’ خدا کا شکر کہ جنگ بندی ہوگئی ‘سلمان خان کی ٹویٹ بالی ووڈ اسٹار کے گلے پڑ گئی
اشاعت کی تاریخ: 12th, May 2025 GMT
بالی ووڈ اسٹار سلمان خان امن کے حق میں ایک ٹویٹ پوسٹ کرنے پر جنگجو بھارتی سوشل میڈیا صارفین کے عتاب میں اس طرح گھر گئے کہ وہ اپنی ٹویٹ ڈیلیٹ کرنے پر مجبور ہوگئے۔
سلمان خان کی جانب سے پاک بھارت جنگ بندی کی حمایت میں لکھی گئی ٹویٹ نے بھارت میں سوشل میڈیا صارفین کو سیخ پا کردیا۔ انہوں نے محض یہ لکھا تھا کہ خدا کا شکر ہے کہ (پاکستان اور بھارت کے درمیان) جنگ بندی ہوگئی۔ اس پر انھیں سوشل میڈیا کے بھارتی صارفین کی طرف سے شدید ردعمل کا سامنا کرنا پڑا جن کا کہنا تھا کہ سلمان خان نے جنگ بندی کی حمایت کرکے بھارتی فوجیوں کی قربانیوں کو نظرانداز کردیا۔
سوشل میڈیا صارفین نے بالی ووڈ اسٹار سے متعلق برہمی کا اظہار کرتے ہوئے ان کا بائیکاٹ کرنے کی آوازیں بلند کرنا شروع کردیں۔ یہ شورشرابا اس قدر زیادہ ہوا کہ سلمان خان سر پکڑ کر بیٹھ گئے، نتیجتاً انہوں نے اپنی پوسٹ ہی ڈیلیٹ کردی۔واضح رہے کہ سلمان خان نے یہ ٹویٹ عین اس وقت پوسٹ کی تھی جب پاکستان اور بھارت کے درمیان جنگ بندی کا اعلان کیا گیا تھا۔
بہت سے سوشل میڈیا صارفین اس بات پر ناراض تھے کہ سلمان خان نے جانوں کا نذرانہ پیش کرنے والے بھارتی فوجیوں کی بہادری کا اعتراف نہیں کیا لیکن دونوں ممالک کے درمیان امن کی خبر کو پکڑ لیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت جنگ بندی سلمان خان سوشل میڈیا صارفین.ذریعہ: WE News
کلیدی لفظ: بھارت سوشل میڈیا صارفین سوشل میڈیا صارفین کہ سلمان خان بالی ووڈ
پڑھیں:
ظہران ممدانی کی جنید خان سے حیران کن مشابہت، سوشل میڈیا پر چرچا
حال ہی میں منتخب ہونے والے نیویارک سٹی کے میئر ظہران ممدانی ناصرف امریکا بلکہ پاکستان میں بھی خبروں کی زینت بن گئے ہیں۔
سوشل میڈیا صارفین کا کہنا ہے کہ ظہران ممدانی کی شکل پاکستانی گلوکار و اداکار جنید خان سے حیران کن حد تک ملتی جلتی ہے۔
افریقی ملک یوگنڈا میں پیدا ہونے والے ظہران ممدانی مسلمان، انہوں نے 34 سال کی عمر میں امریکی ڈیموکریٹک پارٹی کے امیدوار کی حیثیت سے انتخابات میں حصہ لیا اور نوجوان ووٹرز کی بھاری اکثریت سے کامیابی حاصل کی، ان کی کامیابی کے بعد دنیا بھر کے مسلمان ان کے انتخاب پر خوشی کا اظہار کر رہے ہیں۔
پاکستان میں ظہران ممدانی کی ویڈیوز وائرل ہونے کے بعد صارفین فوراً ان کو جنید خان سے مشابہت دینے لگے۔
ایک صارف نے لکھا کہ یہ تو جنید خان کی کاربن کاپی لگ رہے ہیں، جبکہ دوسرے نے کہا یہ تو جنید خان سے بھی زیادہ جنید خان لگ رہے ہیں، ایک اور نے تبصرہ کیا کہ یہ تو کال بینڈ والے جنید خان جیسے ہیں، جبکہ ایک نے مزاحیہ انداز میں لکھا یہ تو جنید خان اور پنکج ترپاٹھی کا امتزاج لگ رہے ہیں۔
اداکار جنید خان نے بھی یہ دلچسپ موازنہ نظرانداز نہیں کیا، انہوں نے اپنے انسٹاگرام اکاؤنٹ پر ایک پوسٹ ری شیئر کرتے ہوئے لکھا کہ امید ہے اگلی بار جب نیویارک سٹی آؤں گا تو وی آئی پی ٹریٹمنٹ ضرور ملے گا۔
سوشل میڈیا پر ظہران ممدانی اور جنید خان کی مشابہت پر تبصرے جاری ہیں اور صارفین اس دلچسپ مماثلت پر خوب محظوظ ہو رہے ہیں
بھکر میں قرض کی رقم واپس نہ کرنے پر مقروض کی 4 سالہ بیٹی کا اغوا