خیبر پختونخوا میں طوفانی بارش، آسمانی بجلی گرنے کے باعث 4 افراد جاں بحق، متعدد زخمی
اشاعت کی تاریخ: 29th, May 2025 GMT
پشاور سمیت خیبرپختونخوا کے مختلف اضلاع میں سہ پہر کے بعد اچانک تیز اندھی اور طوفانی بارش شروع ہو گئی جس کے نتیجے میں مختلف حادثات میں 4 افراد جاں بحق اور 15 سے زائد افراد زخمی ہو گئے۔ صوبائی حکومت کے مطابق متاثرہ اضلاع میں ریسکیو آپریشن جاری ہیں۔
مردان میں طوفانی بارش سے حادثاتضلع مردان کے مختلف علاقوں بشمول کاٹلنگ قاسمی، اخون بابا، بخشالی، اسلام آباد کلے، تخت بھائی، منگاہ، رستم پیشکنڈو اور جبل مدرسہ میں طوفانی بارش کے باعث دیواریں، گیٹ اور کمرے کی چھتیں گرنے کے واقعات پیش آئے۔
یہ بھی پڑھیں: ملک کے مختلف علاقوں میں آندھی، ژالہ باری اور موسلادھار بارش کی پیشگوئی
ریسکیو 1122 کے مطابق دیوار گرنے کے مختلف واقعات میں زخمی ہونے والوں میں خواتین اور بچے بھی شامل ہیں جنہیں فوی ابتدائی طبی امداد فراہم کرتے ہوئے قریبی اسپتالوں میں منتقل کیا گیا جبکہ اسلام آباد کلے تخت بھائی میں چھت گرنے کے واقعے میں ماں اور بیٹی جاں بحق ہوئیں جب کہ ایک اور حادثے میں بچی شدید زخمی ہوئی۔
بخشالی چمڈھیری، منگاہ، رستم پیشکنڈو اور دیگر علاقوں میں بھی زخمیوں کو ایم ایم سی اور ٹی ایچ کیو اسپتالوں میں منتقل کیا گیا۔
ترجمان ریسکیو 1122 کے مطابق نے بتایا کہ ریسکیو ٹیمیں مسلسل الرٹ ہیں اور شہریوں کو بروقت امداد فراہم کر رہی ہیں۔ سڑکوں پر گرے درختوں کو ہٹانے کا عمل بھی جاری ہے تاکہ ٹریفک کی روانی بحال کی جا سکے۔
مہمند میں آسمانی بجلی گرنے کا واقعہضلع مہمند، تحصیل صافی کے علاقے خانقاہ ماربل درنگ میں آسمانی بجلی گرنے سے 2 افراد جاں بحق اور ایک زخمی ہو گیا۔
ریسکیو 1122 کنٹرول روم کو اطلاع ملتے ہی میڈیکل ٹیم کو موقع پر روانہ کیا گیا۔ جس نے زخمی شخص کو ابتدائی طبی امداد کے بعد تحصیل ہیڈکوارٹر اسپتال منتقل کیا، جبکہ جاں بحق افراد کی لاشوں کو ڈسٹرکٹ ہیڈکوارٹر ہسپتال غلنئی منتقل کیا گیا۔
مزید پڑھیے: خیبرپختونخوا: بیواؤں و یتیموں کے لیے سہارا و روشن مسقتبل کارڈز کا اجرا
ریسکیو 1122 نے شہریوں سے اپیل کی ہے کہ وہ طوفانی موسم میں غیر ضروری طور پر گھروں سے باہر نہ نکلیں، کمزور دیواروں اور درختوں سے دور رہیں اور کسی بھی ہنگامی صورتحال میں فوری طور پر 1122 پر رابطہ کریں۔
بارشوں اور تیز ہواؤں کی باعث پشاور سمیت مختلف اضلاع میں بجلی کی سپلائی متاثر ہوئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسمانی بجلی خیبر پختونخوا بارش خیبرپختونخوا.ذریعہ: WE News
کلیدی لفظ: ا سمانی بجلی خیبر پختونخوا بارش خیبرپختونخوا طوفانی بارش منتقل کیا ریسکیو 1122 کے مختلف گرنے کے کیا گیا
پڑھیں:
ایف آئی اے کی ملک بھر میں غیر قانونی کرنسی ایکسچینج کے خلاف مختلف کارروائیاں ، متعدد ملزمان گرفتار
اسلام آباد (اُردو پوائنٹ اخبارتازہ ترین - اے پی پی۔ 28 مئی2025ء) ایف آئی اے نے ملک بھر میں مختلف کارروائیوں کے دوران متعدد ملزمان کو گرفتار کر لیا۔ بدھ کو ایف آئی اے سے جاری بیان کے مطابق ڈی جی ایف آئی اے رفعت مختار کی ہدایت پر غیر قانونی کرنسی ایکسچینج میں ملوث ملزمان کے خلاف کریک ڈاؤن میں 2 ملزمان کو گرفتار کرکے کروڑوں روپے مالیت کی کرنسی اور گولڈ برآمد کر لیا۔ ایف آئی اے سٹیٹ بینک سرکل کراچی کی ٹیم نے فاطمہ ہسپتال، سولجر کراچی کے قریب چھاپہ مار کارروائی کی۔ گرفتار ملزمان کی شناخت سید محمد رضا اور حسنین کے نام سے ہوئی۔ چھاپے کے دوران ملزمان سے 50600 امریکی ڈالر ،1500 یورو،ایک لاکھ روپے ، 10 تولہ سونے کے سکے اور 3 عدد موبائل فونز برآمد کر لئے گئے۔(جاری ہے)
ملزمان کے موبائل فون سے غیر ملکی کرنسی کے تبادلے سے متعلق ڈیجیٹل ثبوت بھی برآمد کر لئے گئے ۔
ملزمان بغیر لائسنس کرنسی ایکسچینج کا کاروبار کر رہے تھے۔ملزمان برآمد ہونے والی کرنسی کے حوالے سے حکام کو مطمئن نہ کرسکے۔ملزمان کو گرفتار کر کے تفتیش کا آغاز کر دیا گیا ہے ۔ملزمان کے دیگر ساتھیوں کے خلاف چھاپہ مار کارروائیاں جاری ہیں ۔ازیں ڈی جی ایف آئی اے رفعت مختار کی ہدایت پر غیر قانونی کرنسی ایکسچینج میں ملوث ملزمان کے خلاف کریک ڈاؤن کرتے ہوئے چھاپہ مار کارروائی میں نجی بینک کے منیجر سمیت 2 ملزمان گرفتار کر لئے گئے۔ گرفتار ملزمان میں ذیشان عباس اور عبدالکریم شامل ہیں۔ ملزم ذیشان عباس نجی بینک میں بطور ریلیشن شپ منیجر تعینات ہے۔چھاپہ مار کارروائی نجی بینک کی خیابان شہباز برانچ واقع ڈی ایچ اے میں کی گئی۔چھاپے کے دوران ملزمان سے 9000 امریکی ڈالر برآمد ہوئے ۔ دریں اثناء ایف آئی اے امیگریشن نے ملتان ایئرپورٹ پر کارروائی کے دوران جعلی اقامہ پر بیرون ملک جانے کی کوشش کرنے والا مسافر آف لوڈ کر دیا۔ آف لوڈ ہونے والے مسافر کی شناخت محمد مزمل کے نام سے ہوئی ۔ مسافر فلائٹ نمبر PA812 کے ذریعے شارجہ جا رہا تھا ۔مزید برآں ایف آئی اے امیگریشن نے سیالکوٹ ایئرپورٹ پر بڑی کارروائی کرتے ہوئے سٹاپ لسٹ میں شامل مسافر کی بیرون ملک جانے کی کوشش ناکام بنا دی۔ مسافر نے پرواز G9-553 کے ذریعے عرب امارات جانے کی کوشش کی۔ مسافر کی شناخت واصف علی کے نام سے ہوئی جو گجرات کا رہائشی ہے ۔
ریاض میں CFO لیڈرشپ سمٹ 2025 کا کامیاب انعقاد