میہڑ: ٹیچر صدف حاصلو کا قتل، پولیس اہلکار سمیت 2 ملزمان گرفتار
اشاعت کی تاریخ: 30th, May 2025 GMT
—فائل فوٹو
سندھ کے ضلع دادو کی تحصیل میہڑ میں ٹیچر صدف حاصلو کے قتل کے الزام میں 2 ملزمان کو گرفتار کر لیا گیا۔
ایس ایس پی دادو نے بتایا ہے کہ گرفتار ملزمان میں 1 پولیس اہلکار اور دوسرا سہولت کار شامل ہے۔
انہوں نے بتایا کہ قمبر میں 3 ماہ قبل ملزم پولیس اہلکار نے شادی سے انکار پر اپنی منگیتر صدف حاصلو کو قتل کر دیا تھا۔
سندھ کے ضلع قمبر شہداد کوٹ کے گوٹھ راہوجہ کے قریب پولیس اہلکار نے فائرنگ کرکے لیڈی ٹیچر کو قتل کردیا تھا، خاتون ٹیچر کو شادی سے انکار پر اہلکار نے قتل کیا تھا، ملزم کی تلاش جاری ہے۔
ایس ایس پی دادو کا کہنا ہے کہ گرفتار دوسرے ملزم نے پولیس اہلکار کو اپنے گھر میں پناہ دے رکھی تھی۔
انہوں نے بتایا کہ ملزم کی گرفتاری کے لیے سندھ حکومت نے 25 لاکھ روپے کا انعام مقرر کیا تھا۔
ایس ایس پی کے مطابق ڈی آئی جی لاڑکانہ نے ملزم کی گرفتاری کے لیے تحقیقاتی کمیٹی بنائی تھی۔
انہوں نے یہ بھی بتایا ہے کہ گرفتار ملزمان کے خلاف مقدمات درج کر کے کارروائی شروع کر دی گئی ہے۔
.ذریعہ: Jang News
کلیدی لفظ: پولیس اہلکار
پڑھیں:
حسن علی کی والدہ سے پرس چھیننے والا ملزم گرفتار
لاہور:قومی کرکٹر حسن علی کی والدہ سے پرس چھیننے والے ملزم کو گوجرانوالہ پولیس نے 30 گھنٹوں کے اندر گرفتار کر لیا۔
تفصیلات کے مطابق تھانہ لدھیوالا وڑائچ کے علاقہ حسنین سٹی کےقریب گزشتہ روز نامعلوم موٹر سائیکل سوار شاپںگ کیلئے گھر سے نکلنے والی قومی کرکٹر حسن علی کی والدہ سے پرس چھین کر فرار ہوگیا تھا،پولیس نے حسن علی کے بھائی خرم کی مدعیت میں مقدمہ درج کرلیا تھا، پولیس نے 30 گھنٹے بعد ملزم کو لاہور سے گرفتار کرلیا ہے، پولیس کے مطابق ملزم کی شناخت ابراہیم عرف علی پٹھان کے نام سی ہوئی ہے، ملزم گوجرانوالہ میں اپنے رشتہ دار علی کے گھر مہمان آیا ہوا تھا جو کہ ورادات کے بعد اپنے گھر لاہور چلا گیا تھا،ملزم کے قبضے سے لوٹی ہوئی رقم 2 لاکھ 30 ہزار بھی برآمد کرلی گئی ہے۔
قومی کرکٹر حسن علی نے واقعے پر فوری کارروائی کرنے پر گوجرانوالہ پولیس، پنجاب پولیس اور حکومت پنجاب کا شکریہ ادا کیا۔ حسن علی نے خاص طور پر سی پی او گوجرانوالہ ایاز سلیم اور ان کی ٹیم کی تعریف کی جنہوں نے پیشہ ورانہ مہارت سے ملزم کو گرفتار کیا۔
حسن علی نے کہا کہ میں گوجرانوالہ پولیس، پنجاب پولیس اور حکومت پنجاب کا تہہ دل سے شکر گزار ہوں۔ سی پی او ایاز سلیم اور ان کی ٹیم نے جس تیزی اور جانفشانی سے کام کیا، وہ قابلِ ستائش ہے۔
اسلام آباد: کمسن بچوں کو جنسی ہراساں کرنے والا ملزم گرفتار، غیراخلاقی حرکتوں کی درجنوں ویڈیوز برآمد