خشکی میں گھرے ممالک کے ساتھ کیے گئے وعدے پورے ہونے چاہیں، یو این
اشاعت کی تاریخ: 5th, August 2025 GMT
اسلام آباد (اُردو پوائنٹ ۔ UN اردو۔ 05 اگست 2025ء) اقوام متحدہ نے خشکی میں گھرے ممالک کی تیسری کانفرنس (ایل ایل ڈی سی 3) میں دنیا بھر سے شرکت کرنے والے ارکان پارلیمنٹ پر زور دیا ہے کہ وہ اپنے ممالک کے 60 کروڑ لوگوں کی زندگیوں میں بہتری لانے کے لیے فیصلہ کن اقدامات کریں۔
ترکمانستان کے شہر آوازا میں کل شروع ہونے والی کانفرنس کے پارلیمانی فورم سے خطاب کرتے ہوئے اقوام متحدہ کے اعلیٰ سطحی حکام کا کہنا تھا کہ ایک دہائی پر محیط ترقیاتی منصوبوں کو کامیاب بنانے کے لیے سیاسی عزم کے ساتھ قومی سطح پر قانون سازی بھی ازحد ضروری ہے۔
Tweet URLدنیا میں 32 ممالک مکمل طور پر خشکی سے گھرے ہیں جن کی مجموعی آبادی 50 کروڑ سے زیادہ ہے۔
(جاری ہے)
ان میں متعدد کا شمار کم ترین ترقی یافتہ ملکوں میں ہوتا ہے جنہیں نقل و حمل کے بھاری اخراجات، منڈیوں تک محدود رسائی اور موسمیاتی تبدیلی کے بدترین اثرات جیسے مسائل کا سامنا ہے۔ان رکاوٹوں کو عبور کرنے کے لیے مضبوط بنیادی ڈھانچہ اور بہتر ربط کی خاص اہمیت ہے جس سے تجارت اور ان ممالک کو عالمی منڈیوں سے جڑنے میں سہولت ملے گی۔ 'ایل ایل ڈی سی 3' کا مقصد مشمولہ اور پائیدار ترقی کی رفتار کو تیز کرنے کے لیے عالمگیر شراکتوں کو فروغ دینا ہے۔
خشکی میں گھرے ممالک کے مسائل'ایل ایل ڈی سی' کے لیے اقوام متحدہ کی اعلیٰ سطحی نمائندہ رباب فاطمہ نے کہا ہے کہ ان ممالک کے مسائل نے محض بندرگاہوں سے دوری کے باعث جنم نہیں لیا بلکہ محدود بنیادی ڈھانچہ اور درآمدی بنیاد کے ساتھ مالی وسائل تک رسائی کا فقدان بھی اس کا بڑا سبب ہے۔
دنیا کی 7 فیصد آبادی کا تعلق انہی ممالک سے ہے لیکن عالمی جی ڈی پی میں ان کا حصہ صرف ایک فیصد ہوتا ہے۔
ساحلی ممالک کے مقابلے میں انہیں تجارت پر 30 فیصد زیادہ اخراجات کرنا پڑتے ہیں۔ ان ممالک کی صرف 61 فیصد آبادی کو بجلی تک رسائی ہے جبکہ اس حوالے سے عالمگیر اوسط 92 فیصد ہے۔ اسی طرح، خشکی میں گھرے ترقی پذیر ممالک کی صرف 40 فیصد آبادی کو ہی انٹرنیٹ میسر ہے۔ان کا کہنا ہے کہ یہ محض اعدادوشمار ہی نہیں بلکہ ان سے حقیقی انسانی مسائل کی عکاسی ہوتی ہے۔
قانون ساز اداروں کا کرداررباب فاطمہ نے 'آوازا پروگرام آف ایکشن' کو ایک سنگ میل اور بنیادی محرومیوں کو مواقع میں تبدیل کرنے کا واضح لائحہ عمل قرار دیا ہے۔ ان کا کہنا ہے کہ اس کے مقاصد کو پورا کرنے کے لیے قومی سطح پر اقدامات درکار ہیں۔
اس ضمن میں ان ممالک کے قانون ساز اداروں کا فیصلہ کن کردار ہو گا۔ ارکان پارلیمنٹ کو اپنی قومی حکمت عملی اس پروگرام سے ہم آہنگ کرنا ہو گی۔
انہیں مالی وسائل کا حصول ممکن بنانا اور تجارت و باہمی جڑت کو فروغ دینا ہو گا۔ علاوہ ازیں، اس مقصد کے لیے بہتر انتظام اور پروگرام پر عملدرآمد کے لیے پارلیمانی گروہ بھی تشکیل دینا ہوں گے۔انہوں نے 'ایل ایل ڈی سی' کے ارکان پارلیمنٹ کو مخاطب کرتے ہوئے کہا کہ آوازا پروگرام سے 60 کروڑ لوگوں کی خاطر ٹھوس اور پائیدار نتائج حاصل کرنے کے لیے ان کا قائدانہ کردار بہت ضروری ہے۔
اقوام متحدہ کی جنرل اسمبلی کے صدر فائلیمن یانگ نے ان کے پیغام کو دہراتے ہوئے واضح کیا کہ عالمگیر وعدوں کو ملکی سطح پر قابل پیمائش ترقی میں تبدیل کرنے کے لیے قانون ساز اداروں کا کردار بہت اہم ہے۔ یہ ادارے بنیادی ڈھانچے، اختراع اور تجارت جیسے شعبوں میں ترقی کے لیے قانونی طریقہ کار مہیا کرتے ہیں اور تعلیم، صحت اور موسمیاتی اقدامات جیسے اہم شعبوں میں اقدامات کے لیے مالی وسائل انہی کے ذریعے مہیا ہوتے ہیں۔
فائلیمن یانگ نے ماحولیاتی ذمہ داری کی ہنگامی اہمیت پر بات کرتے ہوئے گزشتہ مہینے عالمی عدالت انصاف (آئی سی جے) کی مشاورتی رائے کا حوالہ دیا جس میں تصدیق کی گئی تھی کہ موسمیاتی اقدامات تمام ممالک کی قانونی ذمہ داری ہیں۔
فائلیمن یانگ نے کہا کہ قانون ساز ادارے حکومتوں کی کارکردگی پر نظر رکھتے اور سرکاری وسائل کا موثر استعمال یقینی بناتے ہیں۔
ان کا کام پالیسی اور بجٹ تک ہی محدود نہیں ہوتا بلکہ یہ ریاست اور شہریوں کے مابین پل کا کردار بھی ادا کرتے ہیں۔انہوں نے ایل ایل ڈی سی کو درپیش مخصوص اور مشترکہ مسائل سے نمٹنے کے لیے علاقائی اور عالمی سطح پر بین پارلیمان مضبوط تعاون پر زور دیا اور کہا کہ دنیا بھر کے لوگوں کی پارلیمنٹ کی حیثیت سے جنرل اسمبلی ایل ایل ڈی سی کے مسائل عالمی ترقیاتی ایجنڈے پر برقرار رکھنے کے لیے پرعزم ہے۔
.ذریعہ: UrduPoint
کلیدی لفظ: تلاش کیجئے خشکی میں گھرے ایل ایل ڈی سی کرنے کے لیے ممالک کے ممالک کی ان ممالک
پڑھیں:
50 لاکھ گھر اور 1 کروڑ نوکریوں والے سارے وعدے جھوٹے تھے: عظمیٰ بخاری
—فائل فوٹووزیر اطلاعات پنجاب عظمیٰ بخاری نے کہا ہے کہ 50 لاکھ گھر اور 1 کروڑ نوکریوں والے سارے وعدے جھوٹے تھے۔
لاہور میں پریس کانفرنس کرتے ہوئے انہوں نے کہا کہ دعا ہے کوئی ایسی عینک بن جائے جس سے کے پی کے میں بگڑتی صورتِ حال نظر آجائے۔
عظمیٰ بخاری کا کہنا ہے کہ مریم نواز کے دور میں 90 سے زائد منصوبے مکمل ہو چکے ہیں، ساڑھے 7 لاکھ کسان کارڈ استعمال کر رہے ہیں۔
صوبائی وزیر نے کہا کہ اپنی چھت اپنا گھر پروگرام کے تحت 30 ہزار کے قریب گھر مکمل ہو چکے ہیں، سیاسی مخالفین بھی مریم نواز کی کارکردگی سے متاثر ہیں۔
ان کا کہنا تھا کہ پنجاب کا پیسہ امانت کی طرح استعمال کیا گیا ہے، پنجاب میں منصوبے ایک ٹائم لائن کے تحت بنتے اور تکمیل پاتے ہیں، پنجاب میں سرکاری تقرریاں میرٹ پر ہوتی ہیں۔
امریکی اور چینی صدر کی ملاقات: ٹرمپ کا چین پر ٹیرف 10 فیصد کم کرنے کا اعلان