لندن کا مشہور ’گریگز ساسیج رول‘ مادام تساؤ میوزیم تک کیسے پہنچا؟
اشاعت کی تاریخ: 30th, May 2025 GMT
لندن کے مشہور مومی مجسموں کے عجائب گھر، مادام تساؤ نے برطانیہ کے مقبول ترین اسنیک ’گریگز ساسیج رول‘ کا مومی مجسمہ تیار کر کے اسے اپنی ’کلچر کیپیٹل‘ نمائش میں شامل کر لیا ہے۔
Greggs sausage roll, a much-loved British snack, has been immortalized with its own figure at Madame Tussauds wax museum in London pic.
— Reuters (@Reuters) May 29, 2025
یہ پہلا موقع ہے کہ کسی خوردنی شے کو اس عجائب گھر میں اس قدر اعزاز بخشا گیا ہے۔
مومی مجسمہ نیلے مخملی کشن پر رکھا گیا ہے، جس کے ساتھ ایک یادگاری تختی بھی نصب ہے۔ یہ اقدام نیشنل ساسیج رول ڈے (5 جون) کی مناسبت سے کیا گیا ہے اور یہ مجسمہ جون کے آخر تک نمائش کے لیے پیش کیا جائے گا۔
گریگز کے سی ای او، روسین کیوری، نے اس موقع کو ’فخر اور قدرے غیر حقیقی‘ قرار دیا۔
یاد رہے کہ گریگز رول روزانہ ایک ملین ساسیج رولز فروخت کرتا ہے، اور 2024 میں کمپنی نے 200 ملین پونڈز سے زائد کا منافع حاصل کیا تھا۔
مادام تساؤ کی اسٹوڈیو مینیجر، جو کِنسی، کے مطابق ’گریگز ساسیج رول برطانوی ثقافت کی علامت بن چکا ہے، اور ہم نے اس کی ہر تفصیل کو مومی مجسمے میں پیش کرنے کے لیے بھرپور محنت کی ہے‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گریگز ساسیج رول لندن مادام تساؤ میوزیمذریعہ: WE News
کلیدی لفظ: گریگز ساسیج رول مادام تساؤ میوزیم گریگز ساسیج رول
پڑھیں:
خاتون نے الیکٹرک ٹوتھ برش کی مدد سے دھوکے باز شوہر کو کیسے پکڑا؟
برطانیہ کی ایک خاتون نے اپنے الیکٹرک ٹوتھ برش کمپینین ایپ پر ڈیٹا چیک کرنے کے بعد اپنے شوہر پر دھوکہ دہی کا شک کرنا شروع کر دیا اور دیکھا کہ وہ دن کے مختلف اوقات میں برش کرتا ہے۔
یہ بھی پڑھیں: گھرمیں بحری جہاز گھس آیا لیکن مالک بے خبر سوتا رہا
اس بات کا انکشاف ایک دہائی سے زیادہ کا تجربہ رکھنے والے برطانوی نجی تفتیش کار پال جونز نے حال ہی میں اپنے ایک انتہائی غیر معمولی کیس کا ذکر کیا۔
کسی دھوکے باز ساتھی کو پکڑنا تو ویسے مشکل ہوتا ہی ہے لیکن ٹوتھ برش کے ذریعے ایسا کرپانا بہت ہی مشکل ترین امر ہے۔
پال جونز کے کلائنٹس میں سے ایک، 2 بچوں کی شادی شدہ ماں اسمارٹ فون ایپ کے ذریعے اپنے بچوں کے برش کرنے کی عادات کو بہتر بنانے کی کوشش کر رہی تھیں جنہوں نے دیکھا کہ برش دن کے عجیب و غریب اوقات میں استعمال کیا جا رہا تھا جو ان کے بچوں کے اسکول اور شوہر کے کام کا وقت ہوتا ہے۔
اس بات کو یقینی بنانے کے بعد کہ ان کے بچے واقعی اسکول میں ہیں انہوں نے اپنے شوہرسے پوچھ گچھ کی جس کا دعویٰ تھا کہ وہ سارا دن اپنے کام پر ہوتا ہے۔
مزید پڑھیے: چیونٹیوں کی اسمگلنگ میں اضافہ، اس کے نقصانات کیا ہیں؟
وقت گزرنے کے ساتھ خاتون نے دیکھا کہ ان کے شوہر کی برش کی ہسٹری عجیب و غریب اوقات میں لاگ ان ہو رہی ہے۔ ایسے وقت جب وہ کام پر ہوتا تھا۔
جونز نے کہا کہ خاتون نے پیٹرن چیک کرنا شروع کیا تو پتا چلا کہ الیکٹرک برش جمعے کی صبح استعمال کیا جا رہا تھا حالاں کہ اس وقت ان کے شوہر کو کام پر ہونا چاہیے تھا۔ حقیقت میں خاتون کا شوہر جمعے کی صبح کام پر کافی عرصے سے جا ہی نہیں رہا تھا اور اس کا خاندان میں ایک خاتون کے ساتھ افیئر چل رہا تھا۔
جونز نے بتایا کہ جب کوئی آلہ کہتا ہے کہ کسی نے صبح 10:48 بجے اپنے دانت صاف کیے ہیں جب کہ انہیں صبح 9 بجے کام شروع کرنا تھا تو پھر معاملہ مشکوک تو ہوہی جاتا ہے۔
مزید پڑھیں: وہ کون سا شہر ہے جہاں اونچی ہیل پہننے کے لیے پرمٹ لینا پڑتا ہے؟
جونز نے کہا کہ دھوکے باز افراد خواہ وہ کتنے ہی چالاک اور محتاط کیوں نہ ہوں وائس اسسٹنٹس اور ٹوتھ برش جیسے اسمارٹ آلات کا ڈیٹا انہیں پکڑوا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکٹرک ٹوتھ برش دھوکے باز شوہر
سریاب ریڈرز کلب: فوڈ ڈلیوری ممکن، تو کتاب گھر گھر کیوں نہ پہنچے