پاکستانی معاونین حج نے حرم شریف میں بھارتی عازمین کی کیسے مدد کی؟
اشاعت کی تاریخ: 9th, May 2025 GMT
عقیدت سے لبریز دلوں اور فرض شناسی کے جذبے کے ساتھ، پاکستانی حرم گائیڈز جو وزارت مذہبی امور کے افسران و اہلکاروں پر مشتمل ہوتے ہیں، مسجد الحرام میں حاجیوں کی رہنمائی اور مدد کرنے میں اہم کردار ادا کررہے ہیں۔
یہ بھی پڑھیں: وزارت مذہبی امور کی جانب سے حج پروازوں کی معلومات کے لیے ہیلپ لائن قائم
اپنی ذمہ داریوں سے بڑھ کر، پاکستانی معاونین حج نہ صرف پاکستانی حاجیوں کی خدمت کررہے ہیں بلکہ دیگر ممالک کے حاجیوں کی بھی مدد کررہے ہیں۔ خواہ یہ کسی بزرگ حاجی کو راستہ دکھانا ہو، مختلف زبانوں میں رہنمائی فراہم کرنا ہو، یا زیادہ بھیڑ والے علاقوں میں حاجیوں کے لیے آسانی پیدا کرنا ہو، ان کی موجودگی ہزاروں حاجیوں کے لیے سکون اور رہنمائی کا ذریعہ ہے۔
پاکستانی معاونین حج نے ایک ہندوستانی خاندان کو بھی بروقت مدد فراہم کی جو مسجد الحرام میں راستہ بھٹک کر اپنے گروپ سے جدا ہوگیا تھا۔ ان کی یہ کوششیں پاکستان کی مہمان نوازی اور حج کے مقدس سفر کے احترام کی عکاس ہیں۔
یہ بھی پڑھیں: وزارت مذہبی امور کی جانب سے حج پروازوں کی معلومات کے لیے ہیلپ لائن قائم
حج کے موسم کے پیش نظر، ان معاونین کی بے لوث خدمات جاری ہیں، جو دنیا بھر سے آنے والے حاجیوں کی طرف سے سراہی جارہی ہیں اور اتحاد، خدمت اور ایمان کی حقیقی روح کو مضبوط کررہے ہیں۔
یہاں یہ بات قابل ذکر ہے کہ وزارت مذہبی امور و بین المذاہب ہم آہنگی نے پاکستانی حاجیوں کے لیے حج کے سفر کو آسان بنانے کے لیے اہم قدم اٹھاتے ہوئے دیگر حکومتی اداروں سے معاونین کا انتخاب نیشنل ٹیسٹنگ سروس (این ٹی ایس) کے ذریعے کیا تھا، تاکہ سعودی عرب میں پاکستانی حاجیوں کی سہولت فراہم کی جاسکے۔
یہ بھی پڑھیں: وفاقی وزیر مذہبی امور سردار یوسف کا پاکستان حج مشن مدینہ منورہ کا دورہ
واضح رہے کہ گزشتہ سال منیٰ میں ایک حج معاون آصف بشیر نے ہیٹ اسٹروک سے جاں بلب 17 انڈین شہریوں کی جانیں بچانے پر انڈین وزیر اقلیتی امور کی جانب سے تعریفی خط جاری کیا تھا۔ جبکہ حکومت پاکستان نے انہیں تیسرے اعلیٰ ترین سول ایوارڈ سے نوازا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت بھارتی خاندان پاکستان حرم گائیڈز سعودی عرب معاونین حج.ذریعہ: WE News
کلیدی لفظ: بھارت بھارتی خاندان پاکستان حرم گائیڈز معاونین حج
پڑھیں:
اسپورٹس مین شپ نظرانداز: بھارتی ٹیم نے ایک بار پھر پاکستانی کھلاڑیوں سے ہاتھ نہ ملایا
ایشیا کپ کے سپر فور مرحلے میں بھارت نے ایک بار پھر اسپورٹس مین شپ کو نظر انداز کردیا، بھارتی کپتان نے جہاں ٹاس کے بعد پاکستانی کپتان سے ہاتھ نہ ملایا، وہیں میچ کے بعد بھی بھارتی کھلاڑیوں نے پاکستانی کھلاڑیوں سے مصافحہ کرنے سے گریز کیا۔
یہ بھی پڑھیں: اسپورٹس مین شپ نظر انداز: بھارتی کھلاڑیوں کا پاکستانی کھلاڑیوں سے ہاتھ ملانے سے گریز
واضح رہے کہ ایشیا کپ کے سپر فور مرحلے میں بھارت نے پاکستان کو 6 وکٹوں سے شکست دے دی ہے، پاکستان نے پہلے بیٹنگ کرتے ہوئے بھارت کو 172 رنز کا ہدف دیا تھا، جو اس نے 4 وکٹوں کے نقصان پر حاصل کرلیا۔
پاکستان اور بھارت کے درمیان ٹاس کے موقع پر بھارتی کپتان نے ٹاس جیتنے کے بعد پاکستانی کپتان سے ہاتھ نہیں ملایا، وہ سیدھا گفتگو کرنے کی طرف بڑھ گئے۔
واضح رہے کہ اس سے قبل گروپ مرحلے کے میچ میں بھی دونوں ٹیموں کے کپتانوں نے ٹاس کے موقع پر ہاتھ نہیں ملایا تھا، پھر بعد ازاں میچ کے اختتام پر بھی بھارتی ٹیم نے پاکستانی ٹیم کے ساتھ ہاتھ ملانے سے گریز کیا۔
اس کے بعد یہ خبر سامنے آئی تھی کہ میچ ریفری اینڈی پائی کرافٹ نے ٹاس کے موقع پر پاکستانی کپتان سلمان علی آغا کو بتا دیا تھا کہ کپتانوں کے درمیان مصافحہ نہیں ہوگا۔
پاکستان کرکٹ بورڈ نے اس معاملے پر سخت ایکشن لیا اور آئی سی سی سے رابطہ کرکے کہاکہ اگر اس معاملے کو حل نہ کیا گیا تو پاکستان ایشیا کپ سے دستبردار ہو جائےگا۔
یہ بھی پڑھیں: پاک بھارت ٹاکرا: بھارتی کپتان نے ایک بار پھر پاکستانی کپتان سے ہاتھ نہ ملایا
پاکستان کرکٹ بورڈ کے اس احتجاج پر میچ ریفری اینڈی پائی کرافٹ نے معذرت کرلی تھی، تاہم آج ایک بار پھر پاکستان اور بھارت کے درمیان میچ کے ریفری اینڈی پائی کرافٹ ہی تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسپورٹس مین شپ نظر انداز ایشیا کپ پاک بھارت ٹاکرا ہاتھ نہ ملایا وی نیوز
ایجادات کرنے والے ممالک کی فہرست جاری، جانئے پاکستان کا کونسا نمبر ہے؟