بھارت میں خوفناک ہیلی کاپٹر حادثہ، 6 سیاح ہلاک
اشاعت کی تاریخ: 8th, May 2025 GMT
دہرادون: بھارتی ریاست اترا کھنڈ کے ضلع اترا کاشی میں ایک سیاحتی ہیلی کاپٹر گر کر تباہ ہو گیا جس کے نتیجے میں اس میں سوار تمام 6 افراد ہلاک ہو گئے۔
بھارتی میڈیا رپورٹس کے مطابق حادثہ پیر کی صبح پیش آیا جب یہ ہیلی کاپٹر ایک مقامی سیاحتی مقام کی جانب پرواز کر رہا تھا۔ حادثے کی وجوہات فوری طور پر معلوم نہیں ہو سکیں۔
ریاست کے وزیر اعلیٰ پشکر سنگھ دھامی نے واقعے پر گہرے رنج و غم کا اظہار کیا اور سوشل میڈیا پر جاری بیان میں متاثرہ خاندانوں سے اظہارِ ہمدردی کیا۔ انہوں نے ضلعی انتظامیہ کو متاثرہ خاندانوں سے ہر ممکن تعاون کی ہدایت دی ہے۔
وزیراعلیٰ نے واقعے کی مکمل تحقیقات کا حکم دیتے ہوئے کہا کہ حادثے کی اصل وجوہات جاننا ضروری ہیں تاکہ آئندہ ایسے واقعات سے بچا جا سکے۔
.
ذریعہ: Express News
پڑھیں:
مسافر اور کارگو ٹرینوں کا خوفناک تصادم، 11 افراد جاں بحق، 20 زخمی
بھارت کے وسطی حصے میں ایک خوفناک ٹرین حادثے میں کم از کم 11 افراد ہلاک ہو گئے جب ایک مقامی مسافر ٹرین منگل کی رات ایک کارگو ٹرین سے ٹکرا گئی۔
یہ حادثہ شہر بیلاس پور کے قریب پیش آیا، جو ریاست چھتیس گڑھ کے دارالحکومت رائے پور سے تقریباً 115 کلومیٹر شمال مشرق میں واقع ہے۔ حکام کے مطابق، مسافر ٹرین نے کارگو ٹرین کو پیچھے سے ٹکر ماری، جس کے نتیجے میں ایک مسافر ڈبہ کارگو ٹرین کے ایک ویگن کے اوپر چڑھ گیا۔
یہ بھی پڑھیے: کشتی حادثہ، تعزیت کے لیے جانے والے 100 سے زائد افراد ڈوب گئے، 60 ہلاکتوں کی تصدیق
ریسکیو ٹیموں نے کئی گھنٹوں کی کوششوں کے بعد ڈبے کو زمین پر اتارا اور آئرن کٹرز کی مدد سے اسے کاٹ کر کھولا، جہاں مزید تین لاشیں برآمد ہوئیں۔ ریسکیو اور امدادی کارروائیاں مکمل کر لی گئیں، اور حادثہ زدہ پٹڑی پر ٹرینوں کی آمدورفت بحال کر دی گئی۔
حکام کے مطابق، ہلاک ہونے والوں میں مسافر ٹرین کا ڈرائیور بھی شامل ہے جبکہ اس کی معاون خاتون ڈرائیور شدید زخمی ہیں اور ایک نجی اسپتال میں زیرِ علاج ہیں۔ حادثے میں تقریباً 20 افراد زخمی ہوئے جنہیں قریبی اسپتالوں میں منتقل کیا گیا۔
بھارتی ریلوے نے حادثے کی وجوہات جاننے کے لیے تحقیقات کا آغاز کر دیا ہے اور جاں بحق و زخمی افراد کے اہل خانہ کے لیے مالی امداد کا اعلان کیا ہے۔
یہ بھی پڑھیے: جام شورو: مسافر بس کو المناک حادثہ، 16 جاں بحق، 30 زخمی
بھارت میں ٹرین حادثے کوئی غیر معمولی واقعہ نہیں۔ ملک بھر میں روزانہ تقریباً 1 کروڑ 20 لاکھ افراد 14 ہزار ٹرینوں پر سفر کرتے ہیں، جو 64 ہزار کلومیٹر طویل ریلوے نیٹ ورک پر چلتی ہیں۔ اگرچہ حکومت نے ریلوے سیفٹی بہتر بنانے کے لیے اقدامات کیے ہیں، لیکن ہر سال سینکڑوں حادثات پیش آتے ہیں، جنہیں اکثر انسانی غلطی یا پرانے سگنلنگ سسٹم کا نتیجہ قرار دیا جاتا ہے۔
گزشتہ سال مشرقی بھارت میں ایک خوفناک ٹرین تصادم میں 280 سے زائد افراد ہلاک ہوئے تھے، جو ملک کی تاریخ کے بدترین ریلوے حادثات میں سے ایک تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت ٹریفک ٹرین حادثہ ریل
نریندر مودی اور موہن بھاگوت میں اَن بن کیوں؟