سعودی عرب کے ساتھ اپنے برادرانہ تعلقات جاری رکھیں گے، ایران
اشاعت کی تاریخ: 29th, May 2025 GMT
ایرانی نیوز ایجنسی سے اپنی ایک گفتگو میں سید عباس عراقچی کا کہنا تھا کہ میں نے تہران-ریاض تعلقات کے بارے میں ایک ٹویٹ بھی کیا تاکہ یہ واضح ہو سکے کہ ایران اور سعودی عرب کے تعلقات کے معاملے میں ہم پوری طرح سنجیدہ ہیں۔ اسلام ٹائمز۔ اسلامی جمہوریہ ایران کے وزیر خارجہ "سید عباس عراقچی" نے کہا کہ سعودی عرب کے ساتھ تعلقات کے معاملے میں کچھ مسائل پیش آئے جن پر سنجیدگی سے توجہ دی جا رہی ہے۔ انہوں نے ان خیالات کا اظہار ایران کے سرکاری خبررساں ادارے سے اس وقت کیا جب وہ گزشتہ روز سے ڈاکٹر "مسعود پزشکیان" کے ساتھ عمان کے دورے پر ہیں۔ اس موقع پر سید عباس عراقچی نے کہا کہ میں رہبر معظم کے دفتر اور حج و زیارت کے انتظامات کرنے والی وزارت کے ساتھ رابطے میں ہوں تاکہ ایرانی حجاج کی روانگی اور حج کے انتظامات میں کوئی خلل نہ آئے۔ گزشتہ روز سماجی رابطے کی سائٹ ایکس پر پوسٹ کئے گئے ایک ٹویٹ کی وضاحت پیش کرتے ہوئے انہوں نے کہا کہ میں نے تہران-ریاض تعلقات کے بارے میں ایک ٹویٹ بھی کیا تاکہ یہ واضح ہو سکے کہ ایران اور سعودی عرب کے تعلقات کے معاملے میں ہم پوری طرح سنجیدہ ہیں۔ ہمارے لئے پڑوسی ممالک کے ساتھ تعلقات کی پالیسی انتہائی اہم ہے اور سعودی عرب کا اس پالیسی میں بہت اہم مقام ہے۔
ہم اپنے بردارانہ تعلقات کو بڑھائیں گے اور کسی کو بھی یہ تعلقات خراب کرنے کی اجازت نہیں دیں گے۔ یاد رہے کہ سید عباس عراقچی نے منگل کے روز ایک ٹویٹ میں کہا کہ اسلامی جمهوریہ ایران واضح طور پر مسلمانوں کے اتحاد، بالخصوص حج کی روحانی فضاء کو نقصان پہنچانے کی کسی بھی کوشش کی مذمت کرتا ہے۔ ہم پُرعزم ہیں کہ کوئی عنصر ہمارے ہمسایوں سے تعلقات کے راستے میں آڑے نہ آئے۔ ہم کسی کو اجازت نہیں دیں گے کہ وہ سعودی عرب کے ساتھ ہمارے بڑھتے تعلقات کو نقصان پہنچائے۔ انہوں نے کہا کہ ایران اس سال حج کے انتظامات کو بہتر بنانے کے لئے کوشاں ہے۔ انہوں نے سعودی عرب کی حکومت و عوام کے لیے دعا اور نیک تمناؤں کا اظہار کیا جو بیت اللہ کے زائرین کی میزبانی کر رہے ہیں۔ دوسری جانب ایرانی وزارت خارجہ میں قونصلیٹ کے ڈائریکٹر جنرل "مجتبیٰ شصتی کریمی" نے مدینہ منورہ میں دو ایرانی شہریوں کی رہائی کی خبر دی۔ انہوں نے کہا کہ مدیہ منورہ میں حراست میں لئے گئے جناب قاسمیان اور جناب ندیمی رہا ہو گئے ہیں۔
ذریعہ
ذریعہ: Islam Times
کلیدی لفظ: سید عباس عراقچی سعودی عرب کے تعلقات کے نے کہا کہ ایک ٹویٹ کہ ایران انہوں نے کے ساتھ
پڑھیں:
اہم ٹیلیفونک رابطہ، پاکستان سعودی عرب کے ساتھ کھڑا، سہیل آفریدی پر الزام، مریم نواز اور بلاول کے ایک دوسرے پر تابڑ توڑ حملے
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بشریٰ بی بی بلاول بھٹو زرداری پاکستان سعودی عرب سہیل آفریدی مریم نواز
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار