بی جے پی نفرت کی سیاست کرکے صرف ایک مذہب کو نشانہ بنارہی ہے، ابو عاصم اعظمی
اشاعت کی تاریخ: 24th, May 2025 GMT
سماجوادی پارٹی کے ریاستی صدر نے کہا کہ بی جے پی کانگریس پر انگلی اٹھاتی ہے، لیکن خود یہ نہیں بتاتی ہے کہ چین نے کتنی ہندوستانی زمین پر قبضہ کر لیا ہے۔ اسلام ٹائمز۔ سماجوادی پارٹی کے مہاراشٹر یونٹ کے صدر اور رکن اسمبلی ابو عاصم اعظمی نے مہاراشٹر کے وزیراعلٰی دیویندر فڑنویس سے ملاقات کی اور لاؤڈ اسپیکر سے متعلق ہو رہی سیاست پر تشویش کا اظہار کیا۔ انہوں نے کہا کہ بی جے پی نفرت کی سیاست کررہی ہے اور صرف ایک مذہب کو نشانہ بنایا جا رہا ہے۔ بی جے پی کے لیڈر کریٹ سومیا پر تنقید کرتے ہوئے ابو عاصم اعظمی نے کہا کہ کریٹ سومیا جیسے لیڈر اس موضوع پر منتخب الفاظ بول رہے ہیں، جبکہ سپریم کورٹ کا حکم واضح ہے۔ ابو عاصم اعظمی نے وزیراعلٰی دیویندر فڑنویس سے گزارش کی کہ وہ ایک اعلیٰ سطحی میٹنگ بلائیں۔ سماجوادی پارٹی کے رکن اسمبلی نے کہا "میں خود علماء کرام اور مسجد سے منسلک ذمہ دار لوگوں کو بلاکر ضوابط کے مطابق کارروائی کے لئے تیار ہوں۔
ابو عاصم اعظمی نے کہا کہ ہم نے یہ تجویز رکھی کہ ہر شہر میں پولیس، مسلم نمائندے اور مساجد کے ٹرسٹی کے ساتھ ایک مشاورتی میٹنگ منعقد کی جائے تاکہ اس نازک مسئلے پر پُرامن حل نکالا جاسکے اور اسے سیاسی مقاصد کے لئے استعمال کرنے والوں پر لگام لگائی جاسکے۔ وزیراعلٰی کے ساتھ میٹںگ میں عیدالاضحیٰ اور قربانی سے متعلق معاملات پر بھی تبادلہ خیال کیا گیا، جس میں یہ درخواست پیش کی گئی ہے کہ عید الاضحیٰ پر مسلمانوں اپنے مذہبی فرائض کو احترام کے ساتھ ادا کرسکے۔
ابو عاصم اعظمی نے اس کے علاوہ بھارتی وزیر خارجہ ایس جے شنکر کے بیان پر سخت ردعمل دیا۔ انہوں نے کہا کہ ایس جے شنکر کے بھارت نیوکلیئر بلیک میل کے آگے نہیں جھکے گا، تو پھر امریکہ کے کہنے پر سیز فائر کیوں کروا دیا۔ ابو عاصم اعظمی نے طنز کرتے ہوئے کہا کہ بی جے پی کانگریس پر انگلی اٹھاتی ہے، لیکن خود یہ نہیں بتاتی ہے کہ چین نے کتنی ہندوستانی زمین پر قبضہ کر لیا ہے، انہیں یہ بتانا چاہیئے کہ اس پر حکومت کیا اقدامات کر رہی ہے۔
ذریعہ: Islam Times
پڑھیں:
یوکرین کا روسی آئل پورٹ پر ڈرون حملہ، غیرملکی جہازوں کو نقصان
ماسکو:(ویب ڈیسک)یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔
بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔
رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
استنبول مذاکراتی عمل دوبارہ شروع ہونے کے اعلان نے عالمی میڈیا میں دوبارہ توجہ حاصل کرلی