سیاسی جماعتوں اور تاجر تنظیموں کی کال پر بلوچستان میں کاروبارِ زندگی معطل
اشاعت کی تاریخ: 8th, September 2025 GMT
گزشتہ ہفتے کوئٹہ کے شاہوانی اسٹیڈیم میں بلوچستان نیشنل پارٹی کے زیرِ اہتمام جلسے کے اختتام پر ہونے والے خودکش دھماکے کیخلاف بلوچستان بھر میں شدید ردِعمل دیکھنے میں آیا، جہاں تمام سیاسی جماعتوں نے مشترکہ طور پر آج پہیہ جام اور شٹر ڈاؤن ہڑتال کی کال دی تھی۔
کوئٹہ سمیت بلوچستان کے دیگر شہر مستونگ، قلات، خضدار، نوشکی، تربت، پشین، زیارت، ژوب، شیرانی، قلعہ سیف اللہ سمیت دوسرے اضلاع میں آج کاروباری مراکز، مارکیٹیں، دکانیں اور ٹرانسپورٹ مکمل طور پر بند ہیں۔
یہ بھی پڑھیں: کوئٹہ میں بی این پی کے جلسے کے بعد دھماکا، اختر مینگل بال بال بچے
ہڑتال کی حمایت مختلف تاجر تنظیموں، سول سوسائٹی اور سیاسی جماعتوں کی جانب سے کی گئی۔
شہری علاقوں میں ٹریفک معمول سے کم ہے جبکہ معمولاتِ زندگی متاثر ہیں، کوئٹہ سمیت بلوچستان کے مختلف اضلاع میں پولیس کی جانب سے مختلف سیاسی جماعتوں کے کارکنوں کو گرفتار کرلیا گیا۔
مزید پڑھیں: شاہوانی اسٹیڈیم دھماکہ: 8 ستمبر کو پہیہ جام اور شٹر ڈاؤن ہڑتال کا اعلان
بلوچستان نیشنل پارٹی کے سینئر نائب صدر ساجد ترین ایڈووکیٹ اور عوامی نیشنل پارٹی کے رہنما اصغر خان اچکزئی نے مشترکہ پریس کانفرنس کرتے ہوئے کہا کہ شاہوانی اسٹیڈیم واقعے کے خلاف عوام نے آل پارٹیز کی کال پر بھرپور احتجاج ریکارڈ کرایا۔
ساجد ترین ایڈووکیٹ نے کہا کہ احتجاج کے دوران سیاسی کارکنوں کی گرفتاریاں کی گئیں، جن میں رحیم زیارتوال، قہار ودان، ملک نصیر شاہوانی اور ثنا اللہ کاکڑ سمیت دیگر قائدین شامل ہیں۔
مزید پڑھیں: ’ 4 فٹ کے فاصلے پر موت کھڑی تھی‘، سریاب روڈ دھماکے میں بچ جانے والوں پر کیا گزری؟
ان کا کہنا تھا کہ بلوچستان کے عوام نے ثابت کیا ہے کہ وہ حقیقی سیاست پر یقین رکھتے ہیں، شہدا کا خون کسی صورت رائیگاں نہیں جائے گا۔
انہوں نے کہا کہ تمام جماعتوں کے کارکن پُرامن احتجاج کررہے تھے، سیاسی جماعتیں کسی بھی صورت تشدد کا راستہ اختیار نہیں کریں گی۔
مزید پڑھیں: نواز شریف بلوچستان آکر کیا کریں گے، ان کے ہاتھ میں ہے کیا؟ سردار اختر مینگل
یاد رہے کہ گزشتہ ہفتے شاہوانی اسٹیڈیم کے باہر خودکش دھماکے میں 15 افراد جاں بحق جبکہ 38 افراد زخمی ہوگئے تھے۔
دھماکے کے نتیجے میں ہونے والے جانی نقصان پر سیاسی و سماجی حلقوں میں غم و غصہ پایا جاتا ہے اور مطالبہ کیا جا رہا ہے کہ واقعے کی فوری تحقیقات کی جائیں اور ذمہ داروں کو کیفرِ کردار تک پہنچایا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آل پارٹیز اصغر خان اچکزئی بلوچستان بلوچستان نیشنل پارٹی پرامن احتجاج پریس کانفرنس پہیہ جام خودکش دھماکے ساجد ترین ایڈووکیٹ شاہوانی اسٹیڈیم شٹر ڈاؤن ہڑتال عوامی نیشنل پارٹی قلعہ سیف اللہ کاروبار زندگی کوئٹہ.
ذریعہ
ذریعہ: WE News
کلیدی لفظ: آل پارٹیز اصغر خان اچکزئی بلوچستان بلوچستان نیشنل پارٹی پریس کانفرنس پہیہ جام خودکش دھماکے ساجد ترین ایڈووکیٹ شاہوانی اسٹیڈیم شٹر ڈاؤن ہڑتال عوامی نیشنل پارٹی قلعہ سیف اللہ کاروبار زندگی کوئٹہ شاہوانی اسٹیڈیم سیاسی جماعتوں نیشنل پارٹی
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی