ملک کا دفاع قرضوں کی رقم سے کیا جا رہا ہے، شاہد خاقان عباسی
اشاعت کی تاریخ: 20th, May 2025 GMT
لاہور:
عوام پاکستان پارٹی کے رہنما اور سابق وزیر اعظم شاہد خاقان عباسی نے حکومت اور ملک کی بڑی سیاسی جماعتوں کی طرز حکمرانی پر تنقید کرتے ہوئے کہا ہے کہ پاکستان کی تینوں بڑی جماعتیں حکومت میں ہیں اور ملک کا کوئی پرسان حال نہیں ہے، حالات یہ ہیں کہ ملک کا دفاع قرضوں کی رقم سے کیا جا رہا ہے۔
لاہور میں عوام پاکستان پارٹی کے اجلاس سے خطاب کرتے ہوئے شاہد خاقان عباسی نے کہا کہ ہمارے ملک میں سیاست کا مقصد اقتدار کا حصول ہے، پاکستان کی تینوں بڑی جماعتیں حکومت میں ہیں مگر اس کے باوجود ملک کا کوئی پرسان حال نہیں دو کروڑ 70 لاکھ بچے اسکولوں سے باہر ہیں، پولیس سے نظام نہیں چل رہا ہے۔
انہوں نے کہا کہ ملک سے سفارش ختم ہو چکی ہے، اب صرف رشوت کا بازار گرم ہے، جس ملک کا وزیر اعظم اور وزیر اعلیٰ بادشاہت کی طرز پر حکومت کریں وہ ملک نہیں چل سکتا۔
شاہد خاقان عباسی نے کہا کہ سیاست کا مقصد ہونا چاہیے جو ملکی ضرورت ہے، بدقسمتی سے ہمارے ملک کے سیاست دان سیاست کا مقصد بھول گئے ہیں، ہم اپنی سیاسی سمت درست نہیں کرسکے ۔
انہوں نے کہا کہ پاکستان مسلم لیگ (ن) ووٹ کو عزت دو کا ںعرہ لے کر چلی لیکن بعد ازاں اقتدار کو عزت دو کا نعرہ اپنا لیا۔
سابق وزیراعظم نے کہا کہ ملک میں کیا ہونا ہے اس کی کوئی بات نہیں کرتا، سیاست کو نفرت میں بدل دیا گیا ہے، ایک دوسرے پر برتری کے لیے سیاست کی جا رہی ہے۔
انہوں نے کہا کہ پاکستان میں موجود جماعتوں کی کارکردگی عوام کے سامنے ہے، اسٹیبلشمنٹ جماعتیں بناتی ہیں مگر ہمارا اسٹیبلشمنٹ سے کوئی تعلق نہیں ہے۔
شاہد خاقان عباسی کا کہنا تھا کہ قومی احتساب بیورو (نیب) صرف سیاسی جوڑ توڑ کے لیے استعمال ہو رہا ہے جبکہ سیاست دانوں کی کرپشن بڑھتی جارہی ہے۔
انہوں نے کہا کہ جس ملک میں انصاف نہیں ہوگا وہاں ترقی ممکن نہیں، ملک میں سفارش ختم ہوگئی صرف پیسہ چلتا ہے۔
اس موقع پر سابق وفاقی وزیرخزانہ مفتاح اسماعیل نے کہا کہ پاکستان کے حالات بہت برے ہیں، شاہد خاقان عباسی بہادر آدمی ہیں شہباز شریف نہیں۔
سابق صوبائی وزیر ضعیم قادری نے پاکستان مسلم لیگ (ن) کو تنقید کا نشانہ بنایا اور کہا کہ یہ ملک کسی کے باپ کی جاگیر نہیں ہے، موجودہ سیاسی نظام میں طاقت نہیں کہ ملک کو أگے لے جا سکے، ایسے نظام کے خواہاں ہیں جہاں صرف اقتدار کا حصول ٹارگٹ نہ ہو۔
تقریب سے سابق وفاقی وزیر صحٹ ڈاکٹر ظفر محمود اور دیگر شرکا نے بھی خطاب کیا۔
.
ذریعہ
ذریعہ: Express News
کلیدی لفظ: شاہد خاقان عباسی انہوں نے کہا کہ کہ پاکستان ملک میں کہ ملک رہا ہے ملک کا
پڑھیں:
وزیرِ پیٹرولیم کی بین الاقوامی توانائی کمپنیوں کے نمائندوں سے ملاقات
(اویس کیانی) وفاقی وزیرِ پیٹرولیم علی پرویز ملک نے بین الاقوامی توانائی کمپنیوں کے نمائندوں سے الگ الگ ملاقاتیں کیں جس میں پاکستان کے توانائی اور کریٹیکل منرلز کے شعبوں میں سرمایہ کاری پر اتفاق کیاگیا۔
وزیرِ پیٹرولیم علی پرویز ملک نے امریکی توانائی کمپنی مورگن ہیوز انرجی کے صدر گریگوری بلوم اور تیجارہ کیپیٹل کے سی ای او احمد ولید سے ملاقات کی،مورگن ہیوز انرجی اور تیجارہ کیپیٹل بلوچستان میں معدنیات کے منصوبوں پر مشترکہ طور پر کام کر رہی ہیں۔
صدر مورگن ہیوز انرجی گریگوری بلوم نے اس موقع پر کہاکہ پاکستان کے تیل و گیس کی موجودہ فیلڈز کی پیداوار بڑھانے کے لیے سرمایہ کاری میں دلچسپی رکھتے ہیں جس پروفاقی وزیرعلی پرویز ملک نے کہاکہ مقامی توانائی پیداوار میں اضافے اور غیر ملکی سرمایہ کاری کے فروغ کے لیے حکومتی تعاون کی یقین دہانی کرواتے ہیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
وفاقی وزیر نے ویٹول ایشیا کے سی ای او کیرن گالاگر سے بھی ملاقات کی ،اس موقع پرعلی پرویز ملک نے گوادر میں ویٹول کی جانب سے بنکرنگ آپریشنز کے کامیاب آغاز پر مبارکباد دی اورکہاکہ ویٹول کے ہائی سلفر فیول آئل کو ویری لو سلفر فیول آئل میں تبدیل کرنے کے منصوبے کی مکمل حکومتی سپورٹ فراہم کریں گے۔
جاری کردہ اعلامیہ کے مطابق ملاقات میں پاکستان کی نئی بانڈڈ اسٹوریج پالیسی کے تحت دستیاب مواقع کا بھی جائزہ لیا گیا، اس موقع پر علی پرویز ملک نے کہاکہ حکومت ویٹول سمیت عالمی توانائی کمپنیوں کے ساتھ بانڈڈ اسٹوریج کے منصوبوں پر بات چیت کر رہی ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
Ansa Awais Content Writer
بھارت سے جنگ اور افغانستان میں کارروائی خارج ازامکان نہیں، وزیردفاع