حکومت کی پالیسیوں پر عوام کا اعتماد بڑھ گیا، سروے
اشاعت کی تاریخ: 31st, May 2025 GMT
حکومتی پالیسیز پر پاکستانیوں کے اعتماد میں واضح اضافہ ہوگیا، ملکی سمت اور معیشت پر بھروسہ کرنے والے پاکستانیوں کی شرح 6 سال کی بلند ترین سطح پر آگئی۔
42 فیصدپاکستانیوں نے ملکی سمت کو درست کہا، جبکہ سمت کو غلط کہنے والوں کی شرح 21 فیصد کمی کے بعد 58 فیصد ہوگئی۔
اپسوس پاکستان نے نیا سروے جاری کردیا، ملکی سمت پر سب سے زیادہ اعتماد خیبرپختونخوا سے 48 فیصد افراد نے کیا۔
سروے میں ملکی معیشت کو مضبوط کہنےوالوں کی شرح بھی 9 فیصد اضافے کے بعد 29 فیصد ہوگئی، جبکہ ملکی معاشی مستقبل سے پُرامید پاکستانیوں کی شرح پہلی بار مایوس افراد سے بڑھ گئی۔
سروے میں مہنگائی، بیروزگاری اور غربت پر پریشانی کا اظہار کرنے والوں کی شرح میں کمی آئی، البتہ بجلی کی لوڈشیڈنگ اور ٹیکسوں میں اضافے پر پاکستانیوں کی تشویش میں اضافہ ہوا۔
.ذریعہ: Jang News
کلیدی لفظ: کی شرح
پڑھیں:
اورنگی ٹاؤن میں منی بس کی ٹکر سے دو سالہ بچی جاں بحق ہوگئی
کراچی:اورنگی ٹاؤن 10 نمبر منگل بازار کے قریب منی بس کی ٹکر سے دو سالہ بچی جاں بحق ہوگئیں۔
ریسکیو حکام نے بتایا کہ منی بس کی ٹکر سے جاں بحق ہونے والے بچی کی شناخت دو سالہ ایمان دختر مرتضیٰ کے نام سے کی گئی اور یہ حادثہ روٹ زیڈ ٹو کی منی بس کی ٹکر سے پیش آیا تھا جسے پولیس نے قبضے میں لے لیا۔
ریسکیو حکام کے مطابق بچی موٹر سائیکل پر اپنے چچا کے ہمراہ سوار تھی کہ موٹر سائیکل سلپ ہوگئی اور عقب سے آنے والی منی بس کی ٹکر سے بچی جاں بحق ہوگئیں۔
حکام کا کہنا تھا کہ بچی کے چچا معمولی زخمی ہوئے ہیں اور اس حوالے سے مزید تفتیش کی جا رہی ہے۔
غزہ میں اسرائیلی حملہ، خاتون فلسطینی ڈاکٹر کے 10 میں سے 9 بچے شہید