انسداد اسمگلنگ کارروائیوں میں ڈھائی کروڑ سے زائد مالیت کی منشیات برآمد
اشاعت کی تاریخ: 20th, May 2025 GMT
راولپنڈی:
ملک بھر میں انسداد اسمگلنگ کارروائیوں کے دوران ڈھائی کروڑ سے زائد مالیت کی منشیات برآمد کرلی گئی۔
ترجمان اینٹی نارکوٹکس فورس کے مطابق تعلیمی اداروں کے اطراف اور ملک کے مختلف شہروں میں منشیات اسمگلنگ کے خلاف کریک ڈاؤن جاری ہے، اس دوران مختلف 8 کارروائیوں کے دوران ایک خاتون سمیت 9 ملزمان کو گرفتار کرکے 2 کروڑ 57 لاکھ روپے سے زائد مالیت کی77.
تعلیمی اداروں میں کارروائیاں
پشاور میں الفلاح مارکیٹ کے قریب کارروائی کے دوران ملزم کے قبضے سے 600 ایکسٹسی گولیاں برآمد کرلی گئیں۔ گرفتار ملزم نے تعلیمی اداروں کے طلبہ کو منشیات فروخت کرنے کا اعتراف کیا ہے۔
دیگر کارروائیاں
لاہور اپرمال اسکیم میں واقع کوریئر آفس میں آسٹریلیا بھیجے جانے والے 2 پارسلز میں موجود بیڈشیٹس اور تکیوں میں جذب شدہ 42 کلوگرام آئس برآمد کی گئی۔ اسی طرح باچا خان انٹرنیشنل ایئرپورٹ پشاور پر کراچی روانہ ہونے والے مسافر کے پیٹ سے 436 گرام وزنی آئس بھرے 72 کیپسولز برآمد ہوئے۔
اُدھر اسلام آباد موٹروے ٹول پلازہ کے قریب گاڑی کے خفیہ خانوں سے 500 گرام چرس اور 3.6 کلوگرام آئس برآمد کرکے خاتون سمیت 3 ملزمان کو گرفتار کیا گیا جب کہ قاسم آباد، حیدرآباد کے قریب وڈھو واہ گیٹ پر بس میں سوار مسافر سے 16.8 کلوگرام چرس برآمد ہوئی۔
علاوہ ازیں لاہور فیروز والا مین جی ٹی روڈ پر موٹر سائیکل سوار 2 ملزمان کے قبضے سے 3.6 کلوگرام چرس برآمد کرلی گئی۔ سخی سرور روڈ، ٹونمی موڑ ڈیرہ غازی خان کے قریب ملزم کے قبضے سے 2 کلوگرام آئس برآمد ہوئی جب کہ کیچ کے غیرآباد علاقے مند روڈ کیچ کور میں اسمگلنگ کے لیے چھپائی گئی 8 کلوگرام ہیروئن برآمد کرلی گئی۔
تمام کارروائیوں میں گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔
ذریعہ
ذریعہ: Express News
کلیدی لفظ: برآمد کرلی گئی کے قریب
پڑھیں:
سکیورٹی فورسز کی مختلف کارروائیوں میں 17 دہشت گرد جہنم واصل
پاک فوج کے شعبہ تعلقات عامہ کے مطابق بلوچستان کے مختلف اضلاع میں کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا۔ اسلام ٹائمز۔ آئی ایس پی آر کے مطابق 24 مئی ٹرین حادثے کے بعد سکیورٹی فورسز نے بلوچستان کے مختلف اضلاع میں میں انٹیلی جنس پر مبنی آپریشنز کئے، آپریشن کا سلسلہ مستونگ، نوشکی، زہری، خضدار اور کیچ میں شروع کیا گیا۔ پاک فوج کے شعبہ تعلقات عامہ کے مطابق کارروائیوں کے دوران سکیورٹی فورسز نے دہشتگردوں کے ٹھکانوں کو مؤثر طریقے سے نشانہ بنایا، شدید فائرنگ کے تبادلے میں ہندوستانی پراکسی فتنہ الہندوستان سے تعلق رکھنے والے 17 دہشت گردوں کو ہلاک کر دیا گیا۔
آئی ایس پی آر کے مطابق ہلاک دہشت گردوں کے قبضے سے اسلحہ، گولہ بارود، دھماکہ خیز مواد اور دیسی ساختہ بم بھی برآمد ہوئے، ہلاک دہشت گرد علاقے میں دہشت گرد کی متعدد کارروائیوں میں ملوث تھے۔ پاک فوج کے شعبہ تعلقات عامہ کے مطابق علاقوں میں کلیئرنس آپریشنز جاری ہے، عزمِ استحکام کے تحت انسداد دہشتگردی مہم پوری قوت سے جاری رہے گی، ملک سے بیرونی سرپرستی میں ہونے والی دہشتگردی کا خاتمہ کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ