کراچی میں آج بھی شدید گرمی؛ درجہ حرارت 41 ڈگری تک پہنچنے کا امکان
اشاعت کی تاریخ: 30th, May 2025 GMT
کراچی:
شہر قائد میں آج بھی شدید گرمی برقرار ہے جب کہ درجہ حرار ت41 ڈگری سینٹی گریڈ تک پہنچنے کا امکان ہے۔
محکمہ موسمیات کے ارلی وارننگ سینٹر نے پیش گوئی کی ہے کہ آج بھی شہر میں موسم گرم اور خشک رہے گا، ساتھ ہی معمول سے تیز ہوائیں بھی چلنے کا امکان ہے۔
جمعہ کے روز کراچی میں زیادہ سے زیادہ درجہ حرارت 41 ڈگری سینٹی گریڈ تک پہنچ سکتا ہے، جو شہریوں کے لیے کافی حد تک پریشانی کا سبب بن سکتا ہے۔ ماہرین کا کہنا ہے کہ گرمی کی موجودہ لہر آئندہ چند روز تک برقرار رہنے کی توقع ہے۔
ہفتہ اور اتوار کو بھی درجہ حرارت میں معمولی کمی متوقع ہے، تاہم زیادہ سے زیادہ درجہ حرارت 39 ڈگری سینٹی گریڈ تک رہنے کا امکان ہے۔ ماہرین کا کہنا ہے کہ موسم کی اس صورت حال میں شہریوں کو محتاط رہنے اور دھوپ سے بچاؤ کی تدابیر اختیار کرنے کی ضرورت ہے۔
محکمہ موسمیات کا کہنا ہے کہ شہر میں سمندری ہواؤں کے ساتھ مغربی سمت سے بھی ہوائیں چلنے کی توقع ہے، جو موسم میں جزوی بہتری لا سکتی ہیں، تاہم فی الوقت گرمی کی شدت کم ہونے کے آثار کم ہیں۔
شہریوں کو ہدایت کی گئی ہے کہ وہ گرمی سے بچاؤ کے لیے مناسب اقدامات کریں، ہائیڈریشن کا خاص خیال رکھیں اور غیر ضروری طور پر دھوپ میں نکلنے سے گریز کریں۔
.ذریعہ: Express News
کلیدی لفظ: کا امکان
پڑھیں:
کراچی میں ٹریفک پولیس کی آگاہی مہم، یکم اکتوبر سے ای چالان کیے جائینگے
ٹریفک قوانین کی خلاف ورزی پر چالان جدید کیمروں کی مدد سے کیا جائے گا اور بغیر کسی مداخلت یا سفارش، ثبوت کے ساتھ شہریوں کے گھروں پر ارسال کیا جائے گا۔ اسلام ٹائمز۔ کراچی ٹریفک پولیس اور لوک سہائتہ کے اشتراک سے روڈ سیفٹی اور فیس لیس ای ٹکٹنگ کے حوالے سے ایک جامع آگاہی مہم کا آغاز کیا گیا ہے۔ ترجمان ٹریفک پولیس کے مطابق اس مہم کا مقصد شہریوں کو ٹریفک قوانین کی اہمیت اور ایک جدید، خودکار چالان نظام سے متعلق مکمل آگاہی فراہم کرنا ہے۔ یکم اکتوبر 2025ء سے فیس لیس ای چالان سسٹم باضابطہ طور پر فعال کیا جا رہا ہے، جس کے تحت ٹریفک قوانین کی خلاف ورزی پر چالان جدید کیمروں کی مدد سے کیا جائے گا اور بغیر کسی مداخلت یا سفارش، ثبوت کے ساتھ شہریوں کے گھروں پر ارسال کیا جائے گا۔ اس جدید نظام کے تحت شہر بھر میں نصب جدید سی سی ٹی وی کیمروں کے ذریعے ٹریفک قوانین کی خودکار نگرانی کی جائے گی، خلاف ورزی کی صورت میں تصویری یا ویڈیو ثبوت کے ساتھ چالان جاری ہوگا۔
شہریوں کو شفاف، منصفانہ اور مؤثر قانون نافذ کرنے کا ایک نیا تجربہ فراہم کیا جائے گا۔ آگاہی مہم کے دوران شہر کے مختلف اہم مقامات، بالخصوص ٹریفک سگنلز پر شہریوں میں آگاہی پمفلٹس تقسیم کیے جا رہے ہیں۔ رضاکار، لیڈی کانسٹیبلز اور تعلیمی اداروں کے طلباء ٹریفک پولیس کے ساتھ مل کر شہریوں کو آگاہ کر رہے ہیں، ٹریفک قوانین کی پابندی، روڈ سیفٹی اور نظام میں شفافیت کی اہمیت کو اجاگر کیا جا رہا ہے، یہ اقدام کراچی شہر کو زیادہ محفوظ، منظم اور قانون پسند بنانے کی جانب ایک انقلابی قدم ہے۔
نیپال میں ’جنریشن زی‘ سڑکوں پر کیوں نکلی؟