز کے مطابق، عارضی بنیادوں پر درج ذیل قیمتوں میں کمی کی گئی ہے:
اسپورٹیج ایل HEV کی قیمت 12,850,000 روپے سے کم ہو کر 10,999,000 روپے کر دی گئی ہے، یعنی 1,851,000 روپے کی کمی واقع ہوئی ہے۔ اسپورٹیج ایل FWD کی قیمت 11,825,000 روپے سے کم ہو کر 9,999,000 روپے ہو گئی ہے، جو کہ 1,826,000 روپے کی کمی ہے۔ اسپورٹیج ایل الفا (Alpha)، جو بیس ویرینٹ ہے، اب 8,499,000 روپے میں دستیاب ہے، جب کہ پہلے یہ 9,499,000 روپے میں فروخت ہو رہی تھی، اور اس میں 1,000,000 روپے کی کمی کی گئی ہے۔کِیا کے اعلامیے کے مطابق یہ قیمتیں محدود مدت کے لیے ہیں اور پہلے آئیں، پہلے پائیں کی بنیاد پر لاگو ہوں گی، جب تک اسٹاک موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
kia اسپورٹیج ایل ایس یو وی قیمت میں کمی کار کیا گاڑی گاڑیوں کی قیمت.
ذریعہ
ذریعہ: WE News
کلیدی لفظ: اسپورٹیج ایل ایس یو وی کار کیا گاڑی گاڑیوں کی قیمت اسپورٹیج ایل کی قیمت 000 روپے گئی ہے
پڑھیں:
پاکستان میں سریے کی قیمت آج 23 جولائی 2026، تازہ ریٹس جاری
اسلام آباد: پاکستان میں سریے کی قیمت جمعرات 23 جولائی 2026 کو مجموعی طور پر مستحکم رہی، تاہم مختلف برانڈز اور گریڈز کے لحاظ سے معمولی فرق دیکھا گیا۔ تعمیراتی شعبے سے وابستہ افراد کے لیے جاری کردہ تازہ مارکیٹ اپ ڈیٹ کے مطابق ملک بھر میں سریے کی قیمت 258 روپے سے 265 روپے فی کلوگرام کے درمیان برقرار ہے۔
تعمیراتی ماہرین کے مطابق رہائشی اور کمرشل منصوبوں میں سب سے زیادہ گریڈ 40 اور گریڈ 60 سریا استعمال کیا جاتا ہے، کیونکہ یہ مضبوطی اور معیار کے لحاظ سے موزوں تصور کیے جاتے ہیں۔
پاکستان میں سریے کے تازہ ریٹس
سریے کا گریڈ قیمت (روپے فی کلوگرام)
گریڈ 40 260 روپے
گریڈ 60 265 روپے
مارکیٹ ریٹ 258 سے 265 روپے
ماہرین کا کہنا ہے کہ پاکستان میں سریے کی قیمتوں میں اتار چڑھاؤ کئی عوامل سے متاثر ہوتا ہے، جن میں خام مال کی قیمت، بجلی اور گیس کے نرخ، ٹرانسپورٹ کے اخراجات اور تعمیراتی شعبے کی مجموعی طلب شامل ہیں۔
انہوں نے خریداروں اور بلڈرز کو مشورہ دیا ہے کہ بڑی مقدار میں سریا خریدنے سے قبل مقامی ڈیلرز سے تازہ نرخ ضرور معلوم کریں، کیونکہ مختلف شہروں، برانڈز اور مینوفیکچررز کے لحاظ سے قیمتوں میں معمولی فرق ہو سکتا ہے۔
تعمیراتی صنعت سے وابستہ ماہرین کے مطابق اگر خام مال یا توانائی کی قیمتوں میں نمایاں تبدیلی آتی ہے تو آئندہ دنوں میں پاکستان میں سریے کی قیمت بھی متاثر ہو سکتی ہے، اس لیے مارکیٹ کی صورتحال پر نظر رکھنا ضروری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی