آج غزہ اور مقبوضہ کشمیر میں ایک جیسے مظالم ہو رہے ہیں، مقررین
اشاعت کی تاریخ: 9th, July 2025 GMT
ذرائع کے مطابق کل جماعتی حریت کانفرنس آزاد کشمیر اور کشمیر لبریشن سیل کے زیراہتمام سیمینار کشمیر ہائوس اسلام آباد میں منعقد کیا گیا۔ اسلام ٹائمز۔ اسلام آباد میں ایک سیمینار کے مقررین نے معروف نوجوان رہنما برہان مظفر وانی کو ان کے 9ویں یومِ شہادت پر شاندار خراجِ عقیدت پیش کیا ہے۔ ذرائع کے مطابق کل جماعتی حریت کانفرنس آزاد کشمیر اور کشمیر لبریشن سیل کے زیراہتمام سیمینار کشمیر ہائوس اسلام آباد میں منعقد کیا گیا۔ مقررین نے عالمی برادری پر زور دیا کہ وہ بھارتی مقبوضہ جموں و کشمیر میں انسانی حقوق کی سنگین خلاف ورزیاں بند کرائے اور اقوام متحدہ کی قراردادوں کے مطابق تنازعہ کشمیر کے پائیدار حل کیلئے بھارت پر دبائو بڑھائے۔ چیئرمین پارلیمانی کشمیر کمیٹی رانا قاسم نون نے جملہ شہداء کو خراجِ عقیدت پیش کیا۔ انہوں نے کہا کہ شہید برہان مظفر وانی نے اپنی جان کا نذرانہ پیش کر کے تحریک آزادی کو نئی جہت دی۔ انہوں نے کہا کہ نائن الیون کے بعد کشمیر جیسی حقیقی آزادی کی تحریکوں کو غلط طور پر دہشت گردی کا نام دیا گیا، جبکہ آج غزہ اور مقبوضہ کشمیر میں ایک جیسے مظالم ہو رہے ہیں۔انہوں نے کہا کہ مسئلہ کشمیر کے منصفانہ حل کے بغیر جنوبی ایشیا میں پائیدار امن کا قیام ممکن نہیں۔ انہوں نے کہا کہ حالیہ پاک بھارت جنگ کے بعد مسئلہ کشمیر ایک بار پھر عالمی سطح پر مرکزِ نگاہ بن گیا ہے۔ انہوں نے پہلگام واقعے کے بعد بھارت کی بلااشتعال جارحیت پر بھرپور جواب دینے پر پاکستان کی مسلح افواج کو سلام پیش کیا۔
سیمینار سے آزاد جموں و کشمیر کے سابق صدر و وزیراعظم حاجی محمد یعقوب، صدر مسلم لیگ نواز آزاد کشمیر شاہ غلام قادر، کشمیری حریت رہنمائوں محمد فاروق رحمانی، محمود احمد ساغر کے علاوہ نذیر قریشی، مزمل ایوب ٹھاکر، تقدیس گیلانی، نور الباری، خان افسر خان، مشعال ملک اور دیگر نے خطاب کیا۔ مقررین نے کہا کہ برہان وانی نے مظلوم کشمیریوں کی آواز کو بے خوفی سے پیش کیا اور نوجوانوں میں آزادی کے جذبے کو زندہ کر کے جرات اور مزاحمت کی علامت بن گئے۔ انہوں نے کشمیری نوجوانوں پر زور دیا کہ وہ تنازعہ کشمیر کو اجاگر کرنے، بھارتی مظالم کو بے نقاب کرنے اور کشمیری عوام کے ناقابلِ تنسیخ حقِ خودارادیت کی حمایت کیلئے سوشل میڈیا کا موثر استعمال کریں۔ انہوں نے عالمی برادری پر زور دیا کہ وہ علامتی بیانات سے آگے بڑھتے ہوئے تنازعہ کشمیر کے حل کیلئے بھارت پر دبائو ڈالے، مقبوضہ جموں و کشمیر میں انسانی حقوق کی سنگین خلاف ورزیاں بند کرائے اور اقوام متحدہ کی قراردادوں کے مطابق تنازعہ کشمیر کا حل ممکن بنائے۔
مقررین نے مزید کہا کہ 10مئی کو پاکستان نے بھارت کے آزاد کشمیر پر قبضے کے خواب کو خاک میں ملا دیا۔ آج بھارت کشمیر ہی نہیں، پاکستان کی طرف بھی آنکھ اٹھا کر نہیں دیکھ سکتا۔ آج امریکی صدر ڈونلڈ ٹرمپ تنازعہ کشمیر کے حل کیلئے ثالثی کی پیشکش کر رہے ہیں۔ انہوں نے کہا کہ بھارت نے سندھ طاس معاہدہ معطل کر کے خود جنگ کو دعوت دی ہے۔ تقریب کا اختتام شہداء کے مشن کو آگے بڑھانے اور جموں و کشمیر کی بھارتی تسلط سے مکمل آزادی تک جدوجہد جاری رکھنے کے عزم کی تجدید کے ساتھ ہوا۔
ذریعہ: Islam Times
کلیدی لفظ: انہوں نے کہا کہ کشمیر کے کے مطابق پیش کیا
پڑھیں:
بھارت مقبوضہ کشمیر میں اسرائیلی طرز کے قبضے کا ماڈل دہرا رہا ہے، آل پارٹیز حریت کانفرنس
آل پارٹیز حریت کانفرنس نے بھارتی فورسز کی جانب سے مقبوضہ جموں و کشمیر میں جاری ظلم و جبر پر گہری تشویش ظاہر کرتے ہوئے کہا ہے کہ بھارت مقبوضہ جموں و کشمیر میں اسرائیلی طرز کے قبضے کا ماڈل دہرا رہا ہے۔
یہ بھی پڑھیں: مقبوضہ کشمیر میں لاکھوں فوجیوں کی تعیناتی کے باوجود کشمیری بھارت کے خلاف برسرپیکار
آل پارٹیز حریت کانفرنس (اے پی ایچ سی) کے ترجمان ایڈووکیٹ عبدالرشید منہاس نے اپنے بیان میں کہا کہ بھارت مقبوضہ علاقے میں اسرائیلی طرز کے قبضے کا ماڈل دہرا رہا ہے، جس کے تحت قتل و غارت، گرفتاریوں، گھروں کی مسماری، جائیدادوں کی ضبطی اور سرکاری ملازمین کی جبری برطرفیوں کے ساتھ ساتھ آبادیاتی ڈھانچہ تبدیل کرنے کی گھناؤنی کوششیں جاری ہیں۔
حریت کانفرنس نے عالمی برادری خصوصاً اقوام متحدہ سے مطالبہ کیا ہے کہ وہ مداخلت کرے اور کشمیر تنازع کے منصفانہ حل کو یقینی بنائے، جس کا تعین اقوام متحدہ کی قراردادوں اور کشمیریوں کی خواہشات کے مطابق ہو۔
آرٹیکل 370 کی منسوخی کے بعد 631 غیر مقامی افراد کو زمین کی منتقلی، آبادیاتی تبدیلی کے خدشات میں اضافہدوسری جانب نیشنل کانفرنس کی قیادت والی حکومت نے تصدیق کی ہے کہ آرٹیکل 370 کی منسوخی کے بعد اگست 2019 سے اب تک 631 غیر مقامی افراد کو مقبوضہ علاقے میں زمین دی جاچکی ہے، جس سے مقبوضہ خطے کی آبادیاتی شناخت تبدیل کرنے کے خدشات مزید گہرا گئے ہیں۔
یہ بھی پڑھیں: مقبوضہ کشمیر میں انسانی حقوق کی بدترین پامالی، غیر قانونی گرفتاریاں اور ماورائے عدالت ہلاکتیں معمول بن گئیں
یہ انکشاف اس بات کی تازہ ترین تصدیق ہے کہ پانچ اگست 2019 کے متنازع آئینی اقدامات کے بعد سے غیر مقامی افراد کو زمین کے منتقل کیے جانے کا سلسلہ جاری ہے، جس کے تحت بیرونی افراد کو پہلی بار کشمیر میں جائیداد خریدنے کی اجازت دی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت حریت کانفرنس عبدالرشید منہاس مقبوضہ کشمیر
آزاد کشمیر میں حکومت سازی فیصلہ کن موڑ پر، نئے وزیر اعظم کا اعلان آج متوقع