سیکڑوں فلسطینیوں کی شہادت کے بعد اسرائیل نے زمینی حملے شروع کردیے
اشاعت کی تاریخ: 18th, May 2025 GMT
غزہ:
اسرائیلی فوج نے غزہ میں بم باری سے ایک دن میں 100 سے زائد فلسطینیوں کو شہید کرنے کے بعد زمینی حملے شروع کردیے ہیں۔
غیرملکی خبرایجنسی رائٹرز کی رپورٹ کے مطابق اسرائیل فوج نے کہا کہ اس نے اتوار کو شمالی اور جنوبی غزہ کی طرف بدترین زمینی حملے شروع کردیے ہیں۔
اسرائیل کی فوج کی جانب سے وحشیانہ کارروائیوں کا اعلان ایک ایسے موقع پر سامنے آیا ہے جب قطر میں حماس کے ساتھ جنگ بندی کے لیے براہ راست مذاکرات کیے جا رہے ہیں تاہم اس میں کوئی پیش رفت نہیں ہوئی ہے۔
اسرائیلی وزیراعظم کے بینجمن نیتن یاہو کے دفتر نے بتایا کہ حماس کے ساتھ مذاکرات میں جنگ بندی اور قیدیوں کی واپسی بھی شامل تھی اور اس کے ساتھ حماس کی بے دخلی اور غزہ سے مسلح جدوجہد کے خاتمے کی صورت میں جنگ کے خاتمے کی تجویز بھی زیرغور تھی۔
رپورٹ کے مطابق نیتن یاہو کے دفتر کا بیان گزشتہ مؤقف پر مبنی تھا لیکن جب مذاکرات کے لیے اجلاس ہوا تو اسرائیل نے مؤقف میں کچھ لچک دکھائی تھی تاہم اسرائیلی عہدیدار نے بتایا کہ اب تک مذاکرات میں کوئی پیش رفت نہیں ہوئی ہے۔
دوسری جانب اسرائیل کی فوج نے ایک بیان میں کہا ہے کہ دوحہ میں جاری مذاکرات میں معاہدے میں تعاون کے لیے حملوں کو کم کرسکتے ہیں۔
بیان کے مطابق اسرائیلی فوج کے سربراہ ایال زمیر نے اپنی اہلکاروں کو بتایا کہ اگر مذاکرات کے دوران معاہدے کے لیے سیاسی رہنماؤں کو ضرورت پڑی تو فوج لچک کا مظاہرہ کرے گی۔
اسرائیلی فوج نے دعویٰ کیا کہ گزشتہ ہفتے کے دوران غزہ میں حماس کے 670 سے زائد مراکز کو نشانہ بنایا گیا جو آپریشن گیڈیونز شیروٹس کا حصہ تھا اور اب زمینی حملے شروع کیے گئے ہیں جس کا مقصد غزہ کے مختلف علاقوں کا کنٹرول حاصل کرنا ہے۔
ادھر غزہ کی وزارت صحت نے کہا کہ ایک ہفتے کے دوران 464 فلسطینی شہید ہوگئے ہیں اور ان میں سے 130 گزشتہ ایک روز کے دوران شہید کیے گئے ہیں۔
غزہ کی وزارت صحت کے ترجمان خلیل الدیقران نے بتایا کہ شہری رجسٹریشن ریکارڈ کے مطابق اسرائیل کی بم باری کے دوران پورے پورے خاندان صفحہ ہستی سے مٹ گئے ہیں۔
وزارت صحت کے اعداد وشمار کے مطابق اسرائیل کی وحشیانہ کارروائی میں اس جنگ میں اب تک 53 ہزار سے زائد فلسطینی شہید ہوگئے ہیں اور 23 لاکھ سے زائد بے گھر ہوچکے ہیں۔
اسرائیل نے وحشیانہ کارروائیوں کے ساتھ ساتھ غزہ کی پٹی کے لیے امدادی سامانا بشمول خوراک، ادویات اور ایندھن کی فراہمی بھی روک رکھی ہے۔
.
ذریعہ
ذریعہ: Express News
کلیدی لفظ: کے مطابق اسرائیل زمینی حملے شروع اسرائیل کی بتایا کہ کے دوران کے ساتھ کے لیے غزہ کی فوج نے
پڑھیں:
چینی سائنسدانوں کی اہم پیش رفت، نیند بڑھانے والا قدرتی مالیکیول دریافت
دنیا بھر میں لاکھوں افراد بے خوابی اور نیند کی مختلف خرابیوں کا شکار ہیں، تاہم چینی سائنسدانوں نے ایک ایسے قدرتی مالیکیول کی نشاندہی کی ہے جو دماغ میں نیند کی خواہش کو بڑھانے میں اہم کردار ادا کرتا ہے۔ ماہرین کے مطابق یہ دریافت مستقبل میں بے خوابی اور دیگر نیند کے مسائل کے لیے نئی، محفوظ اور مؤثر ادویات کی تیاری میں اہم سنگ میل ثابت ہو سکتی ہے۔
چینی اکیڈمی آف سائنسز اور دیگر تحقیقی اداروں کے سائنسدانوں کی یہ تحقیق معروف سائنسی جریدےنیچر نیورو سائنس (Nature Neuroscience) میں شائع ہوئی ہے۔ تحقیق کے مطابق ٹرپٹامین (Tryptamine یا TrpA) نامی قدرتی مالیکیول دماغ کو یہ اشارہ دیتا ہے کہ جسم کو آرام اور نیند کی ضرورت ہے۔
محققین کا کہنا ہے کہ مناسب نیند انسانی صحت کے لیے انتہائی ضروری ہے، کیونکہ اسی دوران دماغ یادداشت کو منظم کرتا، نئی معلومات محفوظ بناتا اور روزمرہ سرگرمیوں کے دوران جمع ہونے والے فاضل مادوں کو خارج کرتا ہے۔ اس کے باوجود دنیا بھر میں بے خوابی، ذہنی دباؤ، ڈپریشن، بے چینی اور جسمانی گھڑی (سرکیڈین ردھم) کی خرابی کے باعث لاکھوں افراد مناسب نیند سے محروم رہتے ہیں۔
تحقیق کے دوران سائنسدانوں نے رات کو متحرک رہنے والے چوہوں اور دن میں سرگرم رہنے والے سوروں پر تجربات کیے۔ خصوصی فلوروسینٹ سینسر کی مدد سے جانوروں کے دماغی مائع میں ٹرپٹامین کی مقدار مختلف اوقات میں ریکارڈ کی گئی۔
نتائج سے معلوم ہوا کہ جتنا زیادہ وقت جانور جاگتے رہے، ان کے دماغی مائع میں ٹرپٹامین کی مقدار بھی اتنی ہی بڑھتی گئی۔ اس سے ظاہر ہوا کہ یہ مالیکیول جسم میں بڑھنے والے سلیپ پریشر یعنی نیند کی قدرتی طلب کی عکاسی کرتا ہے۔
مزید تحقیق سے پتا چلا کہ جاگنے کے دوران متحرک مخصوص اعصابی خلیے ٹرپٹامین خارج کرتے ہیں، جو بعد ازاں GPR139 نامی ریسیپٹر سے جڑ کر دماغ کے اس حصے کو متحرک کرتا ہے جو نیند کو فروغ دینے میں اہم کردار ادا کرتا ہے۔
سائنسدانوں نے تجرباتی طور پر ایسے مرکبات بھی استعمال کیے جو GPR139 ریسیپٹر کو متحرک کرتے ہیں۔ نتائج کے مطابق ان مرکبات سے نہ صرف نیند کا دورانیہ بڑھا بلکہ اس کے معیار میں بھی نمایاں بہتری دیکھی گئی۔
ماہرین کا کہنا ہے کہ اگر مستقبل کی تحقیقات میں یہی حیاتیاتی نظام انسانوں میں بھی ثابت ہو جاتا ہے تو بے خوابی اور دیگر نیند کی خرابیوں کے علاج کے لیے ایسی نئی ادویات تیار کی جا سکیں گی جو موجودہ ادویات کے مقابلے میں زیادہ محفوظ، مؤثر اور کم مضر اثرات کی حامل ہوں گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی