’اسکائپ‘ 22 سال بعد بند، ایک عہد کا اختتام
اشاعت کی تاریخ: 6th, May 2025 GMT
مائیکروسافٹ کمپنی نے دنیا بھر میں مقبول ویڈیو کالنگ پلیٹ فارم اسکائپ (Skype) کو 22 سال کی طویل سروس کے بعد 5 مئی 2025 سے مکمل طور پر بند ہوگیا ہے۔
یہ فیصلہ مائیکروسافٹ کی جانب سے تیار کردہ اپنے دوسرے پلیٹ فارم مائیکرو سافٹ ٹیمز (Microsoft Teams) کی بڑھتی ہوئی مقبولیت کے باعث کیا گیا ہے، جس پر اب کمپنی مکمل توجہ دینا چاہتی ہے۔
مائیکروسافٹ کے ایک اعلیٰ عہدیدار کے مطابق ٹیمز میں اسکائپ کی تمام اہم خصوصیات کو شامل کردیا گیا ہے، جیسے انفرادی و گروپ ویڈیو کالز، میسیجنگ، اور فائل شیئرنگ۔ یہ سب خدمات بدستور مفت فراہم کی جا رہی ہیں۔ کمپنی کے مطابق گزشتہ 2 برس میں Teams کے صارفین کی تعداد میں 4 گنا اضافہ ہوا ہے، جو اس کی کامیابی کی بڑی دلیل ہے۔
مزید پڑھیں: اسکائپ کی بندش کے امکانات: کون سی ایپس متبادل ہوسکتی ہیں؟
یاد رہے کہ Skype کا آغاز اگست 2003 میں ہوا تھا، اور جلد ہی یہ انٹرنیٹ پر فری ویڈیو و وائس کالز کا معروف ترین پلیٹ فارم بن گیا۔ ایک وقت میں اس کے 300 ملین ماہانہ صارفین تھے۔
Seamlessly continue where you left off with Microsoft Teams for free.
Teams for free offers:
✅ Seamless chat and calling experience
???? Enhanced video meetings
????️ Secure file sharing and cloud storage
If you use Skype, your chats and contacts will migrate… pic.twitter.com/F0Z8QQCGCr
— Skype (@Skype) April 3, 2025
دلچسپ بات یہ ہے کہ Skype کا نام اصل میںSky peer-to-peer سے نکالا گیا تھا۔ ابتدا میں اسے Skyper کہا جانا تھا، مگر متعلقہ ڈومین دستیاب نہ ہونے کے باعث اسے مختصر کر کے Skype رکھا گیا۔Skype کو 2011 میں Microsoft نے 8.5 ارب ڈالر میں خریدا تھا۔ مگر وقت کے ساتھ Zoom، WhatsApp، FaceTime اور Teams جیسے پلیٹ فارمز نے اس کی جگہ لے لی۔
مزید پڑھیں: سگنل میسجنگ ایپ کیا ہے، یہ کتنی محفوظ ہے؟
28 فروری 2025 کو مائیکروسافٹ نے باضابطہ اعلان کیا کہ Skype کو 5 مئی کو بند کر دیا جائے گا تاکہ وہ Teams کو ترجیح دے سکیں۔ Skype.com پر Start using Teams کے ذریعے منتقلی کی سہولت فراہم کی گئی ہے۔ موجودہ چیٹس، رابطے، اور اکاؤنٹ معلوماتTeams پر خود بخود منتقل ہو جائیں گی (اسی لاگ ان کے ساتھ)۔
صارفین کے پاس جنوری 2026 تک مہلت ہے کہ وہ اپنی فائلز یا چیٹس ڈاؤن لوڈ کرلیں، اس کے بعد یہ ڈیٹا مستقل طور پر حذف کردیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
FaceTime Microsoft Skype Teams Whatsapp Zoom اسکائپذریعہ: WE News
کلیدی لفظ: اسکائپ
پڑھیں:
نمبر پلیٹ کا ٹھیکہ 55 کروڑ کا تھا وہ اب 6 ارب روپے کا ہوگیا،خواجہ اظہار الحسن
ثقافت کو قانون اور جغرافیہ میں قید کریں گے تو مخالفت ابھرے گی، یہ پیسہ کراچی والوں کی جیب سے نکلنا ظلم ہے
سندھ حکومت نے غلطی کی ہے ثقافت کو نمبر پلیٹ پر لا کر اس کا تماشہ بنایا ہے،رہنما ایم کیو ایم کی نجی ٹی وی سے گفتگو
رہنما متحدہ قومی موومنٹ (ایم کیو ایم) خواجہ اظہار الحسن کا کہنا ہے کہ نمبر پلیٹ کا جو ٹھیکہ 2014 میں 55 کروڑ کا تھا وہ اب 6 ارب روپے کا ہوگیا۔انہوں نینجی ٹی وی سے خصوصی گفتگو میں کہا کہ ثقافت کو قانون اور جغرافیہ میں قید کریں گے تو مخالفت ابھرے گی، سندھ حکومت نے غلطی کی ہے کہ ثقافت کو نمبر پلیٹ پر لا کر اس کا تماشہ بنایا ہے، نمبر پلیٹ کا ٹھیکہ 6 ارب کا ہوگیا یہ پیسہ کراچی والوں کی جیب سے جا رہا ہے جو ظلم ہے۔خواجہ اظہار الحسن نے کہا کہ جعلی ڈومیسائل دیہی و شہری تفریق کو مزید بڑھا رہا ہے، اس کے باعث احساس محرومی نفرت میں بدل رہی ہے، اس میں کمشنرز اور ڈپٹی کمشنرز ملوث ہیں۔رہنما ایم کیو ایم نے کہا کہ ہم نے جعلی ڈومیسائل معاملے پر نیب سے بھی رابطہ کیا ہے کہ وطن کی شناخت بیچنے والے افسران کو برطرف کیا جائے، جعلی ڈومیسائل جاری کرنے والوں سے جرمانے کی صورت میں ریکوری کی جائے۔انہوں نے کہا کہ کراچی کے منصوبے صرف ورلڈ بینک اور کلک پراجیکٹ سے چل رہے ہیں سندھ حکومت صرف فیتہ کاٹنے تک محدود ہے، سائیں سرکار کو سمجھنا ہوگا کہ اپوزیشن کو شامل کیے بغیر ترقی ممکن نہیں، ہمارے ایم این ایز کے اربوں کے فنڈز ٹینڈر نہ ہونے سے ضائع ہو رہے ہیں۔ان کا مزید کہنا تھا کہ ایم کیو ایم کا 27ویں ترمیم کا معاہدہ مسلم لیگ (ن) سے ہوا ہے، اس کے آڑے پی پی کی مطلق العنان سوچ ہے، پیپلز پارٹی سندھ میں وڈیرانہ تسلط برقرار رکھنا چاہتی ہے، وہ اختیارات نچلی سطح تک منتقل نہیں کرنا چاہتی، وہ ایک سو چالیس اے کو آئینی تحفظ دینا نہیں چاہتی۔خواجہ اظہار الحسن نے کہا کہ آنے والے دنوں میں لگتا ہے پارلیمان میں (ن) لیگ کے ساتھ سادہ اکثریت ہوگی، دو تہائی اکثریت سے 27ویں ترمیم کی منظوری کی کوشش کریں گے۔
کوئٹہ، دو کمسن بچیوں کی بوری بند لاشیں برآمد، تفتیش جاری