سلیبرٹی ہونا آسان نہیں یہ ذہنی دباؤ سے بھرپور زندگی ہے، شمعون عباسی
اشاعت کی تاریخ: 15th, May 2025 GMT
شمعون عباسی کا سلیبرٹی کلچر پر تنقیدی تبصرہ: شہرت کے بعد عاجزی ضروری ہے
پاکستان شوبز کے اداکار، ہدایت کار اور اسکرین رائٹر شمعون عباسی نے شہرت کو سنبھالنا ایک مشکل کام قرار دے دیا۔
شمعون عباسی نے اپنے آفیشل انسٹاگرام ایکاؤنٹ پر ایک ویڈیو پیغام میں شیئر کیا ہے جس میں انہوں نے سلیبرٹی کلچر کے نقصانات پر کھل کر بات کی ہے۔ انہوں نے کہا کہ سلیبرٹی بننا اور مشہور ہونا کوئی آسان کام نہیں بلکہ ایک ذہنی دباؤ سے بھرپور زندگی ہے، اسی لیے وہ خود کو کبھی سلیبرٹی نہیں سمجھتے۔
شمعون عباسی نے کہا کہ شہرت کی دنیا عارضی ہوتی ہے، گلوکار، کھلاڑی یا اداکار جب اپنی کارکردگی کھو دیتے ہیں یا کوئی تنازع پیدا ہو جائے تو فوراً تنقید کا نشانہ بن جاتے ہیں اور ان کا وہ مقام ختم ہو جاتا ہے۔
اداکار نے کہا کہ لوگ جب شہرت کھو بیٹھتے ہیں تو وہ ذہنی دباؤ، بے چینی اور حتیٰ کہ نشے کی طرف بھی چلے جاتے ہیں کیونکہ انہیں لگتا تھا کہ وہ پیدائشی سلیبرٹی ہیں۔
View this post on InstagramA post shared by Shamoon Abbasi (@being_shamoon_)
انہوں نے زور دیا کہ سلیبرٹی بننا بُری بات نہیں، لیکن اس مقام کو برقرار رکھتے ہوئے عاجزی اختیار کرنا اور حقیقت پسندی اپنانا ضروری ہے کیونکہ جب آپ کی شہرت میں کمی آتی ہے تو آپ کے پاس پیسوں کی تنگی بھی شروع ہوجاتی ہے۔
ان کا کہنا تھا کہ کوئی بھی سلیبرٹی پیدا نہیں ہوتا، بلکہ وقت، حالات اور عوامی محبت اسے بناتے ہیں اور یہ وقت کے ساتھ ختم ہوجانے والی چیز ہے۔
ویڈیو کے اختتام پر شمعون عباسی نے مشورہ دیا کہ ہم جو کچھ کرتے ہیں وہ سکون کیلئے کرتے ہیں اس لئے اللہ سے ہر حال میں سکون اور آسانی کی دعا مانگیں۔
.ذریعہ: Express News
پڑھیں:
افغانستان: خواتین و لڑکیاں باوقار زندگی گزارنے سے محروم، یو این ویمن
اسلام آباد (اُردو پوائنٹ ۔ UN اردو۔ 15 اگست 2025ء) خواتین کے لیے اقوام متحدہ کے ادارے 'یو این ویمن' نے افغانستان میں طالبان کی حکومت کو چار سال مکمل ہونے پر کہا ہے کہ ملک میں خواتین اور لڑکیوں کے حقوق کو سلب کیا جا رہا ہے اور ان سے باوقار زندگی گزارنے کے مواقع چھین لیے گئے ہیں۔
افغانستان کے لیے ادارے کی خصوصی نمائندہ سوزن فرگوسن نے نیویارک میں صحافیوں سے بات کرتے ہوئے کہا ہے کہ اقتدار حاصل کرنے کے بعد طالبان نے ایسے درجنوں احکامات جاری کیے ہیں جن کے ذریعے خواتین اور لڑکیوں کو حقوق اور وقار سے محروم کر دیا گیا ہے۔
انہوں نے کہا کہ افغانستان میں خواتین اور لڑکیوں کے حقوق کا سنگین ترین بحران ہے جو معمول کی صورتحال بنتا جا رہا ہے۔ گزشتہ سال متعارف کرائے جانے والے 'قانون اخلاقیات' کے ذریعے دیرینہ سماجی رسوم و رواج کو باضابطہ بنا کر خواتین کو عوامی زندگی سے منظم طور پر خارج کر دیاگیا ہے۔
(جاری ہے)
سوزن فرگوسن نے کہا کہ لڑکیوں کو پرائمری درجے کے بعد تعلیم کے حصول کی اجازت نہیں۔
خواتین عوامی مقامات پر اور اپنے علاقوں یا خاندانوں میں خود کو غیرمحفوظ سمجھتی ہیں اور موجودہ حکومت میں مجموعی سلامتی کی صورتحال میں آنے والی بہتری سے فائدہ نہیں اٹھا سکتیں۔افغان این جی اوز کو مدد کی ضرورترواں سال 17 لاکھ افغان پناہ گزین ہمسایہ ملک پاکستان اور ایران سے واپس آئے ہیں۔ تاہم ان میں شامل خواتین تعلیم وصحت کی سہولیات تک رسائی یا معاشی مدد حاصل کرنے کےلے مرد امدادی کارکنوں سے رابطہ نہیں کر سکتیں۔
اسی لیے انہیں طبی ونفسیاتی خدمات کی فراہمی اور تشدد سے بچانے کے لیے ملک میں خواتین کے زیرانتظام چلائے جانے والے اداروں اور تنظیموں کا کردار بہت اہم ہے۔
تاہم، رواں سال مارچ میں دنیا بھر سے تعلق رکھنے والے غیرسرکاری اداروں کو امدادی مالی وسائل کی قلت کے باعث خواتین پر مشتمل نصف عملے میں کمی کرنا پڑی۔ ان میں ایک تہائی سے زیادہ اداروں یا تنظیموں نے خبردار کیا کہ انہیں اپنے کام میں کمی لانا پڑے گی یا وہ سرے سے بندہو جائیں گے۔
یہ ادارے اپنا کام جاری رکھنے کے لیے کوشاں ہیں لیکن انہیں مزید مالی امداد کی فوری ضرورت ہے۔
سوزن فرگوسن نے کہا ہے کہ افغان غیرسرکاری تنظیموں کو ان کے کام میں مدد دینے اور ان کی آواز کو بین الاقوامی بات چیت کا حصہ بنانے پر سرمایہ کاری جاری رکھنا ہو گی۔
کراچی، کپڑے کی فیکٹری میں آتشزدگی، 5 منزلہ عمارت منہدم، 7 افراد زخمی