’ خدا کا شکر کہ جنگ بندی ہوگئی ‘سلمان خان کی ٹویٹ بالی ووڈ اسٹار کے گلے پڑ گئی
اشاعت کی تاریخ: 12th, May 2025 GMT
بالی ووڈ اسٹار سلمان خان امن کے حق میں ایک ٹویٹ پوسٹ کرنے پر جنگجو بھارتی سوشل میڈیا صارفین کے عتاب میں اس طرح گھر گئے کہ وہ اپنی ٹویٹ ڈیلیٹ کرنے پر مجبور ہوگئے۔
سلمان خان کی جانب سے پاک بھارت جنگ بندی کی حمایت میں لکھی گئی ٹویٹ نے بھارت میں سوشل میڈیا صارفین کو سیخ پا کردیا۔ انہوں نے محض یہ لکھا تھا کہ خدا کا شکر ہے کہ (پاکستان اور بھارت کے درمیان) جنگ بندی ہوگئی۔ اس پر انھیں سوشل میڈیا کے بھارتی صارفین کی طرف سے شدید ردعمل کا سامنا کرنا پڑا جن کا کہنا تھا کہ سلمان خان نے جنگ بندی کی حمایت کرکے بھارتی فوجیوں کی قربانیوں کو نظرانداز کردیا۔
سوشل میڈیا صارفین نے بالی ووڈ اسٹار سے متعلق برہمی کا اظہار کرتے ہوئے ان کا بائیکاٹ کرنے کی آوازیں بلند کرنا شروع کردیں۔ یہ شورشرابا اس قدر زیادہ ہوا کہ سلمان خان سر پکڑ کر بیٹھ گئے، نتیجتاً انہوں نے اپنی پوسٹ ہی ڈیلیٹ کردی۔واضح رہے کہ سلمان خان نے یہ ٹویٹ عین اس وقت پوسٹ کی تھی جب پاکستان اور بھارت کے درمیان جنگ بندی کا اعلان کیا گیا تھا۔
بہت سے سوشل میڈیا صارفین اس بات پر ناراض تھے کہ سلمان خان نے جانوں کا نذرانہ پیش کرنے والے بھارتی فوجیوں کی بہادری کا اعتراف نہیں کیا لیکن دونوں ممالک کے درمیان امن کی خبر کو پکڑ لیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت جنگ بندی سلمان خان سوشل میڈیا صارفین.ذریعہ: WE News
کلیدی لفظ: بھارت سوشل میڈیا صارفین سوشل میڈیا صارفین کہ سلمان خان بالی ووڈ
پڑھیں:
خاتون کا وزیراعلیٰ پنجاب سے محبت کا انوکھا اظہار، مریم نواز کے نام کا پرفیوم لانچ
وزیراعلیٰ پنجاب کے چاہنے والی خاتون نے ان سے محبت کا انوکھا اظہار کرتے ہوئے مریم نواز کے نام کا پرفیوم لانچ کردیا۔
سوشل میڈیا پلیٹ فارم ’ایکس‘پر ایک پوسٹ تیزی سے وائرل ہو رہی ہے، جس میں دکھایا گیا ہے کہ ایک خاتون مداح نے وزیراعلیٰ مریم نواز کے لیے خصوصی پرفیوم متعارف کروایا ہے۔
وزیراعلیٰ مریم نواز سے محبت کرنے والی خاتون نے مریم نواز کی تصویر والا پرفیوم لانچ کر دیا♥️ pic.twitter.com/z1ERH5dSfe
— CM Highlights (@CM_High_Lights) August 8, 2025
’اس پرفیوم کا نام ’ایم این پنجاب دی دھی‘ رکھا گیا ہے، جب کہ اس کی خوبصورت پیکنگ پر مریم نواز کی تصویر بھی نمایاں ہے۔
سوشل میڈیا پر پرفیوم کے چرچے کے بعد وزیراعلیٰ پنجاب مریم نواز نے بھی اس دلچسپ پیشکش پر ردعمل دیا ہے۔ انہوں نے اپنے آفیشل ٹوئٹر اکاؤنٹ سے یہ پوسٹ شیئر کرتے ہوئے لکھا ’یہ مجھے بھی چاہیے ہے پلیز‘۔
I also want one pls ☺️ https://t.co/FGx7tnHTxE
— Maryam Nawaz Sharif (@MaryamNSharif) August 8, 2025
یہ منفرد اقدام مریم نواز کے مداحوں میں ان کی مقبولیت اور پسندیدگی کا ایک اور اظہار بن گیا ہے۔ جبکہ سوشل میڈیا صارفین اس پر دلچسپ تبصرے بھی کررہے ہیں۔
یاد رہے کہ اس سے قبل آزاد کشمیر کے ایک شہری نے اپنی ساری زمین مریم نواز کے نام کرنے کا اعلان کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پرفیوم لانچ خاتون مداح سوشل میڈیا مریم نواز وزیراعلٰی پنجاب وی نیوز
سرحدی تجارت کے فروغ کی حوصلہ افزائی کریں گے: وزیرِ تجارت جام کمال