پرانی گاڑی کے بدلے نئی سوزوکی آلٹو حاصل کرنے کا شاندار موقع، کمپنی نے آفر لگا دی
اشاعت کی تاریخ: 3rd, May 2025 GMT
سوزوکی موٹرز نے صارفین کے لیے ایک شاندار اور منفرد ”گاڑی ایکسچینج پروگرام“ متعارف کروا دیا ہے، جس کے تحت اب آپ اپنی پرانی گاڑی کے بدلے جدید فیچرز سے لیس نئی ”سوزوکی آلٹو“ حاصل کر سکتے ہیں۔
اس پروگرام کی خاص بات یہ ہے کہ آپ کسی بھی برانڈ کی پرانی گاڑی لا کر سوزوکی آلٹو کے تازہ ترین ماڈل سے تبدیل کر سکتے ہیں۔ سوزوکی ٹیکسلا موٹرز میں گاڑی کی مکمل جانچ پڑتال، رہنمائی اور ایکسچینج کا تمام عمل فراہم کیا جا رہا ہے۔
نئی سوزوکی آلٹو میں سائیڈ ٹرن لیمپ ( جو صرف AGS ویریئنٹ میں دستیاب ہیں)، پاور ونڈوز (سامنے اور پچھلے دونوں)، سیٹ بیلٹ انڈیکیٹر (جو کہ اب تمام ویریئنٹس میں معیاری دستیاب ہیں)، زیادہ کنٹرول اور محفوظ ڈرائیونگ کے لیے اے بی ایس بریکنگ سسٹم دئے گئے ہیں۔
کس طرح استفادہ حاصل کریں؟
دلچسپی رکھنے والے صارفین اپنی گاڑی کی قیمت اور ایکسچینج سے متعلق معلومات کے لیے سوزوکی ٹیکسلا موٹرز کے شوروم پر تشریف لا سکتے ہیں، جو کہ مین جی ٹی روڈ، ٹیکسلا پر واقع ہے۔ وہاں ماہرین آپ کی گاڑی کا معائنہ کریں گے اور مکمل رہنمائی فراہم کریں گے۔
اس کیلئے رابطہ نمبر 0336-5417367 اور 051-4535009-10 بھی دیا گیا ہے۔
اس کے علاوہ سوزوکی ٹیکسلا موٹرز فیس بک اور انسٹاگرام پر بھی فعال ہے جہاں آپ مزید معلومات حاصل کر سکتے ہیں۔
نوٹ: گاڑی کا تبادلہ اس کی حالت اور موجودہ مارکیٹ ویلیو کے مطابق ہوگا، اور آفر منتخب کردہ آلٹو ویریئنٹ کے لحاظ سے مختلف ہو سکتی ہے۔
مزیدپڑھیں:کیا سپورٹیج کی قیمتوں میں بہت بڑی کمی، سوزوکی سوئفٹ اور کلٹس مہنگی ہوگئیں
ذریعہ
ذریعہ: Daily Ausaf
کلیدی لفظ: سوزوکی آلٹو سکتے ہیں
پڑھیں:
شارع فیصل، کس لین میں گاڑی چلائی تو چالان نہیں ہوگا؟
کراچی میں شارع فیصل پر ٹریفک کی روانی کو بہتر بنانے کے لیے ٹریفک لین کی پاسداری کرانے کے لیے قوانین پر سختی عملدرآمد کیا جارہا ہے۔
ٹریفک لین کی خلاف ورزی پر 24 گھنٹوں کے دوران 96 چالان جاری کیے گئے ہیں۔
کراچی میں ٹریفک جام اور حادثات کی بڑھتی ہوئی تعداد کے پیچھے کئی وجوہات ہیں، لیکن ایک بڑی وجہ ٹریفک قوانین کی خلاف ورزی ہے۔
شہر کی سڑکوں پر مختلف گاڑیوں کے لیے مخصوص لینز تو موجود ہیں، اور زیادہ تر شہری اس بات سے واقف بھی ہیں کہ کون سی لین کس قسم کی گاڑی کے لیے مختص ہے، مگر وقت بچانے اور جلد منزل تک پہنچنے کی دوڑ میں اکثر لوگ ان اصولوں کو نظرانداز کر دیتے ہیں۔
ٹریفک قوانین کی خلاف ورزی کو روکنے اور سڑکوں پر نظم و ضبط بہتر بنانے کے لیے ٹریفک پولیس نے پہلے ہی ای-ٹکٹنگ سسٹم نافذ کیا ہوا ہے، لیکن اب شارع فیصل پر لین کی خلاف ورزی کرنے والوں کو خودکار طریقے سے جرمانے جاری کیے جائیں گے۔
ڈی آئی جی ٹریفک پیر محمد شاہ کے مطابق ٹریفک جام کی صورت میں شہریوں کو لین تبدیل کرنے کی رعایت ہے، لیکن سست ٹریفک پر شہریوں کو مقررہ لین میں ہی رہنا ہوگا اور ہیوی بائیک رائڈرز بھی لین کی خلاف ورزی کریں گے تو چالان ہوگا۔
دوسری جانب شہریوں نے اس اقدام کو ٹریفک نظم و ضبط کی جانب ایک مثبت پیشرفت قرار دیا ہے۔
ان کا کہنا ہے کہ قوانین پر مؤثر عملدرآمد کے ساتھ ساتھ عوامی آگاہی بھی انتہائی ضروری ہے تاکہ زیادہ سے زیادہ لوگ نئے نظام اور لین ڈسپلن کے اصولوں سے واقف ہو سکیں۔
قانون تو موجود ہے، اب اصل امتحان اس پر عملدرآمد اور شہریوں کے تعاون کا ہے۔ اگر دونوں ساتھ چلیں تو شاید کراچی کی سڑکیں زیادہ محفوظ اور منظم بن سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ