پی ایس ایل: کراچی کنگز کی لاہور قلندرز کے 160 رنز کے تعاقب میں بیٹنگ جاری
اشاعت کی تاریخ: 5th, May 2025 GMT
لاہور:
پاکستان سپرلیگ (پی ایس ایل) کے اہم میچ میں لاہور قلندرز کی جانب سے دیے گئے 161 رنز کے ہدف کے تعاقب میں کراچی کنگز کی بیٹنگ جاری ہے۔
قذافی اسٹیڈیم لاہور میں کھیلے گئے میچ میں کراچی کنگز نے ٹاس جیت کر لاہور قلندر کو پہلے بیٹنگ کی دعوت دی۔
لاہور قلندرز کے اوپنرز نے جارحانہ بیٹنگ کی اور پہلی وکٹ کی شراکت میں 8 اوورز میں 90 کا اسکور کھڑا کیا، جس میں نوجوان اوپنر محمد نعیم کا حصہ زیادہ تھا۔
محمد نعیم نے کراچی کنگز کے بولرز کو مکمل طور پر آؤٹ کلاس کرتے ہوئے چھکوں اور چوکوں کی برسات کی اور صرف 29 گیندوں پر 65 رنز بنا کر آؤٹ ہوئے، جس میں 6 چوکے اور 5 چھکے شامل تھے۔
عبداللہ شفیق نے گزشتہ میچوں میں ذمہ دارانہ بیٹنگ کا مظاہرہ کیا تھا تاہم اس میچ میں بڑی اننگز نہ کھیل سکے اور 11 گیندوں پر 2 چوکوں اور ایک چھکے کی مدد سے 18 رنز بنا کر پویلین لوٹ گئے۔
لاہور قلندر کو تیسرا نقصان 11 ویں اوور میں ہی اٹھانا پڑا جب نیوزی لینڈ سے تعلق رکھنے والے تجربہ کار ڈیرل مچل کھاتہ کھولے بغیر عباس آفریدی کی وکٹ بنے۔
فخر زمان نے دوسرے اینڈ سے اپنی نصف سنچری مکمل کی، جس کے لیے انہوں نے 33 گیندوں کا سامنا کیا، 4 چوکے اور 3 چھکے بھی لگائے۔
ایک موقع پر ایسا لگ رہا تھا کہ لاہور قلندرز بڑا اسکور کرنے میں کامیاب ہوگی لیکن فخر زمان کے اور نعیم کے علاوہ دیگر بیٹرز ناکام ہوئے یہاں تک 8 کھلاڑی دہرا ہندسہ بھی عبور نہ کرپائے اور بارش کی مداخلت سے ان کی کوششیں رائیگاں گئی تاہم ایک معقول ہدف دے دیا۔
کراچی کنگز کے بولرز نے زبردست کم بیک کیا اور لاہور قلندرز کی پوری ٹیم کو 15 ویں اوور کی چوتھی گیند پر 160 کے مجموعے پر آؤٹ کردیا۔
لاہور قلندرز کو سب سے زیادہ عباس آفریدی نے نقصان پہنچایا، جنہوں نے 3 اوورز میں 27 رنز کے عوض 4 وکٹیں حاصل کیں۔
کراچی کنگز کے کپتان ڈیوڈ وارنر اور اوپنر ٹم سیفرٹ نے بھی دھواں دار آغاز کیا اور ابتدائی 3 اوورز میں 40 رنز بنائے۔
ڈیوڈ وارنز 13 گیندوں پر دو چوکوں اور دو چھکوں کی مدد سے 24 اور سیفرٹ 10 گیندوں پر 4 چوکوں اور ایک چھکے کی مدد سے 24 رنز بنا کر آؤٹ ہوگئے۔
.ذریعہ: Express News
کلیدی لفظ: لاہور قلندرز کراچی کنگز گیندوں پر کے اور
پڑھیں:
پی آئی اے نے لاہور سے پیرس کیلئے پروازوں کا آغاز کر دیا
ویب ڈیسک : پی آئی اے نے لاہور سے پیرس کیلئے پروازوں کا آغاز کر دیا۔
ترجمان پی آئی اے کے مطابق 5 سال بعد لاہور سے پیرس کا روٹ دوبارہ شروع کر دیا گیا ہے جس میں لاہور سے پی کے 733 کے ذریعے 276 مسافروں کی روانگی ہوئی ہے۔ پی آئی اے کی پہلی ہفتہ وار پرواز آج دوپہر 12 بجے پیرس روانہ ہوئی جبکہ پی آئی اے اسلام آباد سے پیرس کیلئے پہلے ہی ہفتہ وار 2 پروازیں چلا رہا ہے۔ پیرس جانے والی پرواز کیلئے بوئنگ 777 طیارہ استعمال کیا گیا۔
ریپ کے مجرم کو 25 سال قید کی سزا
ترجمان پی آئی اے نے بتایا کہ پہلی پرواز کی روانگی سے قبل علامہ اقبال ایئرپورٹ پر سادہ مگر پرُوقار تقریب منعقد ہوئی جس میں کیک کاٹا گیا، جس کے بعد پی آئی اے حکام اور فرانس ایمبیسی نمائندوں نے مسافروں کو رخصت کیا۔
وزیر خارجہ اسحاق ڈار کا گجرات ائیر انڈیا پرواز حادثے پر دکھ کا اظہار