معذور ماں کو کمر پر لاد کر دنیا گھمانے والا 51 سالہ شخص
اشاعت کی تاریخ: 8th, May 2025 GMT
چین میں ایک 51 سالہ شخص کو بہت زیادہ سراہا جا رہا ہے کیونکہ وہ اپنی معمر معذور ماں کو کمر پر لاد کر مختلف علاقوں کا سفر کر رہا ہے۔شائے وانبین نامی شخص کا تعلق صوبہ سیچوان سے ہے اور وہ روایتی چینی پٹی کو استعمال کرکے اپنی معذور ماں کے ساتھ سفر کر رہا ہے۔ان دونوں نے Chengdu کے تاریخی قصبے Huanglongxi کا دورہ گزشتہ دنوں کیا۔اس موقع پر شائے وانبین نے بتایا کہ ان کی والدہ ایک حادثے کے باعث 4 سال سے وہیل چیئر تک محدود ہیں اور جب سے وہ انہیں اکثر سیاحت کے لیے ساتھ لے جاتے ہیں۔انہوں نے بتایا کہ وہ ان دوروں کے دوران وہیل چیئر اور پٹی دونوں کو استعمال کرتے ہیں کیونکہ کئی بار راستے ایسے ہوتے ہیں جہاں وہیل چیئر کے ساتھ سفر کرنا بہت مشکل ہوتا ہے۔ایک خاتون سیاح نے دونوں کی تصاویر اور ویڈیوز چینی سوشل میڈیا پر شیئر کی تھی۔خاتون کے مطابق وہ شائے اور ان کی والدہ کو نہیں جانتیں مگر وہ شائے وانبین کے رویے سے بہت زیادہ متاثر ہوئی تھیں۔انہوں نے کہا کہ 'یہ شخص ماں سے بہت زیادہ مخلص لگتا ہے، مجھے یقین ہے کہ یہ پہلی بار نہیں جب وہ اپنی ماں کو کمر پر لاد کر سفر کر رہا ہے'۔خاتون کے مطابق 'میں نے ویڈیوز اس لیے انٹرنیٹ پر جاری کیں کیونکہ میں اس شخص کی محبت کو پھیلانا چاہتی تھی'۔شائے وانبین کے مطابق 'والدہ کو کمر پر لاد کر چلنا ایک بیٹے کا فرض ہے اور ایسا کوئی خاص کام نہیں'۔انہوں نے کہا کہ وہ جس پٹی کو استعمال کرتے ہیں یہ وہی ہے جو ان کی والدہ کچھ سال قبل اپنے پوتے پوتی کو لاد کر چلنے کے لیے استعمال کرتی تھیں۔شائے وانبین نے بتایا کہ ماں کو لاد کر سفر کرنے کے باعث انہیں کمر میں تکلیف کا سامنا ہوتا ہے جس کا علاج انہوں نے کچھ ماہ پہلے کرایا تھا جبکہ کئی بار وہ بہت زیادہ تھک جاتے ہیں۔مگر انہوں نے کہا کہ 'اگر ممکن ہوا تو میں اپنی ماں کو بہت زیادہ دور دراز کے علاقوں میں لے کر جاؤں گا اور زیادہ سے زیادہ دنیا دیکھوں گا'۔
.ذریعہ: Nawaiwaqt
کلیدی لفظ: کو کمر پر لاد کر شائے وانبین بہت زیادہ انہوں نے ماں کو رہا ہے
پڑھیں:
32 سالہ مشہور بھارتی انفلوئنسر انتقال کر گیا
دبئی میں مقیم معروف بھارتی ٹریول انفلوئنسر اور فوٹوگرافر انونے سود 32 برس کی عمر میں لاس ویگاس میں انتقال کر گئے۔
بھارتی میڈیا رپورٹ کے مطابق انفلوئنسر کے اہل خانہ نے یہ افسوسناک خبر سوشل میڈیا پر ان کے انسٹاگرام اکاؤنٹ کے ذریعے شیئر کی۔
بیان میں کہا گیا کہ انفلوئنسر کا خاندان اس مشکل گھڑی میں پرائیویسی کی درخواست کرتا ہے اور چاہتا ہے کہ مداح اس غم کے موقع پر اہل خانہ کے جذبات کا احترام کریں تاہم اہل خانہ کی جانب سے انونے سود کی موت کی وجہ نہیں بتائی گئی۔
View this post on Instagramیاد رہے کہ انونے سود ٹریول ایک مشہور ٹریول انفلوئنسر تھے جن کے انسٹاگرام پر 14 لاکھ سے زائد فالوورز اور یوٹیوب پر تین لاکھ اسی ہزار سے زیادہ سبسکرائبرز تھے۔ وہ اپنی خوبصورت ٹریول فوٹوگرافی، ڈرون شاٹس اور متاثر کن ویڈیو اسٹوری ٹیلنگ کے ذریعے دنیا بھر میں مقبول ہوئے۔
انہیں تین سال مسلسل فوربز انڈیا کی ’’ٹاپ 100 ڈیجیٹل اسٹارز‘‘ فہرست میں شامل کیا جاچکا تھا۔
اسرائیلی پابندیوں سے فلسطینیوں کو خوراک و پانی کی شدید کمی کا سامنا ہے، انروا