معمول سے زائد بارشوں اور سیلاب کا خطرہ ہے، محکمہ موسمیات
اشاعت کی تاریخ: 30th, May 2025 GMT
— فائل فوٹو
محکمہ موسمیات نے مون سون 2025ء کے لیے موسمی آؤٹ لک جاری کر دیا۔
محکمہ موسمیات کے مطابق ملک کے وسطی اور جنوبی حصوں میں معمول یا معمول سے کچھ زیادہ بارشوں کا امکان ہے، پنجاب کے شمال مشرقی علاقوں اور کشمیر میں بھی زائد بارشیں متوقع ہیں۔
محکمہ موسمیات نے بتایا کہ شمالی خیبر پختونخوا، گلگت بلتستان میں معمول کے مطابق یا معمول سے کچھ کم بارشوں کا امکان ہے۔
شہرِ قائد کراچی میں آئندہ 24 گھنٹوں کے دوران موسم شدید گرم رہنے کا امکان ہے لیکن تیز ہوائیں بھی چلتی رہیں گی۔
محکمہ موسمیات کے مطابق جولائی سے ستمبر تک ملک میں اوسط درجہ حرارت معمول سے زیادہ رہنے کا امکان ہے، کشمیر، گلگت بلتستان اور خیبرپختونخوا کے علاقوں میں درجہ حرارت میں اضافہ متوقع ہے۔
محکمہ موسمیات نے مزید بتایا کہ مون سون کے پہلے حصے میں شدید بارشوں کا امکان ہے، موسلادھار بارشیں بڑے دریاؤں میں سیلاب کا باعث بن سکتی ہیں۔
محکمہ موسمیات کے مطابق سندھ، پنجاب، آزاد کشمیر اور خیبرپختونخوا میں میدانی اور پہاڑی علاقوں میں سیلاب کا خدشہ ہے اس کے علاوہ درجہ حرارت میں تغیرات کی وجہ سے تیز ہوائیں، گرد آلود طوفان اور ژالہ باری بھی ممکن ہے۔
محکمہ موسمیات نے مزید بتایا کہ خیبرپختونخوا، گلگت بلتستان میں زیادہ درجہ حرارت سے برف پگھلنے کی رفتار بڑھ سکتی ہے۔
مردان میں موسلادھاربارش سےکمرے کی چھت گر گئی، ملبے تلے دب کر ماں بیٹی جاں بحق ہوگئیں۔
محکمہ موسمیات کے مطابق برف پگھلنے سے دریاؤں میں پانی کی سطح بلند ہو سکتی ہے، زیادہ بارشوں کے باعث آبپاشی اور توانائی کے شعبوں کے لیے وافر پانی دستیاب ہوگا، بارشیں آبی ذخائر اور زیرِ زمین پانی کے وسائل کی بحالی میں بھی مددگار ثابت ہوں گی۔
محکمہ موسمیات نے کہا کہ صوبائی و ضلعی سطح پر ایمرجنسی آپریشن سینٹرز کو فعال کیا جائے، مون سون کے دوران ریسکیو و امدادی ٹیموں کی تعیناتی، مقامی انتظامیہ کے ساتھ مل کر انخلاء اور بروقت پیشگی انتباہ کے لیے رابطہ ممکن بنایا جائے۔
محکمہ موسمیات نے ہدایت کی کہ شہری شدید بارشوں کے دوران غیر ضروری سفر سے گریز کریں۔
.ذریعہ: Jang News
کلیدی لفظ: محکمہ موسمیات کے مطابق محکمہ موسمیات نے کا امکان ہے معمول سے
پڑھیں:
جولائی تا ستمبر، معمول سے زیادہ مون سون بارشیں متوقع
محکمہ موسمیات کے مطابق بالائی علاقوں میں انتہائی سیلابی صورتحال پیدا ہو سکتی ہے، دریاؤں، ندی نالوں میں طغیانی کی صورتحال کا امکان ہے۔ رپورٹ کے مطابق موسلادھار بارشوں کی وجہ سے سندھ، پنجاب، آزاد جموں کشمیر، خیبر پختونخوا کے شہروں میں اربن فلڈنگ کا خدشہ ہے۔ اسلام ٹائمز۔ ڈی جی محکمہ موسمیات مہر صاحبزادہ نے جولائی سے ستمبر تک مون سون بارشوں کی پیشگوئی کرتے ہوئے کہا کہ ملک کے وسطی اور جنوبی علاقوں، شمال مشرقی پنجاب اور کشمیر میں معمول سے زیادہ بارشیں متوقع ہیں۔ ڈی جی محکمہ موسمیات مہر صاحبزاد نے مون سون پریس بریفنگ میں بتایا کہ شمالی علاقہ جات، خیبر پختونخوا اور گلگت بلتستان میں معمول سے کم بارشیں ہوں گی، جولائی سے ستمبر میں درجہ حرارت ملک بھر میں معمول سے زیادہ رہنے کی توقع ہے۔
محکمہ موسمیات کے مطابق بالائی علاقوں میں انتہائی سیلابی صورتحال پیدا ہو سکتی ہے، دریاؤں، ندی نالوں میں طغیانی کی صورتحال کا امکان ہے۔ رپورٹ کے مطابق موسلادھار بارشوں کی وجہ سے سندھ، پنجاب، آزاد جموں کشمیر، خیبر پختونخوا کے شہروں میں اربن فلڈنگ کا خدشہ ہے۔ ڈی جی محکمہ موسمیات کے مطابق صوبائی اور ضلعی سطحوں پر ایمرجنسی آپریشن سینٹرز کو فعال کرنے کی ضرورت ہے، مون سون کے دوران متاثرہ علاقوں میں ریسکیو ٹیموں کی تعیناتی کی ضرورت ہے۔ مہر صاحبزادہ نے کہا کہ بارشوں کے دوران لاہور، راولپنڈی، کراچی، گوجرانوالہ میں بھی اربن فلڈنگ کا خدشہ ہے۔
گلگت: لاپتہ ہونے والے 4 نوجوان سیاحوں کی گاڑی مل گئی