وہیل مچھلیوں کی ہلاکت میں اچانک اضافہ، ماہرین تشویش میں مبتلا
اشاعت کی تاریخ: 1st, June 2025 GMT
سان فرانسسکو بے ایریا میں حالیہ ہفتے کے دوران 6 گرے وہیل مچھلیوں کی ہلاکت نے ماہرین کو تشویش میں مبتلا کر دیا ہے، جس سے 2025 میں اب تک ہلاک ہونے والی وہیلز کی تعداد 15 ہو گئی ہے۔ ان میں 14 گرے وہیلز اور ایک منکے وہیل شامل ہے۔
یہ بھی پڑھیں:56 فٹ لمبی وہیل مچھلی کا ڈھانچہ کراچی میں سڑک کنارے موجود
کیلیفورنیا اکیڈمی آف سائنسز اور میرین میمل سینٹر کے مطابق 21 سے 28 مئی کے درمیان ہلاک ہونے والی وہیلز کی پوسٹ مارٹم تحقیقات میں مشکلات کا سامنا ہے، کیونکہ کچھ لاشیں ناقابل رسائی مقامات پر ہیں یا گل سڑ چکی ہیں۔
ابتدائی تحقیقات میں 3 گرے وہیلز کی ہلاکت کی ممکنہ وجہ بحری جہازوں سے ٹکراؤ بتائی گئی ہے۔
2025 میں سان فرانسسکو بے میں گرے وہیلز کی غیر معمولی تعداد میں موجودگی دیکھی گئی ہے، جہاں اب تک 33 وہیلز کی تصدیق ہو چکی ہے، جو 2024 میں صرف چھ تھیں۔
یہ بھی پڑھیں:کیا ونڈ ٹربائنز کی وجہ سے وہیلز مررہی ہیں؟
تقریباً ایک تہائی وہیلز نے بے میں کم از کم 20 دن گزارے ہیں، جن کی جسمانی حالت نارمل سے لے کر کمزور تک رہی ہے۔
ماہرین کا کہنا ہے کہ گرے وہیلز کی آبادی میں 2019 سے 2023 کے درمیان تقریباً 45 فیصد کمی واقع ہوئی ہے، اور اس سال جنوبی کیلیفورنیا میں وہیل کے بچوں کی تعداد میں بھی کمی دیکھی گئی ہے۔
یہ عوامل ماحولیاتی تبدیلیوں اور خوراک کی کمی کی جانب اشارہ کرتے ہیں، جو وہیلز کو غیر معمولی علاقوں میں لے جا رہے ہیں اور ان کی ہلاکتوں کا سبب بن رہے ہیں۔
ماہرین نے کشتیوں اور بحری جہازوں کے عملے کو وہیلز کی موجودگی کے بارے میں خبردار رہنے اور رفتار کم رکھنے کی ہدایت دی ہے، تاکہ مزید ہلاکتوں سے بچا جا سکے۔
اس کے علاوہ، فیری روٹس میں تبدیلی اور وہیل کی سرگرمیوں کی نگرانی کے لیے اقدامات کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
گرے وہیل ماحولیاتی تبدیلیاں منکے وہیل وہیل مچھلی.
ذریعہ
ذریعہ: WE News
کلیدی لفظ: گرے وہیل منکے وہیل گرے وہیلز گرے وہیل وہیلز کی گئی ہے
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
بھارت سے جنگ اور افغانستان میں کارروائی خارج ازامکان نہیں، وزیردفاع