روس پر ڈرونز کی بارش، یوکرین کا 40 جنگی طیارے تباہ کرنے کا دعویٰ
اشاعت کی تاریخ: 1st, June 2025 GMT
ماسکو(ویب ڈیسک ) یوکرین نے روس پر ڈرونز کی بارش کردی ۔حملوں میں 40 سے زائد روسی جنگی طیاروں کو تباہ کرنے کا دعویٰ کیا گیا ہے۔
یوکرین نے دعویٰ کیا ہے کہ اس نے روس کے مختلف فوجی ہوائی اڈوں پر حملہ کر کے 40 سے زائد روسی جنگی طیاروں کو نشانہ بنایا ہے۔ یہ حملہ روسی فضائیہ پر اب تک کا سب سے بڑا ڈرون حملہ قرار دیا جا رہا ہے۔
یوکرین کی خفیہ ایجنسی “ایس بی یو” نے ایک بیان میں کہا ہے کہ “دشمن کے اسٹریٹجک بمبار طیارے بڑی تعداد میں جل رہے ہیں”۔
ایجنسی کا کہنا ہے کہ یوکرین نے دشمن کے بمبار طیاروں کو تباہ کرنے کے لیے ایک بڑی خصوصی کارروائی شروع کی ہے۔
روسی فوج نے ابھی تک ان حملوں پر کوئی تبصرہ نہیں کیا۔
میڈیا رپورٹس کے مطابق طیاروں کو روس کے شمال مغرب میں واقع شہر مرمانسک کے قریب اولینیا ایئر بیس پر بھی نشانہ بنایا گیا ہے۔
ذرائع نے غیر ملکی خبر ایجنسی کو بتایا کہ حملوں میں روس کے اسٹریٹجک بمبار طیارے جیسے Tu-95، Tu-22M3 اور A-50 ایئر وارننگ طیارے شامل تھے۔
روسی میڈیا نے مرمانسک پر حملے کی تصدیق کی ہے اور کہا ہے کہ ایئر ڈیفنس کام کر رہا ہے۔ارکتسک پر حملے کی خبریں بھی مقامی میڈیا میں آ رہی ہیں۔
دوسری جانب، یوکرینی حکام کا کہنا ہے کہ گزشتہ رات روس نے یوکرین پر 472 ڈرونز اور سات بیلسٹک و کروز میزائلوں سے حملہ کیا، جو کہ اب تک کا سب سے بڑا روسی ڈرون حملہ لگتا ہے۔
یوکرین کا کہنا ہے کہ اس نے 385 فضائی اہداف کو “ناکام” بنا دیا۔
یوکرینی زمینی فوج نے کہا ہے کہ ایک روسی میزائل حملے میں ان کے 12 فوجی ہلاک اور 60 سے زائد زخمی ہوئے ہیں۔ یہ حملہ یوکرین کے ایک تربیتی مرکز پر کیا گیا۔
مزیدپڑھیں:ہنڈائی کی گاڑیوں کی قیمتوں میں اضافے کا اعلان، صارفین کس طرح متاثر ہوں گے؟
ذریعہ: Daily Ausaf
کلیدی لفظ: طیاروں کو
پڑھیں:
یوکرین کا روس کی اہم آئل پورٹ پر ڈرون حملہ، غیرملکی جہازوں کا نقصان
ماسکو:یوکرین نے روس کی بحیرہ اسود میں مرکزی بندرگار تاؤپسے پر ڈرون حملہ کیا، جس کے نتیجے میں آئل ٹرمینل اور دو غیرملکی جہازون کو نقصان پہنچا۔
غیرملکی خبرایجنسی کی رپورٹ کے مطابق روسی حکام نے بتایا کہ تاؤپسے میں ہونے والے حملے میں دو غیرملکی جہازوں کو نقصان پہنچا ہے جہاں بحیرہ اسود میں روس کے بڑے آئل ٹرمینلز میں سے ایک ہے اور حملے میں اس ٹرمینل پر آگ بھڑک اٹھی۔
روس کے کراسنڈور ریجن کے ایمرجنسی آپریشنل ہیڈکوارٹرز سے جاری بیان میں کہا گیا کہ تاؤپسے بندرگاہ پر ڈرون حملہ رات کو ہوا جہاں موجود دو غیرملکی جہاز نشانہ بنے۔
بیان میں کہا گیا کہ اس حملے میں کوئی جانی نقصان نہیں ہوا ہے، جہاز کا عملہ سمیت وہاں کام کرنے والے دیگر افراد محفوظ ہیں لیکن بندرگاہ کی عمارت اور ٹرمینل کا انفرااسٹرکچر کو نقصان پہنچا ہے۔
رپورٹ میں بتایا گیا کہ روسی اور یوکرینی ٹیلی گرام چینلوں میں مختلف ویڈیوز میں دیکھایا گیا ہے، جس میں ٹرمینل میں تیل کے ٹینکر میں آگ لگی ہوئی ہے۔
ادھر یوکوین کی اندرونی سیکیورٹی سروس ایس بی یو کے عہدیدار نے بتایا کہ یوکرین کی فورسز نے تاؤپسے آئل ٹرمینل پر ڈورن حملہ کیا، 5 ڈرونز نے ایک آئل ٹینکر، لوڈنگ انفرا اسٹرکچر اور پورٹ کی عمارت کو نشانہ بنایا۔
رپورٹ کے مطابق تاؤپسے بحیرہ اسود میں آئل ٹرمینل اور روزنیفٹ آئل ریفائنری کا مرکز ہے، جس کو یوکرین نے رواں برس کئی مرتبہ ڈرون سے نشانہ بنایا ہے۔
اشتہار