ایکسائز اہلکار بن کر شہری کی شارٹ ٹرم کڈنیپنگ، 3 ملزمان کی درخواستِ ضمانت مسترد
اشاعت کی تاریخ: 8th, May 2025 GMT
—فائل فوٹو
سندھ ہائی کورٹ نے ایکسائز اینڈ نارکوٹکس ڈپارٹمنٹ کے مبینہ اہلکار بن کر شہری کی شارٹ ٹرم کڈنیپنگ کے کیس میں 3 ملزمان کی درخواستِ ضمانت مسترد کر دی۔
جسٹس ظفر احمد راجپوت نے کہا کہ ملزمان کے خلاف پراسیکیوشن کے پاس ٹھوس شواہد ہیں۔
کراچی کے ضلع غربی سے شہری کی شارٹ ٹرم کڈنیپنگ کے معاملہ پر اغوا میں ملوث پولیس اہلکار سمیت 7 افراد گرفتار کر لیے گئے۔
عدالت نے اپنے ریمارکس میں کہا کہ اغواء برائے تاوان کا جرم ثابت ہونے پر سزائے موت یا عمر قید کی سزا ہو سکتی ہے، مارچ 2025ء میں انسدادِ دہشت گردی کی عدالت نے ملزمان کی درخواستِ ضمانت مسترد کر دی تھی۔
پراسیکیوشن کے مطابق ملزمان نے مارچ 2024ء میں ڈیفنس سے شہری کو اغواء کیا تھا، ملزمان نے اپنا تعلق اینٹی نارکوٹکس ڈپارٹمنٹ سے بتایا تھا، ملزمان نے 2 لاکھ روپے تاوان طلب کیا اور 50 ہزار روپے لے کر شہری کو چھوڑ دیا تھا۔
پولیس کے مطابق ملزمان کے خلاف اے وی سی سی تھانے میں مقدمہ درج ہے۔
.ذریعہ: Jang News
کلیدی لفظ: شارٹ ٹرم کڈنیپنگ
پڑھیں:
گلشن حدید ، ڈکیتی مزاحمت پر بزرگ شہری جاں بحق، سوسائٹی کی سیکورٹی پر سوالیہ نشان
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر)شہر قائد میں بڑھتے جرائم نے ایک اور قیمتی جان لے لی۔ گلشن حدید فیز 2 ایکسٹینشن کے مکان نمبر B-58 میں جمعہ اور ہفتہ کی درمیانی شب ہونے والی ڈکیتی کی واردات نے نہ صرف ایک شہری کو موت کے گھاٹ اتار ا ایک ضعیف العمر شخص کو شدید تشدد کا نشانہ بنایا ۔ بلکہ نجی سوسائٹیوں کی سیکورٹی پر بھی سنگین سوالات کھڑے کر دیے۔اہلخانہ کے مطابق تقریباً پونے چار بجے کے قریب 10 سے 15 مسلح ملزمان گھر میں داخل ہوئے۔ ڈاکوؤں نے اہلخانہ کو یرغمال بنایا، آنکھوں پر پٹیاں باندھ کر دو گھنٹے تک تشدد اور لوٹ مار جاری رکھی۔ اس دوران ڈاکوؤں نے 70 سالہ راؤ جاوید علی خان (سابق ڈپٹی منیجر، پاکستان اسٹیل ملزم ) کو لوہے کی راڈ سے تشدد کا نشانہ بنایا، جنہیں شدید زخمی حالت میں اسپتال منتقل کیا گیا مگر وہ دورانِ علاج جانبر نہ ہو سکے۔مقتول کے بیٹے عبدالروف کے مطابق ملزمان نہ صرف زیورات، نقدی، موبائل فونز اور دیگر قیمتی اشیاء لے گئے بلکہ گھر کے کاغذات، پلاٹ کی فائلیں اور سی سی ٹی وی کا DVR بھی اٹھا کر ساتھ لے گئے۔ عبدالروف نے الزام عائد کیا کہ ان کا سوسائٹی کی مینجمنٹ سے تنازع چل رہا تھا اور یہ واردات اسی پس منظر میں مشکوک ہے۔ڈاکوؤں نے مقتول کی اہلیہ اور بہو کو بھی تشدد کا نشانہ بنایا۔ اہلخانہ کا کہنا ہے کہ حملہ آور انتہائی منظم تھے اور انہیں گھر کے اندرونی معاملات اور سامان کی مکمل معلومات تھیں۔ایس ایچ او بن قاسم انسپکٹر فیصل رفیق نے تصدیق کی ہے کہ نجی ہاؤسنگ سوسائٹی کے6 ملازمین، جن میں سیکیورٹی گارڈز اور ایڈمن عملہ شامل ہیں، کو حراست میں لیا گیا ہے۔ پولیس کا کہنا ہے کہ واردات میں اندرونی سہولت کاری کے امکانات کو رد نہیں کیا جا سکتا۔یہ واقعہ نجی سوسائٹیوں کی سیکیورٹی پر سنگین سوال کھڑا کرتا ہے کہ جب درجنوں مسلح افراد گھنٹوں کارروائی کرتے رہیں تو سیکیورٹی گارڈز اور انتظامیہ کہاں تھے۔ مزید یہ کہ DVR اور بیٹریز ساتھ لے جانا اس بات کا اشارہ ہے کہ ملزمان واردات کی پیشگی منصوبہ بندی کے ساتھ آئے تھے تاکہ شواہد مٹائے جا سکیں۔مقتول راؤ جاوید کی نماز جنازہ ہفتے کو جامع مسجد میں ادا کی گئی جس میں اہلِ علاقہ اور عزیز و اقارب کی بڑی تعداد نے شرکت کی۔ انہیں مقامی قبرستان میں سپرد خاک کر دیا گیا۔ لواحقین نے اشارہ دیا ہے کہ تدفین کے بعد مزید قانونی کارروائی عمل میں لائی جائے گی۔یہ واقعہ نہ صرف کراچی میں بڑھتی ہوئی وارداتوں کی سنگینی کو ظاہر کرتا ہے بلکہ یہ بھی دکھاتا ہے کہ شہری نجی سوسائٹیوں میں بھی خود کو محفوظ تصور نہیں کر سکتے۔ بعد ازاں ایس ایس پی ملیر ڈاکٹر عبدالخالق نے پولیس افسران پر خصوصی مشترکہ ٹیمیں تشکیل دے دی ہے ۔ پولیس مختلف پہلوؤں سے واقعہ کی تحقیقات کر رہی ہے تاکہ ملوث عناصر کو جلد از جلد قانون کے کٹہرے میں لایا جا سکے۔
نیتن یاہو نے دوحہ پر حملے سے 50 منٹ پہلے ٹرمپ کو آگاہ کردیا تھا، امریکی میڈیا کا انکشاف