شادی میں بلایا گیا ڈانسر گروپ دولہے کو اغوا کر کے فرار،مہمانوں کو تشدد کا نشانہ بناڈالا
اشاعت کی تاریخ: 26th, May 2025 GMT
بہار(اوصاف نیوز)بھارتی ریاست بہار کے علاقے گوپال گنج میں شادی کی تقریب میں اُس وقت افراتفری مچ گئی جب دولہے کو ڈانسر گروپ اغوا کر کے فرار ہوگیا۔
انڈین میڈیا کے مطابق واقعہ جمعے کی رات دیگھوا ڈوبولی گاؤں میں روایتی پرفارمنس کے دوران پیش آیا، پرفارمنس ختم کرنے پر تنازع کھڑا ہوگیا۔
دولہا سونو کمار شرما رسومات مکمل کرنے کے بعد دیگر سرگرمیوں میں مصروف تھا کہ اسی دوران مہمانوں نے اصرار کیا کہ ڈانسر اپنی پرفارمنس جاری رکھیں جبکہ گروپ مقررہ وقت پر رخصت ہونا چاہتا تھا۔
اس پر مہمانوں اور ڈانسر گروپ کے درمیان پہلے تلخ کلامی اور پھر ہاتھا پائی جس سے مسکان نامی رقاصہ زخمی ہوگئیں جنہیں اسپتال منتقل کیا گیا۔
واپسی پر مسکان اپنے گروپ کے لوگوں کے ساتھ شادی کی تقریب میں واپس آئیں اور جھگڑے کرنے والے مہمانوں کو تشدد کا نشانہ بنایا جبکہ دولہے کو زبردستی اپنے ساتھ لے گئی۔
پولیس نے معاملے کا علم ہونے پر دولہے کی تلاش شروع کردی اور تقریباً 9 گھنٹے بعد ضلع سیوان سے بازیاب کروالیا ۔ پولیس ڈانسر گروپ کی تلاش میں ہے تاہم اب تک کوئی گرفتاری عمل میں نہیں لائی گئی۔
گوپال گنج کے ایس پی اودھیش ڈکشٹ نے بتایا کہ دولہے کے اغوا کے بارے میں اطلاع ملنے پر پولیس نے فوری کارروائی کی اور اسے بازیاب کروایا۔
حیدرآباد میں 40 من وزنی بیل جے ایف 17 تھنڈر کے چرچے، 50 لاکھ میں فروخت
ذریعہ: Daily Ausaf
کلیدی لفظ: ڈانسر گروپ
پڑھیں:
بدین ،پسند کی شادی کرنے والا جوڑا تحفظ کیلیے پریس کلب پہنچ گیا
data-id="863a0a8" data-element_type="widget" data-widget_type="theme-post-content.default">
بدین (نمائندہ جسارت)ٹنڈو باگو کی رہائشی نوجوان لڑکی اور لڑکے کا پریس کلب پر احتجاج راضی خوشی شادی کے باوجود ہم کو حراساں کیا جا رہا ہے جوڑے کا تحفظ فراہم کرنے کا مطالبہ۔ تفصیلات کے مطابق ٹنڈو باگو کے گاؤں شاہ محمد لغاری کی رہائشی نوجوان لڑکی شازیہ لغاری اور بدین کے گاؤں صاحب خان چانڈیو کے رہائشی نوجوان عبدالجبار چانڈیو نے بدین پریس کلب میں پریس کانفرنس میں صحافیوں کو بتایا کہ انہوں نے اپنی مرضی اور خوشی سے شادی رچائی ہے اور شریعت محمدی کے مطابق نکاح کیا ہے ، شازیہ لغاری نے بتایا کہ اس کے سابق شوہر نے دوسری شادی کے بعد مجھے گھر سے نکال دیا جس کے بعد میں نے عبدالجبار چانڈیو سے اپنی مرضی سے نکاح کیا ہے اور میں اب عبدالجبار کے ساتھ خوش ہوں۔ شازیہ لغاری نے الزام عائد کیا کہ اب ہماری شادی کے مخالفین جن میں اسلم لغاری، نذیر لغاری، واحد، شاہ محمد، فاروق، امین لغاری اور دیگر شامل ہیں، یہ لوگ جھوٹے مقدمات درج کرانے کے ساتھ ساتھ ہمیں جان سے مارنے کی دھمکیاں دے رہے ہیں۔ اس واقعے پر نوجوان عبدالجبار چانڈیو نے کہا کہ میں نے شازیہ لغاری کے گھر والوں سے باقاعدہ رشتہ مانگا تھا، لیکن انہوں نے انکار کر دیا۔ اس کے بعد میں نے شازیہ کی رضامندی سے شریعت کے مطابق نکاح کرلیا۔ اب مخالفین ہم پر چڑھ دوڑے ہیں اور مسلسل ہمیں ہراساں کر رہے ہیں۔ عبدالجبار اور شازیہ نے آئی جی سندھ، ڈی آئی جی حیدرآباد، ایس ایس پی بدین اور دیگر اعلیٰ حکام سے مطالبہ کیا ہے کہ مخالفین کے خلاف فوری اور سخت کارروائی کی جائے اور انہیں مکمل تحفظ فراہم کیا جائے اور ہمیں اپنی مرضی اور آزادی سے زندگی گزارنے کا قانونی حق دیا جائے۔
’’ڈرامہ انڈسٹری خواتین کےلیے غیر محفوظ ہے‘‘، ریحام رفیق کا انکشاف