ویزا پروگرام،یو اے ای قونصل جنرل کا پاکستانیوں کے لئے بڑا اعلان
اشاعت کی تاریخ: 2nd, May 2025 GMT
متحدہ عرب امارات کے قونصل جنرل بخیت عتیق الرمیتھی نے پاکستانیوں کو ویزے کے حوالے سے بڑی خوشخبری سنادی۔تفصیلات کے مطابق گورنر خیبر پختونخواہ فیصل کریم کنڈی نے متحدہ عرب امارات کے قونصل جنرل بخیت عتیق الرمیتھی سے ملاقات کی۔
ملاقات میں باہمی دلچسپی کےامور پرتبادلہ خیال کیا گیا، اس موقع پر گورنر کے پی نے یو اے ای قونصلیٹ کےبزنس ویزا سیکشن کا افتتاح کیا۔فیصل کریم کنڈی کا کہنا تھا کہ متحدہ عرب امارات پشاور میں قونصل خانہ کھولے۔
قونصل جنرل بخیت عتیق الرومیتی نے بتایا کہ کاروباری سیکشن باہمی سرمایہ کاری کےمواقع فراہم کرے گا، بزنس دونوں ممالک میں کاروباری تعلقات کومضبوط بنانےمیں مددگار ثابت ہوگا۔
یو اے ای قونصل جنرل کا کہنا تھا کہ پاکستانی شہری اب 5 سالہ ویزا پروگرام حاصل کرنے کے اہل ہیں، ویزاپروگرام دونوں برادر ممالک میں دوطرفہ تعلقات مزیدمضبوط کرے گا۔
یاد رہے متحدہ عرب امارات کے سفیر حماد عبید الزہبی نے پاکستانیوں کو ویزے کے حوالے سے بڑی خوشخبری سناتے ہوئے کہا تھا کہ اب پاکستانی پانچ سال کا یو اے ای کا ویزہ حاصل کرسکیں گے۔
.ذریعہ: Daily Ausaf
کلیدی لفظ: متحدہ عرب امارات یو اے ای
پڑھیں:
سمندر پار پاکستانی ہی ملک کے اصل اور حقیقی سفیر ہیں، فیلڈ مارشل عاصم منیر
فیلڈ مارشل عاصم منیر کا کہنا ہے کہ سمندر پار پاکستانی ہی ملک کے اصل اور حقیقی سفیر ہیں، ملک کی ترقی میں سمندر پار پاکستانیوں کا اہم اور کلیدی کردار ہے۔ آرمی چیف نے سمندر پار پاکستانیوں کو زرمبادلہ بھیجنے اور سرمایہ کاری پر خراج تحسین پیش کیا۔
آرمی چیف فیلڈ مارشل سید عاصم منیر ان دنوں دورۂ امریکا پر ہیں، جہاں انہوں نے واشنگٹن میں سمندر پار پاکستانیوں سے ملاقات کی، سمندر پار پاکستانیوں نے آرمی چیف کے اعزاز میں شاندار استقبالیہ دیا۔
آئی ایس پی آر کے مطابق بڑی تعداد میں سمندر پار پاکستانیوں نے فیلڈ مارشل عاصم منیر سے ملاقات کی، تارکین وطن نے آپریشن بنیان مرصوص میں پاک فوج کی کارکردگی کو سراہا، معرکہ حق میں مسلح افواج کی پیشہ ورانہ مہارت اور بہادری کی بھی تعریف کی۔
فیلڈ مارشل عاصم منیر نے اس موقع پر خطاب کرتے ہوئے کہا کہ سمندر پار پاکستانی ہی ملک کے اصل اور حقیقی سفیر ہیں، ملک کی ترقی میں سمندر پار پاکستانیوں کا اہم اور کلیدی کردار ہے۔
آرمی چیف نے سمندر پار پاکستانیوں کو زرمبادلہ بھیجنے اور سرمایہ کاری پر خراج تحسین پیش کیا، سمندر پار پاکستانیوں نے آرمی چیف کے ساتھ اپنے تجربات اور تجاویز کا بھی تبادلہ کیا۔
آئی ایس پی آر کے مطابق فیلڈ مارشل عاصم منیر نے سمندرپار پاکستانیوں سے روابط اور اشتراک عمل بڑھانے پر زور دیتے ہوئے کہا کہ اس طرح مشترکہ چیلنجز سے نمٹا اور خوشحال پاکستان کی جانب بڑھا جاسکتا ہے۔
اوورسیز پاکستانیوں اور آرمی چیف نے مضبوط، محفوظ اور مستحکم پاکستان کیلئے ملکر کام کرنے کے عزم کا بھی اظہار کیا۔
Post Views: 2
پنجاب: شدید گرمی کے باوجود اسکولوں کو سمر کیمپ لگانے کی اجازت دیدی گئی