تحریک انصاف کا ایک بار پھر سڑکوں پر آنے کا عندیہ، خیبرپختونخوا قیادت متحرک
اشاعت کی تاریخ: 6th, May 2025 GMT
پشاور(نیوز ڈیسک)پاکستان تحریک انصاف نے ایک بار پھر سڑکوں پر احتجاجی تحریک شروع کرنے کا عندیہ دے دیا ہے۔ پی ٹی آئی خیبرپختونخوا کے جنرل سیکرٹری علی اصغر نےنجی ٹی وی سے گفتگو کرتے ہوئے کہا کہ خیبرپختونخوا کے عوام، پارٹی تنظیمیں اور پارلیمنٹرینز احتجاج کے لیے مکمل طور پر تیار ہیں۔
علی اصغر نے بتایا کہ صوبائی قیادت نے اپنی سفارشات مرکزی قیادت کو ارسال کر دی ہیں اور اب احتجاج سے متعلق حتمی فیصلہ پارٹی کی مرکزی قیادت کرے گی۔ انہوں نے کہا کہ احتجاجی حکمت عملی پر پارٹی میں مختلف آراء موجود ہیں جنہیں مدنظر رکھا جا رہا ہے۔
پی ٹی آئی رہنما کا کہنا تھا کہ احتجاجی پلاننگ میں پارٹی ورکرز کے تحفظ اور سہولت کو خاص طور پر مدنظر رکھا جائے گا تاکہ کسی کو مشکلات کا سامنا نہ کرنا پڑے۔
ذرائع کے مطابق پی ٹی آئی کی جانب سے احتجاج کا حتمی اعلان آئندہ چند روز میں متوقع ہے جس کے بعد ملک بھر میں سیاسی درجہ حرارت مزید بڑھنے کا امکان ہے
مزیدپڑھیں:ہرانے کے بعد پاکستانی باکسر کا بھارتی باکسر کو انوکھا تحفہ
ذریعہ: Daily Ausaf
پڑھیں:
احتجاجی تحریک: پی ٹی آئی اسلام آباد نے اپنی حکمت عملی کا اعلان کردیا
پاکستان تحریک انصاف (پی ٹی آئی) اسلام آباد نے اعلان کیا ہے کہ بانی چیئرمین عمران خان کی رہائی کے لیے 5 اگست بروز منگل یونین کونسل کی سطح پر پُرامن احتجاجی مظاہرے کیے جائیں گے۔
یہ بھی پڑھیں: پی ٹی آئی کا اڈیالہ جیل کے باہر احتجاج کا منصوبہ، انتظامیہ نے اضافی سیکیورٹی مانگ لی
تنظیم کے ریجنل صدر عامر مغل کی جانب سے جاری اعلامیے کے مطابق تمام کارکنان اپنے متعلقہ یونین کونسل صدور اور تنظیموں سے مشاورت کے بعد اپنے علاقوں میں پُرامن احتجاج کا انعقاد کریں۔
کارکنوں سے کہا گیا ہے کہ وہ پارٹی کی پالیسی، ہدایات اور آئینی دائرہ کار کے اندر رہتے ہوئے احتجاج میں بھرپور شرکت کریں، لیکن ہر ممکن کوشش کریں کہ کسی بھی صورت میں گرفتاری سے بچیں۔
عامر مغل نے کارکنان کو صبر، حوصلے، جذبے اور حکمت سے جدوجہد جاری رکھنے کی تلقین کرتے ہوئے کہا ہے کہ یہ ایک طویل جنگ ہے جو نظم و ضبط کے ساتھ ہی جیتی جا سکتی ہے۔
اعلامیے میں مزید کہا گیا ہے کہ مظاہروں کا مقصد صرف عمران خان کی رہائی کے لیے آواز بلند کرنا ہے، اور کسی بھی قسم کی غیرقانونی یا اشتعال انگیز سرگرمی سے گریز کیا جائے۔
یہ بھی پڑھیں: پی ٹی آئی کیخلاف کریک ڈاؤن، لاہور میں 200 سے زیادہ کارکنان گرفتار، اسلام آباد انتظامیہ کا بھی انتباہ
واضح رہے کہ بانی پی ٹی آئی عمران خان نے اپنی گرفتاری کے 2 برس مکمل ہونے کے موقع پر حکومت مخالف احتجاج کا اعلان کیا، جبکہ حکومت نے بھی مظاہرین سے نمٹنے کی حکمت عملی طے کرلی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews احتجاجی حکمت عملی اعلان پاکستان تحریک انصاف پی ٹی آئی عامر مغل وی نیوز
وزیر داخلہ محسن نقوی کی وطن پر قربان میجر زیاد سلیم کے گھر آمد، اہل خانہ سے تعزیت