ہم فلسطین کی مدد جاری رکھیں گے، یمنی وزیر دفاع
اشاعت کی تاریخ: 22nd, May 2025 GMT
الجزیرہ سے اپنی ایک گفتگو میں محمد البخیتی کا کہنا تھا کہ غزہ کی حمایت میں جاری ہمارے حملوں کا مقصد، قابضین کے ساتھ مذاکرات میں حماس کے موقف کو تقویت پہنچانا ہے۔ اسلام ٹائمز۔ یمنی وزیر دفاع میجر جنرل "محمد العاطفی" نے کہا کہ ہم ساری دنیا کو بتا دینا چاہتے ہیں کہ اپنے مظلوم فلسطینی بھائیوں کی مدد سے پیچھے نہیں ہٹیں گے۔ انہوں نے ان خیالات کا اظہار شمالی و جنوبی یمن کے اتحاد کے دن کی سالانہ تقریب میں شرکت کے دوران کیا۔ اس دوران اُن کے ہمراہ یمنی مسلح افواج کے چیف، جنرل محمد الغماری بھی موجود تھے۔ اس موقع پر میجر جنرل محمد العاطفی نے کہا کہ ہم فلسطین کی مظلوم عوام کی مدد کرتے ہوئے کسی کو اجازت نہیں دیں گے کہ وہ یمن کی سالمیت و خودمختاری کو چیلنج کرے۔ اتحاد یمنی عوام کے ناقابل تسخیر ارادے کا ایک نمونہ ہے۔ ہم ایک بار پھر اپنے مذہب، مقدسات اور قومی سالمیت کے دفاع کے لئے تجدید عہد کرتے ہیں۔ میجر جنرل محمد العاطفی اور یمنی آرمی چیف نے اس امر کی وضاحت کی کہ یمن، ایمان کی طاقت سے متحد ہو چکا ہے اور تمام جابروں پر فتح یاب ہو چکا ہے۔ جس کے سبب یمن، ملک کی تقسیم کے منصوبے شکست دے سکتا ہے اور امت اسلامی کے لئے فتوحات کا نیا باب رقم کر سکتا ہے۔
قبل ازیں "انصار الله" کے پولیٹیکل بیورو "محمد البخیتی" نے کہا کہ غزہ کی پٹی پر صیہونی جارحیت جاری رہنے کی صورت میں یمن کی عسکری کارروائیوں میں بتدریج شدت آئے گی۔ انہوں نے ان خیالات کا اظہار الجزیرہ سے گفتگو میں کیا۔ اس موقع پر محمد البخیتی نے کہا کہ ہم اس وقت ایلات بندرگاہ کو بند کرنے اور بن گوریان ائیر پورٹ کا فضائی محاصرہ کرنے میں کامیاب ہو چکے ہیں۔ ہمارے پاس صیہونی رژیم کے خلاف اپنی کارروائیوں میں مزید شدت لانے کے متعدد منصوبے ہیں۔ انہوں نے کہا کہ غزہ کی حمایت میں جاری ہمارے حملوں کا مقصد، قابضین کے ساتھ مذاکرات میں حماس کے موقف کو تقویت پہنچانا ہے۔ ہم صیہونی رژیم کے کسی بھی فوجی ردعمل کا جواب دینے کے لئے تیار ہیں۔ دوسری جانب یمنی مسلح افواج نے اپنے ایک بیان میں اعلان کیا کہ ہم نے اپنی قیادت کے حکم اور خدا پر توکل کی بنیاد پر حیفا بندرگاہ کا بحری محاصرہ کرنے کے منصوبے کا آغاز کر دیا ہے۔
ذریعہ
ذریعہ: Islam Times
کلیدی لفظ: نے کہا کہ
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ