نصرت فتح علی کی قوالی گانے پر گلوکار فلک شبیر نے عاطف اسلم پر تنقید کیوں کی؟
اشاعت کی تاریخ: 6th, May 2025 GMT
مقبول گلوکار عاطف اسلم نے استاد نصرت فتح علی خان کی قوالی ’سانوں اِک پل چین نہ آوے‘ ریلیز کر دیا جس میں مرحوم گلوکار کی اصلی آواز کو وژوئل افیکٹس (وی ایف ایکس) کے ذریعے ملاکر ری کریئٹ کیا ہے۔
جہاں شائقین اس قوالی کی تعریف کر رہے ہیں وہیں گلوکار فلک شبیر کو عاطف اسلم کی جانب سے گایا گیا یہ نیا ورژن ایک آنکھ نہ بھایا اور انہوں نے فوٹو اینڈ ویڈیو شیئرنگ ایپ انسٹاگرام پر ایک اسٹوری شیئر کی جس میں انہوں نے نام لیے بغیر کہا کہ ’خان صاحب کو آخری آرام گاہ میں تو آرام کرنے دیں پلیز اور اوریجنل پر کام کریں‘۔
مداحوں کا کہنا ہے کہ فلک شبیر نے عاطف اسلم کی طرف اشارہ کیا ہے جنہوں نے حال ہی میں نصرت فتح علی خان کا گانا گایا ہے۔ کئی صارفین کا کہنا تھا کہ فلک شبیر گلوکار عاطف اسلم سے حسد کر ر ہے ہیں۔ ایک صارف نے کہا کہ یہ صرف توجہ چاہتے ہیں اس لیے ایسا کر رہے ہیں۔
چند صارفین کا ماننا ہے کہ عاطف اسلم نے نصرت فتح علی خان کے شاہکار کو خراب کر دیا ہے، انہیں اس پر تجربہ کرنے کی ضرورت نہیں تھی۔
ایک صارف نے عاطف اسلم پر تنقید کرتے ہوئے کہا کہ انہیں نصرت فتح علی خان کے ماسٹر پیس کو برباد کرنے پر شرم آنی چاہیے۔
اگرچہ نصرت فتح علی خان 1997 میں دنیا سے رخصت ہو چکے، لیکن ان کی آواز کو اس گانے میں اس مہارت سے شامل کیا گیا ہے۔ گانے کی ویڈیو میں بلال لاشاری نے وائس ایفیکٹس استعمال کیے ہیں جسے چند شائقین کی جانب سے خوب پسند کیا جا رہا ہے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سانوں ایک پل چین نہ آوے عاطف اسلم فلک شبیر نصرت فتح علی خان.ذریعہ: WE News
کلیدی لفظ: فلک شبیر نصرت فتح علی خان نصرت فتح علی خان فلک شبیر
پڑھیں:
پولیس اہلکار اسلام آباد ائیرپورٹ کے راستوں پر مسافروں کو لوٹنے لگے
نیو اسلام آباد انٹرنیشنل ائیرپورٹ کے راستوں پر راولپنڈی پولیس اہلکارائیرپورٹ جانے والے مسافروں کو لوٹنے لگے پولیس عملے نےمسافروں و چھوڑنے کے آنے والوں سے موبائل فون و نقدی سمیت میٹھا حلوہ تک نہ چھوڑا سینئر پولیس افسران کی مداخلت پر اے ایس آئی عاطف سمیت دیگر اہلکاروں کے خلاف مقدمہ درج کرلیاگیا دونوں اہلکاروں کو گرفتار کرلیاگیا۔
رپورٹ کے مطابق تھانہ دھمیال پولیس سے رجوع کرتے ہوئے ابیٹ آباد سے تعلق رکھنے والے شہری زبیع اللّٰہ نے موقف اختیار کیا کہ ڈرائیور یعقوب مہمانوں کو دبئی جانے کے خاطر چھوڑنے ائیرپورٹ جارہے تھے کہ ٹھلیاں کے مقام پر پولیس کے اے ایس آئی عاطف، کانسٹیںل زبیر وغیرہ نے روکا۔
ڈرائیور یعقوب اور مہمانوں کی تلاشی لیکر پولیس نے قیمتی موبائل فون اور دو پیکٹ ملتانی حلوے کے لے لیے، پھر سب کو ہتھکڑیاں لگا کر جنگل میں لے گیے اور رہائی کے لیے 2 لاکھ روپے طلب کیے اوردھمکیاں دیں۔
ڈرائیور یعقوب نے بیس ہزار روپے نقد دییے جب کہ پچاس ہزار روپے ایئرپورٹ کے اے ٹی ایم سے نکال کر اے ایس آئی عاطف کو دیے۔
ائیرپورٹ پر عاطف اے ایس آئی رقم نکوانے کے دوران مہمان کے ساتھ اے ٹی ایم کے اندر بھی گیا، پولیس عملے نے ڈرائیور یعقوب کو ایک کمرے میں محبوس رکھا جہاں زبیر کانسٹیبل اس پر پہرہ دیتا رہا۔
پولیس عملے نے اس دوران بھی ایک موبایل فون کے لیا اور مہمانوں کو چھوڑ دیا جو دبئی روانہ ہوگئے۔
2 مئی کو ان کی تصویر لینے آیا تو اہلکاروں نے جھگڑا کرکے کپڑے پھاڑ دیے، بھاگ کر جان بچائی لیکن ڈرائیورز کو وہیں رکھا گیا۔
میں نے ون فائیو پر کال کی تو پولیس آگئی پولیس کے آنے پر پولیس نے مذکورہ پولیس اہلکاروں سے میرے نمبر پر 16 ہزار روپے ایزی پیسہ کے زریعے بیجھوائے۔
پولیس کی ان جیسی کالی بھیڑوں کی وجہ سے محکمہ پولیس بدنام ہورہا ہے، کارروائی کی جائے۔
پولیس نے تھانہ دھمیال کے اے ایس آئی عاطف ،کانسٹیبل زبیر سمیت دیگر اہلکاروں کے خلاف سرقہ بلجںر کی دفعہ 382، حبس بیجا میں رکھنے کی دفعہ 342 ت پ اور پولیس آرڈر کے تحت درج کرلیا۔
پولیس حکام کا کہنا تھا کہ اے ایس آئی عاطف اور کانسٹیبل زبیر کو گرفتار کرلیا گیا ہے، تیسرے ملزم کہ تلاش جاری ہے۔
سیمنٹ کی ریٹیل قیمت میں اضافہ ریکارڈ کیا گیا ہے