گاڑی اور موٹر سائیکل مالکان ہوشیار! 5 نئے سخت ترین ٹریفک قوانین نافذ
اشاعت کی تاریخ: 22nd, May 2025 GMT
ٹریفک پولیس نے بڑی تبدیلی کرتے ہوئے پانچ نئے سخت ترین قوانین نافذ کردیے گئے، جس کے تحت اب چالان کی بجائے براہ راست گرفتار کیا جائے گا۔
تفصیلات کے مطابق لاہور ٹریفک پولیس نے شہریوں کے لیے نئے سخت ترین قوانین نافذ کردیئے ، جس کے تحت ٹریفک خلاف ورزی پر اب چالان کی بجائے براہ راست گرفتار کیا جائے گا یا ایف آئی آر درج ہوگی۔
نابالغ ڈرائیورز کے خلاف نہ صرف کارروائی ہوگی بلکہ ان کے والدین کو بھی قانونی طور پر ذمہ دار ٹھہرایا جائے گا۔اگر کوئی نابالغ بچہ گاڑی چلاتے ہوئے پکڑا گیا تو والدین کو بھی سزا یا جرمانے کا سامنا کرنا پڑے گا۔اس کے علاوہ لاپرواہ ڈرائیونگ، تیز رفتاری، غیر ضروری اوورٹیکنگ اور خطرناک انداز میں ڈرائیونگ پرکوئی رعایت نہیں دی جائے گی۔
ٹریفک پولیس کے مطابق ہر خلاف ورزی کا ڈیجیٹل ریکارڈ محفوظ کیا جائے گا، جو مستقبل میں قانونی کارروائی یا ملازمتوں کے لیے رکاوٹ بن سکتا ہے اور اگر کسی شہری کے خلاف ٹریفک قوانین کی خلاف ورزی پر ایف آئی آر درج ہو گئی تو وہ آئندہ کسی بھی سرکاری ادارے یا پولیس میں ملازمت حاصل کرنے کے لیے نااہل قرار دیا جا سکتا ہے۔
ترجمان کا کہنا ہے کہ ان نئے قوانین کا مقصد نہ صرف ٹریفک کے نظام کو بہتر بنانا ہے بلکہ شہریوں میں احساسِ ذمہ داری پیدا کرنا بھی ہے، سب سے اہم خلاف ورزیوں میں ون وے کی خلاف ورزی شامل ہے، جس پر اب تک 536 افراد کو گرفتار کیا جا چکا ہے۔
.ذریعہ: Daily Ausaf
پڑھیں:
کم عمر ڈرائیور نے 3 موٹر سائیکلوں کو کچل دیا، ’کیا پیسے والوں کو سب گناہ معاف ہیں؟‘
پنجاب کے دارالحکومت لاہور میں کمسن کار ڈرائیور نے متعدد موٹر سائیکلوں کو ٹکر مار دی جس کی ویڈیو سوشل میڈیا پر وائرل ہو رہی ہے۔
وائرل ویڈیو میں دیکھا جا سکتا ہے کہ ارد گرد کھڑے شہری ڈرائیور کو گاڑی سے باہر نکالتے ہیں جس میں بچے کو واضح طور پر دیکھا جا سکتا ہے۔ مشتعل افراد کے پوچھنے پر بچے نے بتایا کہ ’ماموں نے کہا تھا جا کر گاڑی سیکھو‘۔ سوشل میڈیا صارفین ویڈیو دیکھ کر شدید غصے کا اظہار کر رہے ہیں۔
https://Twitter.com/Aadiiroy2/status/1942168071600300433
عاصمہ آفتاب نے لکھا کہ اس بچے کے والدین کو جیل میں ڈالیں جنہوں نے اسے یہ گاڑی لے جانے کی اجازت دی۔
Iske waleden ko dalen zindan khanay m who let hm to ths !!
— asma aftab01 (@asmazia07) July 7, 2025
ایک ایکس صارف نے لکھا کہ جب جرم کی سزا نہیں ملتی تو پھر یہی ہونا ہے۔
جب سزا ملتی ہی نہیں ہے پھر یہی ہونا ہے
— SkyIsLimit (@OopsGharKiBBC) July 7, 2025
توحید احمد کا کہنا تھا کہ یہ سب کچھ اِس لیے ہوتا ہے کیونکہ سرکار نظام پہ کام نہیں کرتی بلکہ وقتی طور پہ صرف تصاویر بنوائی جائیں گی اور پھر سے وہی سب کچھ چلتا رہے گا۔
یہ سب کچھ اِس لئیے ہوتا ہے کیونکہ سرکار نظام پہ کام نہیں کرتی بلکہ وقتی طور پہ صرف تصاویر بنوائی جائیں گی اور پھر سے وہی سب کچھ چلتا رہے گا۔
— Toheed Ahmed (@toheedahmed81) July 6, 2025
شکیل بشیر لکھتے ہیں کہ کیا پیسے والوں کو سب گناہ معاف ہیں؟
کیا پیسے والے کو سب گناہ معاف ہیں ؟؟؟
شاہدرہ ٹاؤن میں کمسن بچے نے متعدد افراد کو گاڑی تلے کچل دیا — واقعے کی سی سی ٹی وی فوٹیج منظر عام پر آ گئی۔
فوٹیج میں دل دہلا دینے والے مناظر ملاحظہ کیجیے pic.twitter.com/42FqGGZVzI
— Shakil Bashir (@ShakilSidhu1) July 7, 2025
ایک ایکس صارف کا کہنا تھا کہ مارنا تو اس بچے کے والد کو چاہیے تھا جس نے اسے گاڑی چلانے کی اجازت دی۔
مارنے تو اسکے باپ کو چاہئے جسنے اسکو گاڑی چلانے کی اجازت دی
— Abdul (@manixruls) July 7, 2025
ذرائع کے مطابق کار حادثے میں ایک نوجوان جاں بحق جبکہ پانچ افراد شدید زخمی ہوئے تھے۔ پولیس نے کم عمر ڈرائیور کو گرفتار کر کے اس کے خلاف مقدمہ درج کر لیا ہے۔ پولیس کے مطابق گاڑی چلانے والے بچے کی عمر 14 سال ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
لاہور ویڈیو وائرل
نئے مالی سال کا آغاز ، بجٹ پر عملدرآمد شروع، اربوں کے نئے ٹیکس نافذ