بھارتی وزارتِ داخلہ نے پورے ملک میں سول ڈیفنس کی مشقوں کا حکم جاری کردیا
اشاعت کی تاریخ: 6th, May 2025 GMT
دہلی(اردوپوائنٹ اخبارتازہ ترین-انٹرنیشنل پریس ایجنسی۔ 06 مئی ۔2025 )بھارتی وزارتِ داخلہ نے تمام ریاستوں اور مرکز کے زیر انتظام علاقوں کی انتظامیہ کو 7 مئی کو سول ڈیفنس کی مشقوں کا حکم دیا ہے پہلگام میں حملے کے بعد انڈیا اور پاکستان کے درمیان بڑھتی کشیدگی کے تناظر میں اسے کافی اہمیت دی جا رہی ہے. بھارتی ذرائع ابلاغ کے مطابق وزارت داخلہ کے جنرل فائر سروس، سول ڈیفنس اور ہوم گارڈ اور سول ڈیفنس ڈائریکٹوریٹ جنرل کی جانب سے یہ ہدایت 5 مئی کو تمام ریاستوں اور مرکز کے زیر انتظام علاقوں کے چیف سیکرٹریوں کو بھیجی گئی ہے انڈیا کے شہری دفاع کے قوانین کے مطابق وزارت داخلہ کو ریاستوں کو اس طرح کی فرضی مشقیں کرنے کی ہدایات جاری کرنے کا اختیار حاصل ہے.
(جاری ہے)
مشقوں میں یہ جانچنے کی کوشش کی جاتی ہے کہ جنگ یا قدرتی آفات جیسی کسی ہنگامی صورتحال سے نمٹنے کے لیے شہری دفاع کے ادارے کتنے تیار ہیں وزارت داخلہ کی جانب سے بھیجے گئے خط کے مطابق 7 مئی کو ہونے والی سول ڈیفینس کی ڈرلز کے دوران کئی طرح کی مشقیں کی جائیں گی ان مشقوں کی مدد سے یہ جانچنے کی کوشش کی جائے گی کہ فضائی حملے کی وارننگ کا نظام کتنا موثر ہے اور ہنگامی صورتحال سے نمٹنے کے لیے قائم کنٹرول روم کا نظام کیسے چلایا جائے گا اس کے علاوہ عام افراد اور طلبا کو اس صورتحال کے دوران امدادی کاموں کی تربیت فراہم کی جائے گی. مشقوں کے دوران لوگوں کو اپنے گھروں یا اداروں کی تمام لائٹس کو کچھ دیر کے لیے مکمل طور پر بند کر کے بلیک آﺅٹ کی ہدایت بھی کی جا سکتی ہے یاد رہے کہ گذشتہ ماہ کے آخر میں آزاد کشمیر کے دارالحکومت مظفرآباد میں شہری دفاع کے محکمے نے ممکنہ جنگی حالات سے نمٹنے کے لیے مختلف تعلیمی اداروں میں طلبا زندگیاں بچانے کی تربیت دینے کے سلسلے کا آغاز کر دیا تھا اس تربیتی پروگرام میں ابتدائی طبی امداد، پناہ گاہوں کا استعمال اور بمباری یا گولہ باری کے دوران حفاظتی تدابیر سے متعلق بتایا گیا.
ذریعہ: UrduPoint
کلیدی لفظ: تلاش کیجئے سول ڈیفنس کے دوران کے لیے
پڑھیں:
پاک بحریہ کا بڑا اقدام، بھارتی ٹینکر کے زخمی سیفیرر کو مقامی اسپتال منتقل کردیا
لاہور:پاکستان میری ٹائم سیکیورٹی ایجنسی(پی ایم ایس اے) نے بروقت کارروائی کرتے ہوئے لائبیریا کے پرچم بردار ٹینکر کے بھارت سے تعلق رکھنے والے عملے کے زخمی رکن کو مقامی اسپتال منتقل کیا۔
پاک بحریہ کے ترجمان نے بتایا کہ پاک بحریہ کے جوائنٹ میری ٹائم انفارمیشن اینڈ کوآرڈینیشن سینٹر کو لائبیریا کے پرچم بردار آئل ٹینکر ایم ٹی ہائی لیڈر سے ایک ہنگامی کال موصول ہوئی، جس میں عملے کے ایک زخمی رکن کے طبی انخلا کےلیے مدد مانگی گئی۔
انہوں نے بتایا کہ جہاز پر تمام عملہ بھارتی شہریوں پر مشتمل تھا، جوائنٹ میری ٹائم انفارمیشن اینڈ کوآرڈینیشن سینٹر نے فوری اور مؤثر ردعمل یقینی بنانے کے لیے اپنے مربوط میری ٹائم پروٹوکولز کو متحرک کیا۔
ان کا کہنا تھا کہ یہ کامیاب طبی انخلا پاکستان کے میری ٹائم سیفٹی نظام کی آپریشنل تیاری اور فوری ردعمل کا مظہر ہے، ہم آہنگی اور فوری عمل درآمد پاک بحریہ کے اس عزم کی عکاسی کرتے ہیں۔
ترجمان کا کہنا تھا کہ پاک بحریہ کا جے ایم آئی سی سی کسی بھی سمندری حادثے کے ردعمل کو مربوط بنانے کے لیے تمام متعلقہ قومی اداروں کے درمیان ایک کلیدی مرکز کی حیثیت رکھتا ہے۔
فلسطینی طلبہ کی تعلیمی مدد کو وسعت دینے کی تجاویز پر غور