پولیس والے سمجھتے ہیں کہ وہ عدالت کی آنکھوں میں دھول جھونک دیں گے ایسا نہیں ہوسکتا: لاہور ہائیکورٹ
اشاعت کی تاریخ: 3rd, June 2025 GMT
خلیل الرحمان قمر ہنی ٹریپ مقدمہ سے بری ہونے والے ملزم حسن رضا پر منشیات کے مقدمہ میں 2 ایس پیز لاہور ہائیکورٹ کو مطمئن نہ کرسکے ،عدالت نے ایس پی اورسی سی ڈی لاہور کوطلب کر لیا۔ خلیل الرحمان قمر ہنی ٹریپ مقدمہ سے بری ہونے والے ملزم حسن رضا پر منشیات کے مقدمہ کا معاملہ،لاہور ہائیکورٹ کےجسٹس فاروق حیدر نے نا مکمل ریکارڈ پیش کرنے پر ایس پیز پر اظہار ناراضگی کرتے ہوئے ریمارکس دئیے کہ پولیس والے سمجھتے ہیں کہ وہ عدالت کی آنکھوں میں دھول جھونک دیں گے ایسا نہیں ہوسکتا ،پولیس کا کام لوگوں کیلئے آسانیاں پیدا کرنا ہے مسائل نہیں ۔ ایس پی انویسٹی گیشن اقبال ٹاؤن سدرہ خان، ایس پی انویسٹیگیشن صدر معظم ہائیکورٹ پیش لیکن عدالت کو مطمئن نہ کرسکے،عدالت نے ایس پی ، سی سی ڈی آفتاب پھلروان کو 11 جون کو مکمل ریکارڈ سمیت طلب کرلیا ہے۔ جسٹس فاروق حیدر نے منشیات کے ملزم حسن رضا کی درخواست ضمانت پر سماعت کی ،ایس پی انویسٹیگیشن اقبال ٹاؤن اور صدر ڈویژن ، ڈپٹی پراسیکیوٹرجنرل رانا محمد عمران انجم کے ہمراہ پیش ہوئے ، جسٹس فاروق حیدر نے استفسار کیا کہ کس تھانہ میں مقدمہ درج ہوا اور کب ؟ ، وکیل صفائی نے جواب دیا 23 جولائی دوہزار چوبیس کو تھانہ سندر نے مقدمہ درج کرکے جیل بھجوایا ۔ ایس پی انویسٹیگیشن سدرہ خان نے عدالت کو بتایا کہ دو مقدمات ہیں ، ملزم کے خلاف اغوا کے متعلق مقدمہ تھانہ سندر اور منشیات کا تھانہ سبزہ زار میں درج ہوا ،جو بھی گرفتار ہوئی اس نے چودہ ملزمان کا انکشاف کیا ، 10 کو شناخت پریڈ پر بھیجا گیا ، اس خاتون نے حسن رضا سمیت دیگر کو نامزد کیا ، ضمنی میں بھی لکھا ہے، فاضل جج نے استفسار کیا یہ موجودہ منشیات کی ایف آئی آر کس تاریخ کی ہے، ، اور جس کے انکشاف پر درج ہوئی ،،ایس پی انویسٹیگیشن سدرہ خان نے جواب دیا ۔جسٹس فاروق حیدر نے استفسار کیا کہاں لکھا ہوا ہے کہ ملزم حسن رضا جیل میں بند ہے،تفتیشی افسر متعلقہ دستاویزات عدالت میں پیش نہ کرسکا ، فاضل عدالت نے تفتیشی افسر پر اظہار ناراضگی کرتے ہوئے کہا آپ کو سمجھ آتی نہیں یا سمجھنا ہی چاہتے ، ایس پی صاحبہ کیا آپ کو عدالت کے سوالات کو سمجھ رہی ہیں یا آپ کو سمجھ نہیں آرہی ، ایس پی سدرہ خان نے جواب دیا ،مجھے عدالت کے سوالات کی سمجھ آرہی ہے۔ جسٹس فاروق حیدر نے ریمارکس دئیے کہ ریکارڈ مکمل کیوں پیش نہیں کیا گیا ،آپ کیا سمجھتے ہیں کہ عدالت کی آنکھوں میں دھول جھونک دیں گے، عدالت کے استفسار پر ایس پی سدرہ خان نے بتایا کہ اب منشیات کے مقدمہ کی تفتیش کرائم کنٹرول ڈیپارٹمنٹ کے پاس ہے۔عدالت نے ایس پی ، سی سی ڈی لاہور آفتاب پھلروان کو طلب کرتے ہوئے کیس کی مزید سماعت 11 جون تک ملتوی کردی۔
.
ذریعہ
ذریعہ: Nawaiwaqt
کلیدی لفظ: جسٹس فاروق حیدر نے منشیات کے عدالت نے
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
بھارت سے جنگ اور افغانستان میں کارروائی خارج ازامکان نہیں، وزیردفاع