’’شہرت دماغ پر چڑھ گئی ہے‘‘ مشی خان کا طلحہ انجم کے بھارتی پرچم لہرانے پر سخت ردعمل
اشاعت کی تاریخ: 18th, November 2025 GMT
کراچی:
پاکستانی اداکارہ اور ہوسٹ مشی خان نے نیپال کنسرٹ کے دوران گلوکار طلحہ انجم کی جانب سے بھارتی پرچم لہرانے اور اسے جواز دینے پر سخت ردعمل دیا ہے۔
مشی خان نے اپنے انسٹاگرام ویڈیو پیغام میں کہا کہ لگتا ہے شہرت آپ (طلحہ انجم) کے دماغ پر چڑھ گئی ہے، ہمارے لوگوں میں عزت نفس کی کمی ہے جو ہم اس طرح کی حرکتیں کرتے ہیں۔
مشی خان نے کہا کہ پاکستانی فنکار محبت اور امن کی بات تو کرتے ہیں مگر بھارتی پرچم تھام کر لہرانا کسی طور مناسب نہیں خاص طور پر اُس وقت جب بھارت کی طرف سے پاکستان کی مسلسل توہین کی جاتی ہے۔
مزید پڑھیں: پاکستانی ریپر طلحہ انجم نے نیپال میں کنسرٹ کے دوران بھارتی پرچم لہرادیا
انہوں نے کہا کہ آپ کو ایک بھارتی مداح نے پرچم پکڑایا اور آپ نے فوراً لہرا دیا، کندھے پر رکھا، بوسہ بھی دیا۔ اگر یہی کوئی بھارتی فنکار کرتا تو اس کے نتائج بالکل مختلف ہوتے۔
مشی خان کے مطابق امن کا پیغام دینا اچھی بات ہے لیکن اس کے نام پر خودداری کو قربان نہیں کرنا چاہیے۔ طلحہ انجم کو چاہیے تھا کہ پرچم لینے پر صرف شکریہ ادا کرتے اور اسے ایک طرف رکھ دیتے۔
مزید پڑھیں: میرے دل میں نفرت کیلئے کوئی جگہ نہیں، طلحہ انجم کا بھارتی پرچم لہرانے پر تنقید کا جواب
سوشل میڈیا پر صارفین بڑی تعداد میں مشی خان کی حمایت کر رہے ہیں جبکہ طلحہ انجم کو شدید تنقید کا سامنا ہے۔ مداحوں کے مطابق گلوکار کا عمل "خودداری کے خلاف" اور "حد سے زیادہ خوشامدانہ" تھا۔
یاد رہے کہ طلحہ انجم نے نیپال میں پرفارمنس کے دوران بھارتی پرچم نہ صرف لہرایا بلکہ اسے چوم کر کندھے پر بھی رکھا اور کہا کہ "آرٹ کی کوئی سرحد نہیں ہوتی"۔
اس واقعے کی ویڈیوز سوشل میڈیا پر وائرل ہیں اور گلوکار کو مسلسل شدید ردعمل کا سامنا ہے۔
View this post on Instagram.
ذریعہ: Express News
کلیدی لفظ: بھارتی پرچم کہا کہ
پڑھیں:
میرا نام کلیک بیٹ نہ بنائیں: نورا فتیحی کا ڈرگ سنڈیکیٹ سے منسوب الزامات پر شدید ردعمل
بالی ووڈ کی اداکارہ نورا فتیحی نے ڈرگ سنڈیکیٹ کی تحقیقات میں سخت ردِعمل دیتے ہوئے ان تمام خبروں کی تردید کردی اور میڈیا کو خبردار کیا ہے کہ میرا نام کلیک بیٹ کے طور پر استعمال نہ کیا جائے۔
ممبئی پولیس کی جانب سے انڈر ورلڈ ڈان داؤد ابراہیم سے مبینہ طور پر جڑے ڈرگ سنڈیکیٹ کی تحقیقات میں نام آنے کے دو روز بعد انسٹاگرام پر جاری اپنے سخت بیان میں ساکی ساکی کی فیم اداکارہ نے لکھا کہ میں پارٹیز میں نہیں جاتی، میں ہر وقت فلائٹس میں ہوتی ہوں، میں ورکوہولک ہوں، میری کوئی پرسنل لائف نہیں، میں ایسے لوگوں سے میل جول نہیں رکھتی۔
انہوں نے مزید کہا کہ میں فارغ وقت صرف دوستوں کے ساتھ گزارتی ہوں یا دبئی میں چِل کرتی ہوں، میں اپنے خوابوں اور اہداف کے لیے دن رات محنت کرتی ہوں، جو پڑھتے ہیں اس پر یقین نہ کریں۔
نورا فتیحی نے ماضی کے تنازعات کی طرف اشارہ کرتے ہوئے کہا کہ لگتا ہے میرا نام آسان ہدف ہے! مگر اس بار ایسا نہیں ہونے دوں گی، پہلے بھی آپ لوگوں نے جھوٹ سے میری ساکھ خراب کرنے کی کوشش کی تھی، مگر کامیاب نہیں ہوئے، میں نے خاموشی سے سب دیکھا کہ کیسے میری شہرت کو داغدار کرنے کی کوشش کی گئی۔
آخر میں انہوں نے متنبہ کیا کہ براہِ کرم میرا نام اور میری تصاویر ان معاملات میں استعمال نہ کریں جس کا مجھ سے کوئی تعلق نہیں، اس بار اس کی بھاری قیمت چکانی پڑے گی۔
گزشتہ روز ممبئی پولیس کی اینٹی نارکوٹکس سیل نے مطلوب ڈرگ ڈان سلیم ڈولا کے نیٹ ورک پر بڑی کارروائی کی تھی، جس کے بعد کئی بالی ووڈ اداکاروں، ماڈلز، ریکارڈنگ آرٹسٹوں اور داؤد ابراہیم کے قریبی رشتہ داروں کے نام سامنے آئے۔
رپورٹس کے مطابق سلیم ڈولا مبینہ طور پر میفیڈرون (M-Cat/Meow Meow/Ice) سپلائی کرتا تھا اور ملک و بیرونِ ملک ڈرگ پارٹیاں منعقد کراتا تھا۔
دستاویزات میں دعویٰ کیا گیا ہے کہ طاہر ڈولا نے پہلے بھی عالیہ پارکر، نورا فتیحی، شردھا کپور، سدھارتھ کپور، ذیشان صدیقی، اووری (Orhan)، عباس مستان اور لوکا سمیت دیگر افراد کے ساتھ ایسی پارٹیاں منعقد کیں۔
اس تمام معاملے کے بعد ممبئی کرائم برانچ مبینہ ڈرگ سنڈیکیٹ کے مالیاتی اور آپریشنل پہلوؤں کی چھان بین کر رہی ہے، توقع ہے کہ آنے والے دنوں میں تحقیقاتی ایجنسیاں ان مشہور شخصیات کو طلب کر کے ان کے بیانات ریکارڈ کریں گی، جس کے بعد مزید کارروائی کا امکان ہے۔
’قوم کے معماروں پر کوئی آنچ نہ آئے‘، فیلڈ مارشل نے کیڈٹ کالج وانا آپریشن پر لمحہ بہ لمحہ نظر رکھی