بھارت؛ گمراہ کن پروپیگنڈا بے نقاب ہونے پر بھارتی حکومت نے مشہور میڈیا پلیٹ فارم بلاک کردیا
اشاعت کی تاریخ: 9th, May 2025 GMT
نیو دہلی:
بھارتی حکومت نے ان کی جارحیت اور گمراہ کن پروپیگنڈا بےنقاب ہونے پر معروف میڈیا پلیٹ فارم ’’دی وائیر‘‘ کو بلاک کردیا۔
میڈیا رپورٹس کے مطابق بھارت کی وزارت انفارمیشن ٹیکنالوجی نےحقائق سے پردہ اٹھانے پر’’دی وائیر ‘‘ کو بلاک کر دیا ہے اور پابندی کی وجہ کرن تھاپرکے پروگرام میں سابق بھارتی فوجی آفیسر پراوین سواہنے کے ہوشربا انکشافات ہیں۔
سابق بھارتی فوجی افسر پرواین سواہنے نے کہا تھا کہ بھارت پاک فضائیہ کےہاتھوں اپنے جیٹ طیاروں کےگرانے کی خبرجھٹلا نہیں سکا، 2019 کوبھارتی فوج نےاپنے میزائل سے اپنا ہی ہیلی کاپٹر تباہ کردیا تھا۔
پراوین سواہنے نے کہا تھا کہ بھارت میں انتخابات کی وجہ سےاس واقعےکو چھپا دیا تھا، انتخابات کے بعد بھارتی فضائیہ نے 6 ہلاکتوں کو تسلیم کیا تھا اور بھارتی حالیہ نقصانات کو بھی مخصوص سیاسی مقاصد کے طور پر چھپایا جا رہا ہے۔
سابق بھارتی فوجی افسر نے پروگرام میں کہا تھا کہ حالیہ نقصانات کو مخصوص عزائم کے لیے کسی مناسب پر وقت سامنے لایا جائے گا۔
دای وائیر بلاک کرنے کے حوالے سے دفاعی ماہرین نے کہا کہ بھارتی حکومت اپنا گمراہ کن پروپیگنڈا بے نقاب ہونے پر کئی سوشل میڈیا پلیٹ فارمز پر پابندی عائد کرچکی ہے، سچ سے خوفزدہ مودی اختلافی آوازوں کو بند کر رہا ہے مگر اس کا جھوٹ عیاں ہو چکا ہے۔
دفاعی ماہرین نے کہا کہ “دی وائیر ‘‘ پر پابندی اس بات کا ثبوت ہے کہ بھارتی حکومت سچ سامنے آنے پر شدید بوکھلاہٹ کا شکار ہے۔
.
ذریعہ
ذریعہ: Express News
کلیدی لفظ: بھارتی حکومت کہ بھارت نے کہا
پڑھیں:
بانی سے ملاقات نہ ہوئی تو وفاقی بجٹ پاس نہیں ہونے دیں گے: سہیل آفریدی
راولپنڈی (اپنے سٹاف رپورٹر سے) وزیراعلیٰ خیبر پی کے محمد سہیل آفریدی نے اپنی اور صوبائی مشیر خزانہ کی بانی چیئرمین پاکستان تحریک انصاف سے ملاقات کرانے کا مطالبہ کرتے ہوئے کہا ہے کہ بانی سے بجٹ پر رہنمائی حاصل کرنا ضروری‘ اس کے لیے اسلام آباد ہائیکورٹ سے بھی رجوع کیا جائے گا۔ علیمہ خان کے ساتھ اڈیالہ جیل کے باہر گفتگو کرتے ہوئے وزیراعلیٰ نے کہا کہ ہمیں مزید دیوار سے لگانے کی کوشش اور ملاقات کا حق نہ دیا گیا تو 10 جون کو قومی اسمبلی کے سامنے دھرنا دیں گے اور وفاقی بجٹ بھی پاس نہیں ہونے دیا جائے گا۔ انہوں نے کہا کہ خیبر پی کے میں حکومت عمران خان کی ہے، اسے ان کے سوا کوئی ختم نہیں کر سکتا۔ انہوں نے مزید کہا کہ حکومت کے پاس نہ موثر داخلہ پالیسی ہے اور نہ ہی خارجہ پالیسی۔ آنے والا وفاقی بجٹ عوام پر ایک معاشی ایٹم بم ہوگا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ