پاراچنار، آئی ایس او کے زیراہتمام پری بورڈ امتحان تقسیم انعامات کی تقریب
اشاعت کی تاریخ: 10th, May 2025 GMT
پہلی پوزیشن ہولڈر کو (10000)، دوسری پوزیشن ہولڈر کو (7000) اور تیسری پوزیشن ہولڈر کو (5000) روپے نقد رقم، شیلڈز اور سرٹیفیکیٹس سے نوازا گیا۔ اس موقع پر ٹاپ ٹین طلبا و طالبات میں بھی شیلڈز اور سرٹیفیکیٹس تقسیم کئے گئے۔ اسلام ٹائمز۔ امامیہ اسٹوڈنٹس آرگنائزیشن پاکستان خیبر پختونخوا کے زیرِ اہتمام المصطفیٰ ایجوکیشنل کمپلیکس پاراچنار میں پری بورڈ امتحانات 2025ء کی تقسیم انعامات تقریب کا انعقاد کیا گیا۔ جس میں پہلی پوزیشن ہولڈر کو (10000)، دوسری پوزیشن ہولڈر کو (7000) اور تیسری پوزیشن ہولڈر کو (5000) روپے نقد رقم، شیلڈز اور سرٹیفیکیٹس سے نوازا گیا۔ اس موقع پر ٹاپ ٹین طلبا و طالبات میں بھی شیلڈز اور سرٹیفیکیٹس تقسیم کئے گئے۔
پروگرام میں اسسٹنٹ کمشنر اپر کرم، ڈپٹی ڈسٹرکٹ ایجوکیشن آفیسر میر حسین جان، رکن انجمن حسینیہ پاراچنار ماسٹر امان علی، پروفیسر سید جمیل کاظمی، چیئرمین المصطفٰی ایجوکیشنل کمپلیکس حاجی سجاد حسین، سابق ڈویژنل صدر ثقلین مہدوی، علی نقی نے شرکاء کے ساتھ اپنے اپنے خیالات کا اظہار بھی کیا۔ سمینار میں طلباء سمیت سینئر احباب، پرنسپل حضرات، اساتذہ کرام، طلباء کے والدین نے بھی شرکت کی، سمینار میں کثیر تعداد میں طلباء شریک ہوئے۔
ذریعہ: Islam Times
کلیدی لفظ: پوزیشن ہولڈر کو
پڑھیں:
27 ویں ترمیم کیلیے درکار ووٹ؛، سینیٹ میں پارٹی پوزیشن سامنے آ گئی
کسی بھی آئینی ترمیم کے لیے اس وقت سینٹ سے 64 ووٹ درکار ہوں گے جب کہ حکومتی بینچز پر سینیٹ میں سب سے زیادہ سیٹیں پیپلز پارٹی کے پاس ہیں جن کی تعداد 26 ہے۔ اسلام ٹائمز۔ مجوزہ 27 ویں ترمیم کے لیے درکار ووٹوں کے تناظر میں ایوان بالا میں پارٹی پوزیشن سامنے آ گئی۔ کسی بھی آئینی ترمیم کے لیے اس وقت سینٹ سے 64 ووٹ درکار ہوں گے جب کہ حکومتی بینچز پر سینیٹ میں سب سے زیادہ سیٹیں پیپلز پارٹی کے پاس ہیں جن کی تعداد 26 ہے۔ اسی طرح مسلم لیگ نواز کے پاس ایوان بالا میں 20 نشستیں ہیں۔ سینیٹ میں حکومتی اتحادی بلوچستان عوامی پارٹی کی 4 نشستیں اور ایم کیو ایم کے 3 ارکان ہیں۔ اسی طرح نیشنل پارٹی اور پاکستان مسلم لیگ ق کی ایک ایک سیٹ ہے۔ حکومتی بینچز پر بیٹھنے والے آزاد سینیٹرز میں سینیٹر عبدالکریم، سینیٹر عبدالقادر، محسن نقوی، انوار الحق کاکڑ، اسد قاسم اور سینیٹر فیصل واوڈا شامل ہیں۔ دوسری جانب اپوزیشن بینچز پر پی ٹی آئی کے سینیٹرز سب سے زیادہ ہیں۔ سینیٹ میں پی ٹی آئی کی 14، اے این پی کی 3 نشستیں ہیں۔ ایک آزاد سینیٹر نسیمہ احسان بھی اپوزیشن بینچوں پر موجود ہیں جب کہ پی ٹی آئی کے حمایت یافتہ 6 آزاد سینیٹرز بھی ایوان بالا میں موجود ہیں۔ پی ٹی آئی کے ایک نو منتخب سینیٹر جلد حلف اٹھا لیں گے، تاہم پی ٹی آئی کے حمایت یافتہ ایک آزاد رکن مراد سعید نے ابھی حلف اٹھانا ہے۔ اپوزیشن بینچز پر جمعیت علمائے اسلام پاکستان کے 7 سینیٹرز ہیں۔ اسی طرح اپوزیشن بینچز پر مجلس وحدت المسلمین کا ایک اور سنی اتحاد کونسل کا ایک رکن موجود ہے۔
کراچی: حملے کی منصوبہ بندی ناکام، ایس آر اے کے انتہائی مطلوب 2 دہشتگرد گرفتار