شہید حسین امیر عبداللہیان ادب و اخلاق کا مظہر تھے، ایرانی وزیر خارجہ
اشاعت کی تاریخ: 21st, May 2025 GMT
سابق ایرانی وزیر خارجہ کو خراج تحسین پیش کرتے ہوئے سید عباس عراقچی کا کہنا تھا کہ انہوں نے وعدہ صادق 1 کے دوران جو سفارتی اقدامات کئے وہ واقعی یونیورسٹی میں پڑھائے جانے کے قابل ہیں۔ اسلام ٹائمز۔ گزشتہ سال ہیلی کاپٹر حادثے میں شہید ہونے والے سابق وزیر خارجہ "حسین امیر عبداللہیان" کی پہلی برسی اسلامی جمہوریہ ایران کے دفتر خارجہ میں منائی گئی۔ اس موقع پر وزیر خارجہ "سید عباس عراقچی" نے اظہار خیال کرتے ہوئے کہا کہ مجھے فخر ہے کہ میں ڈاکٹر صالحی کی مشاورتی کونسل میں ڈاکٹر حسین امیر عبداللہیان کے ساتھ تھا۔ وہ بہت اچھا وقت تھا۔ شہید حسین امیر عبداللہیان کسی بھی چیز سے پہلے ہمارے لئے ایک دوست، بھائی، معاون اور مہربان تھے۔ وزارت خارجہ میں سب لوگ انہیں اُن کے ادب و اخلاق سے جانتے تھے۔ اپنی وزارت کے دوران انہوں نے بہت کامیابیاں سمیٹیں۔ وہ اپنی شائستگی اور تواضع کی بدولت وزارت میں سب کے دلوں پر راج کرتے تھے۔ امیر عبداللهیان، امیرِ سفارت کاری تھے تاہم وہ اس سے بڑھ کر امیر اخلاص و ایمان تھے۔ خداوند متعال ہمیں ان کی راہ پر گامزن رہنے کی توفیق دے۔
سید عباس عراقچی نے کہا کہ میں اور شہید حسین امیر عبداللہیان یونیورسٹی میں تھے اور ایک دوسرے سے دو تین سال کے فاصلے سے وزارت خارجہ میں داخل ہوئے۔ وہ عرب دنیا اور میں بین الاقوامی میدان میں مشغول رہا۔ انہوں نے عرب دنیا میں بہت کام کیا۔ وہ عرب ڈیسک پر بہت تسلط رکھتے تھے۔ وہ ہمارے ان ساتھیوں میں سے تھے جنہوں نے مقاومتی میدان میں بہت خدمات سرانجام دیں اور انہیں اسی صفت کی وجہ سے جانا جاتا ہے۔ اس دوران ایرانی وزیر خارجہ نے آپریشن طوفان الاقصیٰ اور وعدہ صادق کے بارے میں کہا کہ میرے طلباء اس بات کی گواہی دے سکتے ہیں اور میں اُن کی زندگی میں بھی یہ کہہ چکا ہوں کہ انہوں نے وعدہ صادق 1 کے دوران جو سفارتی اقدامات کئے وہ واقعی یونیورسٹی میں پڑھائے جانے کے قابل ہیں۔ انہوں نے کہا کہ ہم ان شہداء کے وارث ہیں۔ ہم اپنی قوم کی عزت و وقار کے لئے کوئی کسر نہیں چھوڑیں گے۔
ذریعہ: Islam Times
پڑھیں:
محسن نقوی کی چودھری شجاعت حسین سے ملاقات، بہنوئی کے انتقال پر تعزیت
وفاقی وزیر داخلہ محسن نقوی نے مسلم لیگ (ق) کے سربراہ چودھری شجاعت حسین سے ان کی رہائشگاہ پر ملاقات کی۔
ملاقات کے موقع پر صوبائی وزیر چودھری شافع حسین بھی موجود تھے۔ وزیر داخلہ محسن نقوی نے چودھری شجاعت حسین سے ان کے بہنوئی جاوید چٹھہ کے انتقال پر گہرے دکھ اور افسوس کا اظہار کیا، مرحوم کی مغفرت اور بلندی درجات کے لیے فاتحہ خوانی بھی کی۔
یہ بھی پڑھیے: چوہدری شجاعت حسین مسلم لیگ ق کے بلامقابلہ صدر منتخب
اس موقع پر وزیر داخلہ نے ملک میں داخلی سیکیورٹی کے اقدامات سے متعلق بریفنگ دی۔
چودھری شجاعت حسین نے سیکیورٹی کی مجموعی صورتحال پر اطمینان کا اظہار کرتے ہوئے وزارتِ داخلہ کے انتظامات کو سراہا۔
ملاقات کے اختتام پر دونوں رہنماؤں نے شہدائے وطن کو شاندار الفاظ میں خراجِ عقیدت پیش کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چوہدری شجاعت محسن نقوی وزیر داخلہ
بھارتی ریفائنریز نے روسی تیل کی خریداری کے آرڈرز روک دیے