پاک بھارت کشیدگی کے بعد عالمی ایئر لائنز نے پاکستانی فضائی حدود کا استعمال روک دیا
اشاعت کی تاریخ: 6th, May 2025 GMT
پہلگام حملے کے بعد پاک بھارت کشیدگی شدت اختیار کر گئی ہے جس کے اثرات عالمی فضائی سفر پر بھی پڑنے لگے ہیں دنیا کی کئی بڑی ایئر لائنز نے پاکستان کی فضائی حدود سے گزرنے سے گریز کا فیصلہ کر لیا ہے، جس کے نتیجے میں متعدد پروازیں متبادل روٹس اختیار کر رہی ہیں ذرائع کے مطابق لفتھانزا، امارات، برٹش ایئرویز، ایئر فرانس اور سوئس ایئر لائنز نے پاکستان کی فضائی حدود کا استعمال ترک کر دیا ہے۔ ان ایئر لائنز کی بھارت اور دیگر ممالک جانے والی پروازیں اب لمبے روٹس پر سفر کرنے پر مجبور ہیں، جس سے پروازوں کا دورانیہ بڑھ گیا ہے اور ایندھن کے اخراجات میں بھی اضافہ ہوا ہے۔ لفتھانزا ایئر نے باقاعدہ تصدیق کی ہے کہ اس نے 22 اپریل 2025 کے پہلگام حملے کے بعد پاکستان کی فضائی حدود استعمال نہ کرنے کا فیصلہ کیا ہے۔ اسی طرز پر دیگر بڑی ایئر لائنز نے بھی بھارت جانے والی پروازوں کے لیے نئی روٹنگ اپنا لی ہے برٹش ایئرویز کی لندن سے دہلی جانے والی پرواز بی اے 142، لفتھانزا کی فرینکفرٹ سے دہلی جانے والی پرواز ایل ایچ 760 اور امارات کی دبئی سے دہلی جانے والی پرواز ای کے 517 سبھی کو پاکستانی حدود سے گریز کرتے ہوئے زیادہ وقت درکار ہو رہا ہے۔پاکستان نے باضابطہ طور پر بھارتی پروازوں کے لیے اپنی فضائی حدود بند کر دی ہے جبکہ بھارت نے بھی پاکستانی ایئر لائنز پر فضائی پابندیاں عائد کر دی ہیں۔ اس کشیدگی کے باوجود پاکستان نے بین الاقوامی ایئر لائنز کو اپنی فضائی حدود استعمال کرنے کی اجازت دے رکھی ہے، تاہم کچھ ایئر لائنز نے رضاکارانہ طور پر متبادل روٹس کا انتخاب کیا ہے ماہرین کے مطابق اگر صورتحال مزید بگڑتی ہے تو اس کے اثرات عالمی فضائی نظام اور مسافروں پر مزید مرتب ہو سکتے ہیں
ذریعہ
ذریعہ: Nawaiwaqt
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی