پیٹرول کی چوری روکنے کے لیے بڑا اقدام
اشاعت کی تاریخ: 30th, May 2025 GMT
اسلام آباد:وفاقی وزیر پیٹرولیم علی پرویز ملک نے کہا ہے کہ پمپس پر پیٹرول ڈالنے والی نوزلز ڈیجیٹل کرنے کا منصوبہ بنایا ہے۔
وفاقی وزیرِ پیٹرولیم علی پرویز ملک نے سوئی سدرن میں گفتگو کرتے ہوئے بتایا ہے کہ وزارت پیٹرولیم نے پیٹرول پمپس پر چوری اور اسمگلنگ سدباب کے لیے بڑا فیصلہ کر لیا ہے۔
انہوں نے بتایا ہے فیول پمپس پر پیٹرول ڈالنے والی نوزلز ڈیجیٹل کرنے کا منصوبہ بنایا ہے۔
وفاقی وزیر پیٹرولیم نے کہا ہے کہ گھریلو گیس کنکشنز کیلئے وزیرِ اعظم سے درخواست کروں گا۔
انہوں نے مزید کہا ہے کہ مقامی گیس دستیاب نہیں، نئے گھریلو کنکشنز امپورٹڈ گیس پر ہوسکتے ہیں۔
علی پرویز ملک نے مزید بتایا ہے کہ بجلی گھر ایل این جی خریداری نہیں کر رہے، ایل این جی نہ خریدے جانے پر400 ایم ایم سی ایف ڈی مقامی گیس سپلائی روکنی پڑ رہی ہے۔
وفاقی وزیرِ پیٹرولیم نے کہا ہے کہ پی ڈی ایل بڑھائی گئی لیکن فی الحال پیٹرولیم قیمت پر اسکا اثر نہیں ہے۔
علی پرویز نے بتایا ہے کہ امریکا سے امپورٹ بڑھانے کے لیے کمیٹی بنادی گئی ہے۔
ذریعہ: Daily Mumtaz
کلیدی لفظ: وفاقی وزیر علی پرویز کہا ہے کہ بتایا ہے
پڑھیں:
پیٹرولیم مصنوعات کی قیمتوں سے متعلق بڑ ی خبر آ گئی
پیٹرولیم مصنوعات کی قیمتوں میں معمولی ردوبدل کا امکان ہے۔
ذرائع نے بتایا کہ آئندہ 15 دن کے لیے پیٹرول اور ڈیزل کی قیمتوں میں کمی جب کہ مٹی کے تیل اور لائٹ ڈیزل میں اضافہ متوقع ہے۔
دوسری جانب قیمتیں برقرار رکھنے کا بھی قوی امکان ہے۔ذرائع کا مزید بتانا ہے کہ پیٹرول کی قیمت میں 0.60 روپے فی لیٹر اور ہائی اسپیڈ ڈیزل کی قیمت میں 0.28 روپے فی لیٹر کمی کا امکان ہے۔
سب کو معلوم ہے بھارت پٹ چکا مگر باز نہیں آرہا، حافظ نعیم الرحمٰن