وزیراعظم کل 2 روزہ دورے پر سعودی عرب جائیں گے
اشاعت کی تاریخ: 4th, June 2025 GMT
نائب وزیراعظم و وزیر خارجہ اسحاق ڈار نے کہا ہے کہ وزیراعظم شہباز شریف کل 2 روزہ سرکاری دورے پر سعودی عرب روانہ ہوں گے۔ اہم وزرا اور اعلیٰ حکام بھی ان کے ہمراہ ہوں گے، جہاں پاک سعودیہ تعلقات کے فروغ، علاقائی صورتحال اور مشرق وسطیٰ میں امن کے حوالے سے اہم امور پر تبادلہ خیال ہوگا۔
اسحاق ڈار نے بتایا کہ دورہ سعودی عرب کے بعد وزیراعظم مشرق وسطیٰ کے دیگر ممالک کا بھی دورہ کریں گے، جس کا دوسرا مرحلہ جلد شروع ہوگا۔ ان کا کہنا تھا کہ حالیہ پاک بھارت کشیدگی کے دوران سعودی عرب نے انتہائی اہم اور متحرک کردار ادا کیا۔
مزید پڑھیں: شاہ سلمان کی قیادت میں سعودی عرب نے ملکی و عالمی سطح پر کیا کارہائے نمایاں انجام دیے؟
اسحاق ڈار کے مطابق سعودی وزیر خارجہ شہزادہ فیصل بن فرحان مسلسل میرے ساتھ رابطے میں رہے۔ جب میری امریکی سینیٹر مارکو روبیو سے بات ہوئی تو اس کے فوراً بعد فیصل بن فرحان کا فون آیا۔ انہوں نے کہا اگر آپ جنگ بندی کے لیے تیار ہیں، تو کیا میں بھارتی وزیر خارجہ جے شنکر سے بات کروں؟ جس پر میں نے جواب دیا کہ بھارت اگر تیار ہے، تو ہم بھی آمادہ ہیں۔
اس سے قبل سعودی وزیر مملکت برائے امور خارجہ عادل الجبیر نے بھی اسلام آباد کا دورہ کیا اور کشیدہ صورتحال کے پرامن حل کے لیے سفارتی مشاورت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی سینیٹر مارکو روبیو سعودی عرب سعودی وزیر خارجہ شہزادہ فیصل بن فرحان نائب وزیراعظم و وزیر خارجہ اسحاق ڈار وزیراعظم شہباز شریف.ذریعہ: WE News
کلیدی لفظ: امریکی سینیٹر مارکو روبیو سعودی وزیر خارجہ شہزادہ فیصل بن فرحان نائب وزیراعظم و وزیر خارجہ اسحاق ڈار وزیراعظم شہباز شریف اسحاق ڈار
پڑھیں:
استنبول میں وزیرِ خارجہ اسحاق ڈار کی ترک ہم منصب حقان فیدان سے اہم ملاقات
استنبول ( ڈیلی پاکستان آن لائن ) نائب وزیرِ اعظم و وزیرِ خارجہ سینیٹر محمد اسحاق دار نے استنبول میں غزہ کی صورتحال پر منعقدہ عرب و اسلامی وزرائے خارجہ کے اجلاس میں شرکت کے موقع پر ترکیہ کے وزیرِ خارجہ حقان فیدان سے ملاقات کی۔
دونوں رہنماؤں نے اس امر پر زور دیا کہ غزہ امن معاہدے پر مکمل عمل درآمد ناگزیر ہے، خصوصاً جنگ بندی کے احترام، مقبوضہ فلسطینی علاقوں سے اسرائیلی افواج کے فوری انخلاء، فلسطینی عوام تک انسانی امداد کی بلا رکاوٹ فراہمی، اور غزہ کی تعمیرِ نو کے لیے ٹھوس اقدامات کی ضرورت ہے۔
خیبر پختونخوا میں فورسز کی 2کارروائیاں، بھارتی پراکسی فتنہ الخوارج کے 3 دہشتگرد ہلاک
دونوں رہنماؤں نے اس عزم کا اعادہ کیا کہ پاکستان اور ترکیہ کے درمیان قدیم برادرانہ تعاون کو مزید گہرا اور متنوع بنایا جائے گا تاکہ دونوں ممالک کے تعلقات کو نئی بلندیوں تک پہنچایا جا سکے۔
نائب وزیرِ اعظم و وزیرِ خارجہ نے پاکستان اور ترکیہ کے برادرانہ تعلقات کی مثبت پیش رفت پر اطمینان کا اظہار کیا، جو اب ایک کثیرالجہتی شراکت داری میں تبدیل ہو چکے ہیں۔اسحاق ڈار نے ترکیہ کی جانب سے غزہ پر وزارتی اجلاس کے بروقت انعقاد کو سراہا۔ انہوں نے کہا کہ اس اجلاس نے فلسطینی عوام کی حمایت میں مشترکہ عزم اور متفقہ آواز کو ایک بار پھر مضبوط انداز میں اجاگر کیا ہے اور تنازع کے حل کے لیے اقوامِ متحدہ کی سلامتی کونسل کی قراردادوں کے مطابق اتفاقِ رائے کی تجدید کی ہے۔
داعش خراسان کے نیٹ ورک کو بڑا دھچکا ، سیکیورٹی فورسزکی کارروائی، متعدد ہائی پروفائل ٹارگٹ کلنگز میں ملوث دہشتگرد مارا گیا
دونوں وزرائے خارجہ نے باہمی دلچسپی کے مختلف شعبوں کیساتھ ساتھ علاقائی اور عالمی اہمیت کے امور پر بھی تبادلۂ خیال کیا۔
مزید :
آزاد کشمیر، تحریکِ عدم اعتماد آج بھی پیش نہیں کی جا سکی