انسداد دہشتگردی عدالت نے 9 مئی کیس میں مدعی مقدمہ کو طلب کرلیا
اشاعت کی تاریخ: 20th, May 2025 GMT
کراچی:
انسداد دہشتگردی کی خصوصی عدالت نے سانحہ 9 مئی کے مقدمے میں آئندہ سماعت پر مدعی مقدمہ کو طلب کرلیا۔
سانحہ 9 مئی کے مقدمے کی سماعت انسداد دہشتگردی کی خصوصی عدالت کے روبرو ہوئی، جس میں پی ٹی آئی رہنما راجا اظہر، خرم شیر زمان، فردوس شمیم نقوی، عالمگیر خان اور دیگر پیش ہوئے۔
عدالت نے مدعی مقدمہ کی عدم حاضری پر اظہار برہمی کرتے ہوئے 11 جون کو طلب کرلیا۔
دورانِ سماعت پی ٹی آئی رہنما حلیم عادل شیخ اور فہیم خان نے حاضری سے استثنا کی درخواست دائر کردی۔ عدالت نے دونوں کی ایک روز کے لیے درخواست منظور کرلی۔
یاد رہے کہ سابق ایم پی اے عدیل احمد کو ایک عدالت نے اشتہاری قرار دے رکھا ہے۔ ملزمان کیخلاف 9مئی 2023 کو تھانہ ٹیپو سلطان کی حدود میں جلاؤ گھیراؤ اور سرکاری املاک کو نقصان پہنچانے کا مقدمہ درج کیا گیا تھا۔
.ذریعہ: Express News
کلیدی لفظ: عدالت نے
پڑھیں:
5 اکتوبر احتجاج؛ حماد اظہر سمیت دو پی ٹی آئی رہنما اشتہاری قرار
ویب ڈیسک : انسداد دہشت گردی عدالت 5 اکتوبر احتجاج کے معاملے پر حماد اظہر سمیت دو پی ٹی آئی رہنماوں کو اشتہاری قرار دے دیا۔
جج منظر علی گل نے کیس پر سماعت کی۔ پی ٹی آئی رہنما رانا شہباز اور حماد اظہر کو عدالت نے اشتہاری قرار دیا۔
پولیس نے عدالت میں رپورٹ جمع کروائی کہ ملزمان نے خود کو روپوش کر رکھا ہے، ملزمان کی گرفتاری کے لیے چھاپے مارے جا رہے ہیں۔
رپورٹ میں استدعا کی کہ عدالت ملزمان کو اشتہاری قرار دے۔
معمولی تلخ کلامی پر فائرنگ سے شہری کو زخمی کرنے والا ملزم گرفتار
پولیس رپورٹ کے بعد انسداد دہشت گردی عدالت نے دونوں پی ٹی آئی رہنماوں کو اشتہاری قرار دے دیا۔
Ansa Awais Content Writer
ٹرمپ کی نیویارک کے پہلے ممکنہ مسلمان مئیر ظہران ممدانی کو دھمکی