پاکستان نے کبھی غیر ذمہ داری کا مظاہرہ نہیں کیا، سلمان خان کی پرانی ویڈیو وائرل
اشاعت کی تاریخ: 12th, May 2025 GMT
بالی ووڈ اداکار سلمان خان نے بھارت کی جانب سے مسلسل پاکستان مخالف پروپیگنڈا کا جواب دے دیا۔
سلمان خان کا ایک پرانا ویڈیو کلپ سوشل میڈیا پر وائرل ہو رہا ہے جس میں دہشتگردی کے الزامات کے خلاف بالی ووڈ اداکار سلمان خان پاکستان کے حق میں بیان دیتے نظر آ رہے ہیں۔
یہ بھی پڑھیں: پاکستان نے سیز فائر کی کوئی درخواست نہیں کی، یہ خواہش بھارت کی تھی، ڈی جی آئی ایس پی آر
وائرل ویڈیو میں سلمان خان کا کہنا تھا کہ پاکستان میں خود اتنی دہشتگردی ہورہی ہے، یہ صورتحال پاکستان کے کنٹرول میں بھی نہیں ہے، وہاں پر کوئی ایسا واقعہ ہوتا ہے تو کیا وہ لوگ کہتے ہیں کہ یہ بھارتیوں نے کیا ہے؟
سلمان خان نے مزید کہا کہ کہتے ہیں کہ اسلام دہشتگردی کا مذہب ہے، نہ قرآن میں ایسا کچھ لکھا ہے، نہ حدیثوں میں لکھا ہے کہ کسی کی جان لو، کسی کو مار دو، اسلام یہ سب بالکل نہیں سکھاتا، یہ قرآن میں کہیں نہیں لکھا۔
View this post on Instagram
A post shared by ???????????????????? ???????????????? (@sallukhanniazi)
ان کا مزید کہنا تھا کہ پیسوں کے لیے، نفرت کے لیے کسی بے گناہ کو مارنا اس سے خراب اس دنیا میں کچھ نہیں ہو سکتا۔ سلمان خان نے کہا کہ یا تو آپ ان ٹرینرز کی باتیں سُن لیں یا پھر رسول اللہ ﷺ نے جو باتیں سکھائی ہیں حدیثوں میں، یا جو قرآن میں لکھا ہے اس پر عمل کریں۔
سلمان خان کی اس وائرل ویڈیو پر پاکستانی سوشل میڈیا صارفین ان کی حمایت اور تعریف کرتے نظر آ رہے ہیں۔
واضح رہے کہ حال ہی میں سلمان خان کو پاک بھارت کشیدگی پر سیز فائر سے متعلق ٹوئٹ کرنا مہنگا پڑ گیا۔ بالی ووڈ کے ہیرو سلمان خان کو اُس وقت شدید تنقید کا سامنا کرنا پڑا جب انہوں نے بھارت اور پاکستان کے درمیان جنگ بندی پر ٹوئٹ کیا، لیکن اسے جلد ہی ڈیلیٹ کر دیا۔
بھارت اور پاکستان نے 4 روزہ کشیدگی کے بعد اچانک جنگ بندی کا اعلان کیا گیا تو سلمان خان نے اپنے ایکس اکاؤنٹ پر لکھا تھا کہ شکر ہے، سیز فائر ہو گیا۔ جس کے بعد انہیں ہندوستانیوں کی جانب سے تنقید کا سامنا کرنا پڑا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ پاک بھارت جنگ سلمان خان سیز فائر.ذریعہ: WE News
کلیدی لفظ: بالی ووڈ پاک بھارت جنگ سیز فائر بالی ووڈ سیز فائر
پڑھیں:
ابوظہبی ایئرپورٹ پر پھنسنے کے بعد حرا مانی کا جذباتی ویڈیو پیغام وائرل
پاکستانی اداکارہ حرا مانی کی ایک ویڈیو سوشل میڈیا پر تیزی سے وائرل ہو رہی ہے جس میں وہ ابوظہبی ایئرپورٹ پر پھنسنے کے بعد اپنے جذبات کا اظہار کرتی دکھائی دیتی ہیں اداکارہ نے انسٹاگرام پر یہ ویڈیو شیئر کی جس میں وہ پاکستان کی فضائی حدود بند ہونے کے باعث پیدا ہونے والی صورتحال اور اس کے اثرات پر بات کرتی نظر آئیں حرا مانی نے بتایا کہ اس لمحے انہیں شدید خوف محسوس ہوا اور ایسا لگا جیسے وہ دوبارہ کبھی اپنے بچوں سے نہیں مل سکیں گی انہوں نے ویڈیو میں کہا کہ ان کا مقصد صرف اپنے دل کی بات ان پاکستانیوں سے شیئر کرنا ہے جنہوں نے جنگ کے حالات میں اپنے پیاروں کو کھو دیا ہے انہوں نے یہ بھی کہا کہ وہ جنگ نہیں چاہتیں کیونکہ ہم سب بچوں والے لوگ ہیں اور ہمیں امن کی ضرورت ہے حرا مانی نے اپنی ویڈیو کے ساتھ کیپشن میں لکھا کہ جب وہ ابوظہبی ایئرپورٹ پر پھنس گئیں تو انہیں لگا جیسے زندگی تھم گئی ہو انہوں نے کہا کہ ہم جنگ نہیں چاہتے ہم صرف اپنے بچوں کے ساتھ محفوظ رہنا چاہتے ہیں اداکارہ نے اپنے پیغام کے آخر میں پاکستان زندہ باد کا نعرہ لگایا اور تمام متاثرہ خاندانوں کے لیے دعا اور ہمدردی کا اظہار کیا سوشل میڈیا صارفین ان کے اس ویڈیو پیغام پر بھرپور ردعمل دے رہے ہیں اور اداکارہ کے جذبے کو سراہ رہے ہیں
View this post on InstagramA post shared by Hira Mani (@hiramaniofficial)
دہشتگردوں کو انکے انجام تک پہنچا کر دم لیں گے، سرفراز بگٹی