مقبوضہ کشمیر: بھارتی فوج کا جعلی مقابلہ، مقامی لوگوں نے امیت شاہ کا دعویٰ مسترد کردیا
اشاعت کی تاریخ: 3rd, August 2025 GMT
غیر قانونی طور پر بھارت کے زیر قبضہ جموں و کشمیر میں مقامی شہریوں اور سیاسی تجزیہ کاروں نے بھارتی وزیر داخلہ امیت شاہ کے اس دعوے کو یکسر مسترد کر دیا ہے کہ داچھی گام میں ایک حالیہ فوجی کارروائی کے دوران 3 نوجوانوں کو پہلگام حملے میں ملوث ہونے پر مارا گیا۔
کشمیریوں کا کہنا ہے کہ یہ واقعہ ایک جعلی مقابلے کا نتیجہ ہے، جس میں بے گناہ نوجوانوں کو ماورائے عدالت قتل کیا گیا۔
کشمیر میڈیا سروس کے مطابق، مقامی لوگوں نے امیت شاہ کی جانب سے شہید نوجوانوں کو عسکریت پسند قرار دینے کی کوشش کو جھوٹا اور بے بنیاد قرار دیا۔
یہ بھی پڑھیے مقبوضہ کشمیر: بھارتی فوج نے جعلی مقابلے میں 3 کشمیری نوجوان شہید کردیے
شہریوں نے کہا کہ بھارتی فوج نے آپریشن سندور میں بری طرح ناکامی کے بعد اپنی خفت مٹانے کے لیے یہ جعلی کارروائی رچائی تاکہ مقبوضہ کشمیر میں ظلم و ستم کو چھپایا جا سکے اور پاکستان کے خلاف پروپیگنڈہ کیا جا سکے۔
سیاسی مبصرین کا کہنا ہے کہ بھارتیہ جنتا پارٹی (بی جے پی) کی قیادت میں مودی حکومت داخلی دباؤ کا سامنا کر رہی ہے، خصوصاً آپریشن سندور کی ناکامی کے بعد اپوزیشن اور کانگریس کی بڑھتی ہوئی تنقید سے بچنے کے لیے ایسے ہتھکنڈے استعمال کیے جا رہے ہیں۔
تجزیہ کاروں نے اس کارروائی کی ٹائمنگ پر بھی سوالات اٹھائے ہیں، کیونکہ یہ واقعہ بھارتی پارلیمنٹ کے اس اجلاس کے دوران پیش آیا، جہاں پہلگام حملے اور آپریشن سندور پر حکومت کو سخت تنقید کا سامنا ہے۔
یہ بھی پڑھیے مقبوضہ کشمیر، بھارتی فوج نے جعلی مقابلے میں 3 کشمیریوں کو شہید کردیا
کشمیری عوام اور سیاسی تجزیہ نگاروں کا متفقہ مؤقف ہے کہ بھارتی حکومت ایسے جعلی مقابلوں اور جھوٹے دعووں کے ذریعے زمینی حقائق کو مسخ کرنے کی کوشش کر رہی ہے، تاکہ عالمی برادری کی توجہ انسانی حقوق کی پامالیوں سے ہٹائی جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی وزیر داخلہ امیت شاہ جعلی مقابلہ داچھی گام مقبوضہ کشمیر.
ذریعہ
ذریعہ: WE News
کلیدی لفظ: بھارتی وزیر داخلہ امیت شاہ جعلی مقابلہ داچھی گام بھارتی فوج امیت شاہ
پڑھیں:
ABN نیوز نے مبینہ جعلی بین الاقوامی ویکسینیشن سرٹیفکیٹ نیٹ ورک کا پردہ فاش کیا
راولپنڈی(نیوز ڈیسک)راولپنڈی میں مبینہ طور پر جعلی بین الاقوامی ویکسی نیشن سرٹیفکیٹ جاری کرنے کا انکشاف ہوا ہے، جس سے صحت کی جعلی دستاویزات پر خدشات بڑھ گئے ہیں۔
اطلاعات کے مطابق، اے بی این نیوز نے شہر میں کام کرنے والے مبینہ جعلی ویکسینیشن سرٹیفکیٹ نیٹ ورک کا سراغ لگانے کا دعویٰ کیا ہے۔ نیٹ ورک پر افراد کو جعلی بین الاقوامی ویکسینیشن سرٹیفکیٹ جاری کرنے کا شبہ ہے۔
رپورٹ نے سرکاری صحت کے ریکارڈ کے غلط استعمال اور صحت عامہ اور بین الاقوامی سفری تعمیل کے لیے ممکنہ خطرات پر تشویش کا اظہار کیا ہے۔
حکام سے توقع کی جاتی ہے کہ وہ الزامات کی تحقیقات کریں گے اور اگر دعوے درست ثابت ہوئے تو ملوث پائے جانے والوں کے خلاف قانونی کارروائی کریں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع