بھارت، ایم بی اے طالبہ کے قتل کا لرزہ خیز واقعہ، ملزم گرفتار
اشاعت کی تاریخ: 18th, February 2026 GMT
ریاست مدھیہ پردیش کے شہر اندور میں 24 سالہ ایم بی اے طالبہ کے مبینہ اغوا، زیادتی اور قتل کے واقعے نے سنسنی پھیلا دی ہے۔ پولیس کے مطابق مقتولہ کو اس کے کلاس فیلو اور مبینہ بوائے فرینڈ پیوش دھامنوتیا نے اپنے کرائے کے مکان پر بلا کر قتل کیا۔ ملزم کو بعد ازاں ممبئی سے گرفتار کر کے اندور منتقل کر دیا گیا ہے، جہاں وہ پولیس ریمانڈ پر ہے۔
یہ بھی پڑھیں:بھارت قتل عام پر مقدمات میں مطلوب حسینہ واجد کو بنگلہ دیش کے حوالے کرے، بی این پی
پولیس کے مطابق طالبہ 10 فروری کو گھر سے نکلی اور اہل خانہ کو بتایا کہ وہ ایک تقریب میں شرکت کے بعد رات تک واپس آ جائے گی، تاہم وہ گھر نہ لوٹ سکی۔ اسی رات اس کے موبائل فون سے ایک مشتبہ پیغام بھیجا گیا کہ وہ گھر واپس نہیں آئے گی، جس کے بعد فون بند ہو گیا۔ اگلے روز اس کے موبائل سے قابلِ اعتراض ویڈیوز کالج کے واٹس ایپ گروپ میں شیئر کی گئیں، جس پر کالج انتظامیہ نے اہل خانہ کو اطلاع دی۔
اہل خانہ کی جانب سے متعدد تھانوں سے رجوع کرنے کے بعد گمشدگی کا مقدمہ درج کیا گیا۔ 2 روز بعد ملزم کے کرائے کے مکان سے بدبو آنے کی شکایت پر پولیس نے دروازہ توڑا تو اندر سے طالبہ کی لاش برآمد ہوئی، جو شدید حد تک مسخ ہو چکی تھی۔ پولیس کے مطابق گردن پر رسی کے نشانات ملے، جس سے گلا گھونٹنے کا شبہ ظاہر کیا گیا۔
سی سی ٹی وی فوٹیج میں ملزم کو طالبہ کے ساتھ مکان میں داخل ہوتے اور چند گھنٹوں بعد اکیلے ایک بیگ کے ساتھ نکلتے دیکھا گیا۔ تفتیشی حکام کا کہنا ہے کہ ابتدائی شواہد کے مطابق ملزم نے مبینہ طور پر طالبہ کو جنسی تعلق پر مجبور کیا، مزاحمت پر اسے باندھا اور گلا گھونٹ دیا۔ بعد ازاں اس نے شواہد مٹانے کی کوشش کی اور فرار ہو گیا۔
یہ بھی پڑھیں:بھارتی فوج کے ہاتھوں فیلانی خاتون کا قتل، ڈھاکا میں احتجاجی مارچ کا اعلان
پولیس کے مطابق ملزم اندور سے ممبئی پہنچا، مختلف مقامات پر قیام کیا اور مقتولہ کا موبائل فون تباہ کر دیا۔ مزید یہ کہ اس نے ایک ویران مقام پر جا کر مبینہ طور پر عجیب و غریب رسومات ادا کرنے کی بھی کوشش کی۔
ملزم، جس کا تعلق مدھیہ پردیش کے ضلع مندسور سے بتایا جاتا ہے، کو ممبئی پولیس کی مدد سے گرفتار کیا گیا۔ دورانِ تفتیش اس نے مختلف بیانات دیے اور دعویٰ کیا کہ دونوں کے درمیان تعلقات میں کشیدگی پیدا ہو گئی تھی، جس کے بعد جھگڑا شدت اختیار کر گیا۔
واقعے نے نہ صرف مقامی سطح پر بلکہ ملک بھر میں غم و غصے کی لہر دوڑا دی ہے، جبکہ متاثرہ خاندان نے پولیس کی ابتدائی کارروائی پر سوالات اٹھائے ہیں۔ پولیس کا کہنا ہے کہ تحقیقات جاری ہیں اور فرانزک رپورٹ کا انتظار کیا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اندور بھارت قتل گرینڈ فرینڈ قتل.
ذریعہ
ذریعہ: WE News
کلیدی لفظ: بھارت قتل گرینڈ فرینڈ قتل پولیس کے مطابق کے بعد
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا