جنرل عاصم منیر کے فیلڈ مارشل بننے پر صدر مملکت اور وزیراعظم کی مبارک باد
اشاعت کی تاریخ: 20th, May 2025 GMT
صدر مملکت، وزیر اعظم، وزرائے اعلیٰ، گورنرز اور دیگر سیاسی و حکومتی شخصیات نے جنرل سید عاصم منیر کو دلی مبارک باد پیش کی ہے۔
صدر مملکت آصف علی زرداری اور وزیر اعظم نے عہدے میں ترقی پانے پر مبارک باد پیش کرتے ہوئے سید عاصم منیر کی خدمات کا ایک بار پھر اعتراف کیا ہے۔
وفاقی وزرا، چیئرمین جوائنٹ چیفس آف اسٹاف کمیٹی اور سروسز چیفس کی جانب سے جنرل سید عاصم منیر کو فیلڈ مارشل کے عہدے پر ترقی پانے پر مبارک باد دی ہے۔
وزیرِ اعظم محمد شہباز شریف نے چیف آف آرمی اسٹاف جنرل سید عاصم منیر کو فیلڈ مارشل کے عہدے پر ترقی ملنے پر دلی مبارکباد پیش کرتے ہوئے کہا کہ آرمی چیف نے معرکہ حق کے دوران آپریشن بنیان مرصوص میں اپنی قائدانہ اور پیشہ ورانہ صلاحیتوں سے دشمن کے ناپاک عزائم کو خاک میں ملایا۔
انہوں نے کہا کہ جنرل سید عاصم منیر کو اللہ تعالٰی نے بے مثال خوبیوں سے نوازا ہے، آپریشن بنیان مرصوص کی کامیابی میں ان کی دلیری، استقامت اور دانشمندی کا کلیدی کردار تھا۔
وزیراعظإ نے کہا کہ آرمی چیف کی دفاع وطن کیلئے گراں قدر خدمات اور آپریشن بنیان مرصوص کے ذریعے خطے میں طاقت کے توازن کو قائم کرنے کیلئے اقدامات پر انہیں فیلڈ مارشل کے عہدے پر ترقی دی گئی۔ معرکہ حق کے دوران آرمی چیف سے لے کر سرحدوں پر دشمن کی جارحیت کا منہ توڑ جواب دینے والے ہر سپاہی نے دفاع وطن کیلئے دلیری سے اپنی خدمات سر انجام دیں۔
انہوں نے کہا کہ مجھ سمیت پوری قوم کو آرمی چیف جنرل سید عاصم منیر اور انکی قیادت میں اپنی بہادر افواج کے غازیان و شہداء اور انکے اہل خانہ پر فخر ہے۔
ایاز صادق کی مبارک باد
اسپیکر قومی اسمبلی نے وفاقی کابینہ کے آرمی سید عاصم منیر کو فیلڈ مارشل کے عہدے پر ترقی دینے کا خیر مقدم کرتے ہوئے انہیں ترقی ملنے پر مبارک باد دی ہے۔
اسپیکر قومی اسمبلی کا فیلڈ مارشل جنرل سید عاصم منیر کیلئے نیک خواہشات کا اظہار کرتے ہوئے کہا کہ کابینہ کے اس فیصلے سے پاکستان کی افواج کا مورال مزید بلند ہو گا۔
انہوں نے کہا کہ جنرل سید عاصم منیر حققی معنوں میں فیلڈ مارشل کے عہدے کے مستحق تھے، جنرل سید عاصم منیر نے بنیان المرصوص آپریشن کے ذریعے دشمن کو شکست فاش سے دوچار کیا۔
انہوں نے کہا کہ فیلڈ مارشل جنرل سید عاصم منیر کی جرأت اور بہادری کے اعزاز میں انکی ترقی قابل ستائش ہے۔ اس کے علاوہ ایاز صادق نے معرکہ حق کے شہداء اور غازیوں کو اعلیٰ سول ایوارڈ دینے کا بھی خیر مقدم کیا۔
انہوں نے کہا کہ ہمارے شہداء اور غازی ہمارے حقیقی ہیروز ہیں، پوری قوم اپنے شہداء اور غازیوں کو سلام پیش کرتی ہے، پاکستان کی مسلح افواج نے آپریشن بنیان المرصوص میں اپنی پیشہ ورانہ صلاحیتوں کا لوہا منوایا ہے اور آج پوری دنیا پاکستان کی مسلح افواج کی پیشہ ورانہ صلاحیتوں کی معترف ہے۔
وزیرداخلہ محسن نقوی کا فیلڈ مارشل جنرل سید عاصم منیر کے لئے نیک تمناؤں کا اظہار
وزیرداخلہ نے فیلڈ مارشل بننے پر آرمی چیف جنرل سید عاصم منیر کو مبارک باد پیش کرتے ہوئے کہا کہ آپ نے محنت صلاحیتوں اور پیشہ وارانہ مہارت سے یہ مقام حاصل کیا ہے۔ معرکہ حق کی شاندار فتح کے بعد فیلڈ مارشل کے عہدے پر ترقی جنرل سید عاصم منیر کا حق تھا۔
جنرل سید عاصم منیر کی قیادت میں مسلح افواج نے دشمن کو عبرتناک سبق سیکھایا۔ قوم دشمن کے خلاف سیسہ پلائی دیوار بن کر مسلح افواج کے شانہ بشانہ کھڑی رہی اس کا کریڈٹ جنرل سید عاصم منیر کو جاتا ہے۔
انہوں نے کہا کہ جرأت، شجاعت، تدبر، حکمت اور دانش کا جو مظاہرہ جنرل سید عاصم منیر نے دکھایا اس کی تاریخ میں مثال نہیں ملتی۔
محسن نقوی نے کہا کہ یقین ہے کہ جنرل سید عاصم منیرکی قیادت میں پاک فوج نئی بلندیوں تک جائے گی، جنرل سید عاصم منیر کی قیادت میں مسلح افواج کی مزید کامیابیوں اور کامرانیوں کے لئے دعا گو ہوں۔
علاوہ ازیں چاروں صوبوں کے وزرائے اعلیٰ، گورنرز اور دیگر شخصیات نے بھی عہدے میں ترقی ملنے پر جنرل عاصم منیر کو مبارک باد پیش کی ہے۔
.ذریعہ: Express News
کلیدی لفظ: فیلڈ مارشل کے عہدے پر ترقی جنرل سید عاصم منیر کو سید عاصم منیر کی انہوں نے کہا کہ مبارک باد پیش آپریشن بنیان کی قیادت میں مسلح افواج کرتے ہوئے شہداء اور معرکہ حق آرمی چیف
پڑھیں:
کشمیر کی آزادی ناگزیر، بھارت میں مسلمانوں پر مظالم کا بازار گرم ہے: صدر مملکت
صدر مملکت آصف علی زرداری کا کہنا ہے گلگت بلتستان نے 1947 میں جہاد کر کے پاکستان کے ساتھ الحاق کیا، جبکہ مقبوضہ کشمیر کی آزادی وقت کی ضرورت ہے۔گلگت بلتستان کے ڈوگرہ راج سے آزادی کے جشن کی تقریب سے خطاب میں صدر آصف علی زرداری نے کہا کہ آپ کی بہادری کو تاریخ کبھی نہیں بھلا سکتی، 1947 میں آپ نے جہاد کرکے پاکستان میں الحاق کیا، 1947 کی جنگ میں آپ کے 1700 جوان شہید ہوئے۔ان کا کہنا تھا گلگت بلتستان کو تعلیم اور صحت کی سہولیات ملنی چاہئیں، یہاں ہر وادی میں اسکول ہونے چاہئیں، گلگت بلتستان معدنیات سے مالا مال ہیں، یہ پہاڑ آپ کا اور میرا سرمایہ ہیں، یہاں سیاحت کو فروغ مل سکتا ہے، گلگت بلتستان کو اپنی ایئرلائن بھی ملنی چاہیے۔صدر مملکت آصف علی زرداری کا کہنا تھا بھارت میں مسلمانوں کے ساتھ ظلم کا بازار گرم ہے، بھارت میں کشمیریوں کی نسل کشی انتہا کو پہنچ چکی ہے، مقبوضہ جموں و کشمیر کی آزادی وقت کی ضرورت ہے، مقبوضہ کشمیر طویل عرصے سے بھارت کے مظالم کا شکار ہے۔انہوں نے کہا کہ سی پیک پاکستان کی ترقی کا مظہر ہے، چین ہمارا دوست اور شراکت دار ملک ہے، سی پیک فیز ٹو کامیابی سے اپنے مراحل طے کررہا ہے۔صدر آصف علی زرداری کا کہنا تھا گلگت بلتستان کو دیگر صوبوں کی طرح ترقی یافتہ دیکھنا چاہتے ہیں، گلگت بلتستان ترقی کرے گا تو پاکستان ترقی کرے گا۔
پاکستان میں آئندہ حج سستا ہونے کا امکان