شہباز شریف کی مسعود پیزشکیان سے ٹیلیفونک گفتگو، سفارتی کوششوں پر اظہار تشکر
اشاعت کی تاریخ: 17th, May 2025 GMT
ایرانی صدر سے ایک ٹیلیفونک گفتگو میں وزیراعظم نے جنوبی ایشیا میں کشیدگی کو کم کرنے کے لیے ایران کی مخلصانہ اور برادرانہ سفارتی کوششوں پر ان کا شکریہ ادا کیا۔ وزیراعظم نے بالخصوص ایرانی صدر کے گزشتہ ماہ وزیراعظم سے ٹیلی فونک رابطے اور بحران کے دوران وزیر خارجہ کو خطے میں بھیجنے پر شکریہ ادا کیا۔ اسلام ٹائمز۔ وزیراعظم محمد شہباز شریف کی اسلامی جمہوریہ ایران کے صدر مسعود پیزشکیان سے ٹیلی فون پر گفتگو ہوئی۔ وزیراعظم شہباز شریف نے سپریم لیڈر آیت اللہ خامنہ ای کیلئے نیک خواہشات کا اظہار کیا، جنوبی ایشیا میں کشیدگی کو کم کرنے کے لیے ایران کی مخلصانہ اور برادرانہ سفارتی کوششوں پر صدر پیزشکیان کا شکریہ ادا کیا۔ شہباز شریف نے بالخصوص ایرانی صدر کے گزشتہ ماہ وزیراعظم سے ٹیلی فونک رابطے اور بحران کے دوران وزیر خارجہ عباس عراقچی کو خطے میں بھیجنے پر شکریہ ادا کیا۔
انہوں نے کہا کہ پاکستان کے خلاف ہندوستان کے بلا اشتعال حملوں کی شدید مذمت کرتے ہوئے جس میں خواتین اور بچوں سمیت معصوم شہریوں کی شہادت ہوئی، پاکستان کی بہادر مسلح افواج نے دشمن کو ذمہ دارانہ اور منہ توڑ جواب دیا ہے۔ وزیراعظم نے کہا کہ پاکستان ہمیشہ امن کا خواہاں ہے اور اسی جذبے کے تحت اس نے بھارت کے ساتھ جنگ بندی مفاہمت پر اتفاق کیا۔
ذریعہ: Islam Times
کلیدی لفظ: شکریہ ادا کیا شہباز شریف
پڑھیں:
پاکستان اسٹاک ایکسچینج 100 انڈیکس نے نئی بلند ترین سطح عبور کر لی، وزیراعظم شہباز شریف کا اظہارِ اطمینان
اسلام آباد(نیوز ڈیسک) وزیراعظم محمد شہباز شریف نے نئے مالی سال کے پہلے دن پاکستان اسٹاک ایکسچینج 100 انڈیکس کے پہلی بار 127,000 پوائنٹس کی بلند ترین سطح عبور کرنے پر اطمینان کا اظہار کیا ہے۔
وزیراعظم نے اپنے بیان میں کہا کہ نیا مالی سال ایک خوشخبری اور معاشی میدان میں اہم پیشرفت سے شروع ہوا ہے، جو نہایت خوش آئند ہے۔
انہوں نے کہا کہ اسٹاک مارکیٹ کا اپنی بلند ترین سطح تک پہنچنا اس بات کا ثبوت ہے کہ ملکی معیشت اور حکومت کی اقتصادی پالیسیوں پر کاروباری برادری اور سرمایہ کاروں کا اعتماد مسلسل بڑھ رہا ہے۔
وزیراعظم شہباز شریف کے مطابق پچھلے مالی سال کے دوران حکومت کی بہترین معاشی حکمت عملی کے باعث معیشت نے بتدریج ریکوری کا مظاہرہ کیا۔
انہوں نے کہا کہ نیا مالی سال ملکی معیشت کی بحالی اور ترقی کی راہ میں ایک اہم سنگ میل ثابت ہوگا۔
وزیراعظم نے کاروباری طبقے اور سرمایہ کاروں کا شکریہ ادا کرتے ہوئے کہا کہ وہ ملکی ترقی اور خوشحالی میں حکومت کا بھرپور ساتھ دے رہے ہیں۔
انہوں نے یقین دہانی کرائی کہ حکومت ملک میں سازگار کاروباری ماحول کے فروغ اور سرمایہ کاروں کو مزید سہولیات کی فراہمی کے لیے پرعزم ہے۔
آخر میں وزیراعظم نے اس کامیابی پر حکومت کی معاشی ٹیم کو خراجِ تحسین پیش کیا۔
Post Views: 4
سپریم کورٹ فیصلے کیخلاف اسمبلی،عوامی سطح پراحتجاج کریں گے( تحریک انصاف)