ویرات کوہلی نے ریٹائرمنٹ کی خواہش ظاہر کردی
اشاعت کی تاریخ: 10th, May 2025 GMT
بھارتی کپتان روہت شرما کی ٹیسٹ کرکٹ سے ریٹائرمنٹ کے فیصلے نے جہاں بھارتی کرکٹ کو ہلا کر رکھ دیا وہیں اب بھارتی اسٹار بیٹر ویرات کوہلی نے بھی ٹیسٹ کرکٹ سے ریٹائرمنٹ کی خواہش ظاہر کردی ہے۔
بھارتی میڈیا کے مطابق ویرات کوہلی کی ریٹائرمنٹ کی خبروں کے بعد مداحوں میں تشویش کی لہر دوڑ گئی ہے اور وہ کرکٹر کو اس فیصلے پر غور کرنے کا مشورہ دے رہے ہیں۔
رپورٹ کے مطابق ویرات کوہلی نے بھارت کرکٹ بورڈ (بی سی سی آئی) کو اطلاع دی ہے کہ وہ ٹیسٹ کرکٹ سے ریٹائر ہونے کا ارادہ رکھتے ہیں، حالانکہ بی سی سی آئی کے سینئر حکام نے ان سے دوبارہ سوچنے کی درخواست کی ہے۔
بھارتی اخبار ”انڈین ایکسپریس“ کی رپورٹ کے مطابق، کوہلی نے اپنے فیصلے پر پختہ یقین ظاہر کیا ہے اور بورڈ کو آگاہ کیا ہے کہ وہ ٹیسٹ کرکٹ کو خیر باد کہنے والے ہیں۔
رپورٹ میں کہا گیا ہے کہ “انہوں نے اپنا فیصلہ سنا دیا ہے اور بورڈ کو بتایا ہے کہ وہ ٹیسٹ کرکٹ سے ریٹائرمنٹ کا اعلان کردیں گے۔
بی سی سی آئی نے ان سے دوبارہ سوچنے کی درخواست کی ہے کیونکہ انگلینڈ کا اہم دورہ قریب آ رہا ہے۔ تاہم ویرات کوہلی نے تاحال بھارتی بورڈ کی درخواست کا جواب نہیں دیا۔
ادھر بھارتی اسٹار بیٹر کے ریٹائرمنٹ کے فیصلے نے بھارتی شائقین کو پریشان کر دیا۔
ایک صارف نے لکھا کہ اس صورتحال میں بھاگنا بہت بزدلی ہوگی ویرات بھائی، ایک لیجنڈ بھاگتا نہیں ہے، کیریئر کے آخری مرحلے میں ایک بار اپنی قابلیت کا ثبوت دیں، ایک لیجنڈ یہی کرتا ہے۔ 5 میں سے 4 سال فیل ہونے کے بعد ریٹائر ہونے کا مطلب ہے کہ آپ اپنے ملک کے ساتھ انصاف نہیں کر رہے۔
Running away at this situation will be very cowardice bro @imVkohli
A legend doesn't runs away, prove your worth one last time in the last stage of career, that's what a legend does.
— P. (@itswhatitisdude) May 10, 2025
ایک اور بھارتی صارف نے لکھا کہ کہاں ہے آپ کا کبھی نہ ہار ماننے والا رویہ جو بچپن سے دیکھ کر بڑا ہوا ہوں، آپ یوں اس طرح نہیں جا سکتے۔
براہ کرم کم از کم انگلش ٹور کی کوشش کریں مجھے یقین ہے کہ آپ ٹیم کے لیے سب سے زیادہ رنز بنانے والے کھلاڑی ہوں گے۔
Where is your never give up attitude which grew up watching since my childhood ??? @imVkohli you can't go like this man ????
Pls try Eng tour atleast I'm sure u will be highest run scorer for the team ????????
— Saurav (@Saurav_viratian) May 10, 2025
واضح رہے ویرات کوہلی نے 2024 کے ٹی ٹوئنٹی ورلڈ کپ کے بعد مختصر فارمیٹ سے بھی ریٹائرمنٹ کا اعلان کردیا تھا۔
ذریعہ: Daily Mumtaz
کلیدی لفظ: ویرات کوہلی نے ٹیسٹ کرکٹ سے
پڑھیں:
امریکی کانگریس کی سابق اسپیکر نینسی پیلوسی کا سیاست سے ریٹائرمنٹ کا اعلان
امریکی ایوانِ نمائندگان کانگریس کی سابق اسپیکر نینسی پیلوسی نے کئی دہائیوں پر محیط اپنے سیاسی کیریئر کے اختتام کا اعلان کردیا۔
انہوں نے باضابطہ طور پر اعلان کیا کہ وہ آئندہ الیکشن میں حصہ نہیں لیں گی۔
85 سالہ نینسی پیلوسی نے ایک ویڈیو پیغام میں کہا کہ میں چاہتی ہوں کہ سب سے پہلے میرے سان فرانسسکو کے عوام یہ خبر سنیں، میں آئندہ کانگریس کے انتخابات میں حصہ نہیں لوں گی، شکرگزار دل کے ساتھ، میں اپنے آخری سال کو آپ کی نمائندہ کے طور پر دیکھ رہی ہوں۔
پیلوسی اس وقت کانگریس کی اپنی 19ویں مدت مکمل کر رہی ہیں، جو 3 جنوری 2027 کو ختم ہوگی۔
نینسی پیلوسی نے 2007 میں امریکا میں تاریخ رقم کی، جب وہ ایوانِ نمائندگان کی پہلی خاتون اسپیکر منتخب ہوئیں، ان کی قیادت میں ڈیموکریٹک پارٹی نے کئی اہم قانون سازیوں کو کامیابی سے منظور کرایا۔
سیاسی تجزیہ کاروں کے مطابق پیلوسی کو امریکی سیاست میں ایک انتہائی ذہین، اسٹریٹجک اور مؤثر رہنما کے طور پر جانا جاتا ہے، انہوں نے سابق صدر باراک اوباما کے دور میں تاریخی ہیلتھ کیئر ریفارم بل کی منظوری میں اہم کردار ادا کیا، جبکہ سابق صدر جو بائیڈن کے دور میں انفرا اسٹرکچر اور موسمیاتی تبدیلی سے متعلق اہم قوانین کو ایوان سے منظور کرایا۔
اگرچہ انہیں ان کی سیاسی بصیرت اور مضبوط قیادت کے باعث سراہا گیا، لیکن ریپبلکن پارٹی کے رہنماؤں نے اکثر انہیں امیر اور عوام سے دور ایلیٹ کے طور پر تنقید کا نشانہ بنایا۔
نینسی پیلوسی کا ریٹائرمنٹ امریکی سیاست کے ایک اہم اور تاریخی باب کے اختتام کے طور پر دیکھا جا رہا ہے۔
لاہور میں بلوچستان کا مقدمہ عوام کے سامنے رکھیں گے، مولانا ہدایت الرحمان